• Jehovaba khoe-i khami sorosa ūhâ?
    ǀAmosib kōse ǃgâiaǂgao re—ǃgâi Elobmîs ǃhoaǀhaodi

    • 2. Mâga a Jehovab di ǀgau?

      Jehovab ge a mûhe ǁoa. Xawe ǁîba du ga ǂan o, o du ge ǁîba ra ǀnam, ǁîb ǀgaugu ǃaroma. Elobmîs ge ra mî: Jehovab ‘ge ǂhanu-aisiba a ǀnam, tsîb ge ǂhanu-aina ǁnāxū tide.’ (Psalmdi 37:​28) Tsî ǁîb ge a ‘ǀkhomxa tsî a ǀkhomxaǂgao.’ ǁNān hîna ǃgoma ra tsân ǃoa-ai. (Jakobub 5:​11) Jehovab ‘ge ǀgūse hâ, ǁnān khôaǂkhūsa ǂgaoga ūhâna, tsîb ge ǂkhabuǂâi hâna ra hui.’ (Psalmdi 34:​18) ǂAn i du a, Jehovaba du ge sadu ra dī xūn ǀkha, a ǃgâiaǂgao kai ǁkhā. Tamas ka io a tsûtsû ǁkhā. Khoe-i hîna ǁgai xūna ra dī-i ge ǁîba a tsûaǂgao kai ǁkhā. (Psalmdi 78:​40, 41) Xawe khoe-i hîna ǃgâi xūna ra dī-i ge ǁîba a ǃgâiaǂgao kai ǁkhā.​—Khomai re ǂKhoamîdi 27:11 sa.

  • Mati du Jehovaba ǀnamma a ǁgau ǁkhā?
    ǀAmosib kōse ǃgâiaǂgao re—ǃgâi Elobmîs ǃhoaǀhaodi

    • Mati du Jehovaba ǀnamma a ǁgau ǁkhā?

      Elobmîsa du ge ǁkhāǁkhāsen tsoatsoasa xu, du Elob ǀgūse ra tsâ? Sadu ǀhōsagusisa ǁîb ǀkha ǀgaiǀgais ǀkha du ra aiǃgû ǂgao? Nēs ga ama o, o ǂan re. Jehovab ge sudu ǁîba ūba hâ ǀnammi ra kai ǃkhaisab ga mû o. ǁÎb tsîna sado nî ǀnam tsoatsoa. Tsî nî kōǃgâ du. Mati du a ǁgau bi ǁkhā. ǀNam bi du a ǃkhaisa?

      1. Mati du Jehovaba ra ǁgau, ǀnam bi du a ǃkhaisa?

      Nēsa du ge ǁîba ǁnâuǀnams ǃnâ-ū a dī ǁkhā. (Khomai re 1 Johaneb 5:3 sa.) ǁÎb ge khoe-e ǁgari tama hâ. ǁÎba ǁnâuǀnams ǃaroma. Xaweb ge mâ khoe-i, hoa-e ǃēsa ra mā. Î-i aitsama ǁhûi ǁîba ǁnâuǀnamsa. Tamas ka io ǁnâuǀnam tama isa. Tae-i ǃaroma? Jehovab ge ǂhâba hâ “ǂgaob ǀkha” du nî ǁnâuǀnam bisa. (Romeǁîn 6:​17) Nēs ge ra ǂâibasen, ǁîb ǂhâba hâsa. Î du ǁnâuǀnam bi, ǂgao du ra amaga. Tsî ǁîba du a ǀnam amaga. 3ǁÎ tsî 4ǁî ǃâkha, nē ǂkhanis ǃnâ hâkha ge. ǁNāti a kurusa î-i sado hui. Î du Jehovaba ǀnamma ǁgau. ǁÎba ra ǂkhîǂkhî xūna dī. Tsî ǁîba ra ǂkhîoǃnâ kai xūna ǃhuis ǃnâ-ū.

      2. Tae-i ǃaroma i a ǃgom, sadu ǀnamma Jehovaba ǁgausa?

      “ǂHanu-ai-i ge ǂgui” ǃgomsina ra hōǃâ. (Psalmdi 34:​19) ǀOasa kurusa du ge ūhâ tama hâ. Mari ǃgomsigu, ǂhanuoǃnâsib. Tsî ǀnî hâ ǃgomsigu tsîna du ge ūhâ. ǃGoma du ga hōǃâ o. O i ge a ǃgomba du ǁkhā. Jehovab ra ǂgan du xūna dīsa. Jehovaba ǁnâuǀnam tama is ge a supu ǁkhā. Xawe du ga ǂgomǂgomsase. Jehovab ra ǂgaoǀkhā du xūna dī o. O du ge ra ǁgau hoa xūn. ǂAm-ai du ǁîba a ǀnam ǃkhaisa. Tsî du ge ǁîb ǃoa-ai du ǂgomǂgomsa ǃkhais tsîna ra ǁgau. Nēsa du ga dī o. Ob ge ǁîb tsîna. Sadu ǃoa-ai nî ǂgomǂgomsa. ǁÎb ge tātsē ǁnāxū du tide.​—Khomai re Psalmdi 4:3 sa.

      ǃGAMSE ÔAǃN RE

      Ôaǃnâ re, tae-i ǃaromas sadu ǁnâuǀnamxasiba. Jehovaba a ǂhâǂhâsabasa. Tsî ǁkhāǁkhāsen re, tae-i a hui du ǁkhāsa. Î du ǂgomǂgomsase ǁîb ǃoa-ai hâ.

      3. Sado ǃkhōǂgā hâ xū-i

      Jobi ǂkhanis ǃnâ du ge ra khomai. Satanni ge Jobi tsî hoa khoen hîna. Jehovaba ra ǃoabana ǂgā-amsa. Khomai re Job 1:​1, 6–​2:​10 sa. Tsî sao ra dîra ǃhoaǃgao re:

      • Satanni ǃoagub Joba. Tae-i ǃaroma Jehovaba gere ǁnâuǀnam?​—Khomai re Job 1:​9-11 sa.

      • Satanna tae-e hoa khoen xa ge mî. Sadu tsîna ǃkhōǂgā hâse?​—Khomai re Job 2:4 sa.

      Khomai re Job 27:5 sa. Tsî sao ra dîsa ǃhoaǃgao re:

      • Joba mati ge ǁgau Jehovabab a ama ǀnamsa?

      Satanni ge Jehovaba ra mâǃoa. Satanni ge Jobi ǂgomǂgomsasiba ra ǃgôaǁnâ. Hîna ǀhapidi xa ǀoa hâba. Tsî nētsē Jehovaba ra ǃoaba khoes.

      Jobi ge ǁîb ǀnamma Jehovaba ge ǁgau ǂgomǂgomsase ǁîb ǃoa-ai hâs ǃnâ-ū

      Sadu ǀnamma du ge Jehovab ǃoa-ai ra ǁgau ǂgomǂgomsase ǁîb ǃoa-ai hâs ǃnâ-ū

      4. Jehovab ǂgaoba ǃgâiaǂgao kai re

      Khomai re ǂKhoamîdi 27:​11 sa. Tsî sao ra dîra ǃhoaǃgao re:

      • Matib Jehovaba ra tsâ? Gā-ai tsî du ga ǁîba ǁnâuǀnam o. Tsî tae-i ǃaroma?

      5. Jehovab ǃoa-ai du ge a ǂgomǂgomsa ǁkhā

      Jehovaba du ūba hâ ǀnammi ge ra ǁgari du. Î du nau khoena ǁîb xa mîba. ǁÎb ǃoa-ai du ūhâ ǂgomǂgomsasib ge nî hui du. Supu tama i ga i, xawes tsîna. VIDIOBA ǀhuru re. Tsî sao ra dîra ǃhoaǃgao re.

      VIDIOB: Sadu ǂgomsa mâǃoahe du ga xawe ǁkhauba re (5:09)

      • ǃGombahe du a khoena Jehovab xa mîbasa?

      • Tae-e vidiob ǃnâ Graysona ge hui. Îb ǁîb ǃaob tsâsiba dan?

      Supu i ge a Jehovab ǃoa-ai ǂgomǂgomsase hâsa. ǁÎb a ǀnam xūna du ga ǀnam o. Tsî ǁîb ǃhui hâ xūna du ga ǃhui o. Khomai re Psalmdi 97:​10 sa. Tsî sao ra dîde ǃhoaǃgao re:

      • ǁKhāǁkhāsen du go xūna xu. Mâna xūn hînab Jehovaba a ǀnamna? Tsî mâna xūn hînab Jehovaba ǃhui hâna?

      • Mati du nî ǁkhāǁkhāsen ǃgâi xūna ǀnam, tsî tsū xūna ǃhuisa?

      6. ǃGâise du ge nî tsâ Jehovaba du ga ǁnâuǀnam o

      Jehovaba ǁnâuǀnams ge hoaǁae a ǃgâi. Khomai re Jesajab 48:​17, 18 sa. Tsî sao ra dîra ǃhoaǃgao re:

      • ǂGom ǁkhā du a Jehovab hoaǁae. Sado a ǃgâiba xūna a ǂansa? Tsî tae-i ǃaroma?

      • Sadu Elobmîs ǁkhāǁkhās tsî ama Elob Jehovab xa ǂansa. Mati nēsis kōse go hui du?

      MATI DU NÎ ǃEREAM KHOE-I GA MÎ O: “Tita ra dī xūn ge Eloba tsâǀkhā tama hâ.”

      • Mâ xoasa du a sîsenū ǁkhā, î du ǁgau. Sadu ra dī xūn, Jehovaba ra ǂkhî tamas ka io ra tsūaǂgao kaisa?

      ǃKHŌǀHAOS

      Sadu ǀnamma du ge Jehovaba a ǁgau ǁkhā. ǁÎba ǁnâuǀnams ǃnâ-ū. Tsî ǂgomǂgomsase ǁîb ǃoa-ai hâsa. ǃGomsina du ga hōǃâ xawe.

      ǁKhāǁkhāsen du go xūna ǂâiǃgâs

      • Tae-e du Jobi aiǁgausa xu go ǁkhāǁkhāsen?

      • Mati du Jehovaba a ǁgau ǁkhā. ǀNam bi du a ǃkhaisa?

      • Tae-e nî hui du ǂgomǂgomsase Jehovab ǃoa-ai hâsa?

      Sadu nî dī xū-i
      .

      ÔAǃNÂ

      ǂAnǂui re, mati du Jehovab tsî ǀhaohâb. ǃOa-ai ǂgomǂgomsase a hâ ǁkhāsa.

      “ǂGomǂgomxa khoe-i ǀkhats ge a ǂgomǂgomxa” (16:49)

      Satanni khoena ra ǂgā-am xūn xa. ǃNāsase ǁkhāǁkhāsen re.

      “Jobi ge ǁîb ǂgomǂgomxasiba ge ǃkhōǀgara” (Elobmîs​—Haisi-amsa a tae? 6ǁî ǃâb)

      Kō re, matin ǂkhamǀgôan tsîna ǁîn ǀnamma. Jehovaba a ǁgau ǁkhā ǀgausa.

      Jehovaba ǂkhîǂkhî re (8:​16)

      ǂKhamkhoe-i hîna nau ǂkhamkhoena xu ǁgâiba ra hō-e. Mati ǂgomǂgomsase Elob ǃoa-ai a hâ ǁkhā?

      ǁGâiǀāba xu ǂgōsen! (3:​59)