5. ǁĀǁnâs ǃaroma ra ǃkhō-oa du xūna dan re

Jehovab ai māǁnâsen tsî ǁāǁnâhesa da ga mîmâi o. O da ge hoa da ǃgomsina ra hōǃâ. Aiǁgausa, mûs ǃaroma. VIDIOBA ǀhuru re. Tsî sao ra dîra ǃhoaǃgao re.

VIDIOB: Jehovaba da ūba hâ ǀnammi ǀkha da ge ǃgomsina a dan ǁkhā (5:22)

• Vidiob ǃnâs Narangerelsa mâ ǃgomsina nî dan ge i sa, is Jehovaba ǃoaba ǁkhā?

• Jehovabas ge ūba hâ i ǀnamma mati ge huisi, nē ǃgomsina dans ǀkha?

Khomai re ǂKhoamîdi 29:​25 tsî 2 Timoteub 1:7 sa. Tsî sao ra dîsa ǃhoaǃgao re:

• Tae-e ǀgaiba ra mā du, î du ǃgomsina dan?

Nēsi da ge sida ǂgomǃgâsiba. Jehovab ǃnâ nî ǀgaiǀgai. Tsēs hoasa ǁaeba ǁamaǂui re î du. Jehovaba ǃoa ǀgore tsî ǁîb mîsa khomai. Tsî hoaǁae ǀhaohâb ǀhaode hâǃnâ re. Nē xūn hoana du ga dī o, o du ge ǂhâ du hâ ǀgaiba nî hō. Î du ǁgâiǀāgu ǁaeb ǃnâ mâǀgai. Sadu omaris ǁanina xu i ga hā xawes tsîna. Apostel Paulub hîna gere ǁgâiǀāheb ge ge xoa: ‘Jehovab ge a ti hui-ao, o ta ǃao tide.’​—Hebreǁîn 13:6.

Sida ǁkhoaǂgaosib tsîna da ge a omkhâi ǁkhā. Hoaǁae aoǁnâ sîsenna dīs ǃnâ-ū. Aoǁnâ sîsenni ge ra ǁkhāǁkhā da î da. Jehovab ǃnâ ǂgomǃgâ tsî tā khoe-e ǃao. (ǂKhoamîdi 29:​25) Nēsi ǁkhoaǂgaose aoǁnâs ge ra aiǂhomi da. ǃHūb di ǂhanub ga sida sîsen-e mâǃoa ǁaeb ǃaroma. Î da ǁkhoaǂgaose ǁnā ǁaeb ǃnâ aoǁnâ.​—1 Tesalonikaǁîn 2:2.