1. Elob ǀonsa mati hâ? Tsî tae-i ǃaroma du a mî ǁkhā ǁîb ra ǂgaosa î du ǂan bi?

Elob ge aitsama, Elobmîs ǃnâ ra mai-aiǃâsen. ǁÎb ge ra mî: ‘Tita ge Jehova ta. ǁNās ge ti ǀonsa.’ (Khomai re Jesajab 42:​5, 8 sa.) ‘Jehovab’ ǀons ge Hebregowab ǃnâ ra ǂâibasen “ī nî ta ge.” Tamas ka io xūna ra ī kaib. Jehovab ge ra ǂgao î du, ǁîb ǀonsa ǂan. (Eksodus 3:​14) Mati du ǁnāsa a di ǁkhā? Elobmîs ǃnâb ge ǁîb ǀonsa 7 000a xa ǃnāsa ǃnāde ǃkhōǂgā hâ. Jehova di hâ ǀons ge ‘ǀhommi tsî ǃhūbaib di Elob’ ǀonsa.​—Deuteronomium 4:39.

2. Jehovaba du mati nî ǃoaba?

Jehovab ǀguiba du ge nî ǃoaba. ǁÎb a sadu kuru-ao amaga. (ǂHaiǂhais 4:11) Nēs ge ra ǂâibasen. ǁÎb ǀguiba du ǀnam tsî nî ǃoabasa. Tsî du ama tama elon tsî ai-īsina sîsenū tidesa.—Khomai re Jesajab 42:8 sa.

Sadu ǃoaba ǀgaub ge ‘ǃanu tsî Eloba nî ǃgâiba.’ (Romeǁîn 12:1) Nēs ge ra ǂâibasen. Î du ǁîb di daoǁgaude sao. Aiǁgause, Jehovaba a ǀnam khoen ge. ǁÎb ǃgammeb ǃgao mā hâ ǂhanuga ra ǁnâuǀnam. Tsîn ge ǁîn di sorode nî tsûtsû, xūna xu ra hâbē. Aiǁgause, tabaka-i tamas ka io drugsan tsî xûi-e ǃgâi tamase ǀgaub ǃnâ sîsenusa xu.a