• Mā-am i du nî xū-e ǁkhae dusa Jesuba saosa xu?
    ǃKhē xu ǂgō-ommi (ǁKhāǁkhāǃâs)—2021 | Meib

    • (3) JESUB GE JODEǁÎN DI TRADISIGA GE SAO TAMA H I

      ǂGuin ge ge ǃnôa kaihe Jesub ge ǃgâiǃgâibasen-e tradisi-i ǃnâ ūhâ tama io. Mati i ǁkhā xū-e ǀnîna nētsē nî ǃnôa kai? (13ǁÎ xoaǀgorasa khomai re)d

      13. Tae-i ǃaroman ge ǂguina Jesub ǃnâ ǂgom tama hâ i?

      13 Jesub tsēdi ǃnâb ge Johanneb ǁāǁnâ-aob, di ǁkhāǁkhāsabega ge buru hâ i. Jesub di ǁkhāǁkhāsabegu ge ǂû tamase hâ tama hâ i ǃkhais ǃaroma. Jesub ge ge ǁguiǃā ǂhabasa tama i ge hâ isa. ǁÎgu ǂû tamase nî hâsa ǁîb ûitsamase hâ hîa. (Mt 9:14-17) Xawe Farisegu tsî ǁîba gere mâǃoan ge ǁîba gere mîǁgaiǁgai. ǁÎb ge ǁîn di tradisiga sao tama hâ i amaga. ǁÎgu ge ge ǁaixa, Jesub ge sâtsēs ai ǀaesen hâ khoena gere ǂgauǂgau o. (Mr 3:1-6; Jh 9:16) ǁÎgu ge ǂnîsase gere mî, sâtsēs di mîmāsa gu gere ǁnâuǀnam di. Xawe gu ge Tempeli ǃnâ ǁama tsî gere ǁamaxu hîa. ǁÎgu ge ge ǁaixa hâ i. Jesub ge ǂhanu tama xūna gu ra dī amaga a ǀgoraǃgâgu o. (Mat. 21:12, 13, 15) Jesub ge sinagogegu Nasarets di gu ǃnâ gere aoǁnāba khoen ge. Kaise gere ǁaixa Jesub ge ǃkharuge ǁaeb di aiǁgaude sîsenū. Tsî ǁîn di ǁî ǃgôasenxasib tsî ǂgom o ǃnâsiba gere ǁgauǂui o. (Luk. 4:16, 25-30) ǂGuin ge Jesub ǃnâ ge ǂgom tama hâ i. ǁÎn ge dīb nî di a ǂâi xūnab ge dī tama io.—Mat. 11:16-19.

      14. Tae-i ǃaromab ge Jesuba khoen tradisigu, hîna xoadi ǀkha, ǃgûǀhao tamade ūǃoa ǂgao tama hâ i?

      14 Xoade tae-e ra mî? Jehovab ge kēbo-aob Jesajab ǃnâ u nēti ge mî: “ǁNā-amaga nē ǁaes ra ams ân ǀkha tita ǀgū, tsî amǁgaugu ân ǀkhan ra tita ǃgôa, xawe ǂgaob ânan ra tita xu ǃnūse dībē amaga, tsî ǃaoǃgâb ân hîan ǁkhāǁkhāhe hâb a khoen di mîmā ǀgui amaga.” (Jes. 29:13) Jesub ge ge ǂhanu i khoen di ǂnûiǂgāde. Tsî tradisigu hîna xoadi ǀkha ǀguiǃnâxa tamade ǀgoraǃgâsa. ǁNān hîna ge khoen di mîmāde. Elobmîs mîmādi ǀgapise gere mâin ge. Jehovaba ge ūǃoa tama hâ i. Tsî ǁîb ge sîb Mesiab tsîna.

  • Mā-am i du nî xū-e ǁkhae dusa Jesuba saosa xu?
    ǃKhē xu ǂgō-ommi (ǁKhāǁkhāǃâs)—2021 | Meib

    • (4) JESUB GE ǃHŪBAIB DI ǂHANUGA GE DAWA TAMA H I

      ǂGuin ge ge ǃnôa kaihe Jesub ge poletiks ǀkha dī xū-e ūhâ tama io. Mati i ǁkhā xū-e ǀnîna nētsē nî ǃnôa kai? (17ǁÎ xoaǀgorasa khomai re)e

      17. Tae-en ge ǂguina ǃâubasen hâ i, Mesiab nî dī-e?

      17 ǀNîn ge Jesub di tsēdi ǃnâ ǂhanub ǃnâ i ǀkharaǀkharana nî hâsa gere ǂhâba. ǁÎn ge ge ǃâubasen hâ i îb Mesiaba ǁîna ǃnoraǃnora. Romeǁîn di ǂgaeǂguis di ǁgâiǀāba xu. Xawen ge Jesuba ǁîn di Gaob ase gere mâi ǂgao o, ob ge ge ǂgā. (Jh 6:14, 15) Pristergu tsî ǀnîn ge gere ǃao Jesub nî ǂgaeǂguis ǃnâ ǀkharaǀkharana ǀkhī usa. Tsîn Romeǁîna nî ǁaixa tsî peristerga gu mā hâ ǀgaiba nî ūbesa. ǁNāti i ǃgâi tama ǂâiǀgaub ge ge ǃaroma. În tā ǂgui Jodeǁîna Jesub ǃnâ ǂgom.

      18. Mā Elobmîs di kēbodi hîna Mesiab xa hânan ge ǂguina ǂgom tama hâ i?

      18 Xoade tae-e ra mî? ǂGui kēbodi ge ra mî Mesiab nî dan-aosa. Xawe di ge ǀnî kēbode ra mî ǁîb ǂgurose sida ǁoren ǃaroma nî ǁōsa. (Jes 53:9, 12) Xawe tae-i ǃaroman ge Jodeǁîna ǃgâi tama ǃâubasende ūhâ i? ǂGuin hîna ge Jesub di tsēdi ǃnâ hâ în ge. Kēbodi hîna mîmâisadi ǁnā ǁaen ge ūhâ i. ǃGomsina nî ǀam kaisa ge ǂgom tama hâ i.—Jh 6:26, 27.