• Elob Gaosiba a tae?
    ǀAmosib kōse ǃgâiaǂgao re—ǃgâi Elobmîs ǃhoaǀhaodi
    • 31ǁÎ ǁkhāǁkhāǃâs. Jesub Xristub ge ǀhomsi Gaob ase. Jehovab ǂkhaisib ais ai mâ.

      31ǁΠǁKHĀǁKHĀǃÂS

      Elob Gaosiba a tae?

      ǂHâǂhâsa haisi-ams hîna Elobmîs ǃnâ hâs ge. Elob di Gaosib xa hâ. Jehovab ge Elob Gaosib ǃnâ-ū. ǃHūbaiba paradais ǃnâ nî ǀkharaǀkhara. Tsoatsoasa xub ge Jehovaba ǃhūbaiba ūba hâ i ǂâibasens ge. Elob Gaosiba a tae? Mati du a ǂan nē Gaosib nēsi ra ǂgaeǂguisa? Tae-eb ǀnai ge dīǀoaǀoa? Tsî tae-eb hānîǁaeb ǃnâ nî dī? Nē ǁkhāǁkhāǃâs tsî sao ra ǀgam ǁkhāǁkhāǃâra ge. Nē dîde nî ǃhoaǃgao.

      1. Elob Gaosiba a tae tsî nē Gaosib Gaoba a ham?

      Nē Gaosib ge ǂhanub hîna. Jehova Elob xa kuruhe hâba. Nē Gaosib di Gaob Jesub Xristub ge ǀhomma xu ra ǂgaeǂgui. (Mateub 4:17; Johaneb 18:36) Elobmîs ge Jesub xa ra mî: “Ob ge ǀamos kōse . . . nîra gaosîsen.” (Lukab 1:32, 33) Elob Gaosib ǂgaeǂgui-aob aseb ge Jesuba. Hoa khoen hîna ǃhūbaib ai hâna nî ǂgaeǂgui.

      2. Hamna Jesub ǀkha nî ǂgaeǂgui?

      Jesub ge ǀguri ǂgaeǂgui tama. Khoen ‘ǃhaoǃnā-i tsî gowa-i tsî ǁae-i din ge . . . ǃhūbaiba’ nî ǂgaeǂgui. Jesub ǀkha ǀguiba. (ǂHaiǂhais 5:9, 10) Matikō khoena Xristub ǀkha nî ǂgaeǂgui? ǃHūbaiba ǃoab ge Jesuba hāsa xun ge. Miliundi Xristeǁîna ge ǁîb di saosabe kai. Xawen ge 144 000 khoen ǀguina ǀhomma ǃoa nî ī. În Jesub ǀkha ǂgaeǂgui. (Khomai re ǂHaiǂhais 14:1-4 sa.) Nau Xristeǁîn hoan ge nî ǁnā Gaosib di ǁani kai.—Psalmdi 37:29.

      3. Tae-i ǃaromab Elob Gaosiba ǃhūbaib di, khoesi ǂhanugu xa a ǃgâi?

      ǃHūbaisi ǂgaeǂgui-aogu ge. ǃGâi xūna dīsa ra dītsâ. Xawe gu ge ǀgaiba ūhâ tama hâ hoa xūna dīsa. Tsî ǀnî hâ ǂgaeǂgui-aogu ge ǁîgu xa ǀgui ra ǂâi. Tsî khoena hui tama hâ. Xawe Elob Gaosib ǂgaeǂgui-aob Jesub ge. Tātsē ǀnî hâ Gao-ao i xa ǃkhōǃkhunihe tide. Elob ge “Gaosiba nîra ǂnûikhâi, ǀamosib kōse hîkākāhe tideba.” (Danieli 2:44) Jesub ge hoa ǃhūbaiba nî ǂgaeǂgui. Tsî khoen ǁaegu ǀgora-e ūhâ tide. Jesub ge ǀnamxaǃnâ, tsaura tsî a ǂhanu-ai. Tsî khoena nî ǁkhāǁkhā. În ǃgâi ǀgaub ǃnâ hâ-ūgu. ǀNammi, ǃgâisib tsî ǂhanu-aisib ǃnâ.—Khomai re Jesajab 11:9 sa.

      ǃGAMSE ÔAǃN RE

      Kō re, tae-i ǃaromab Elob Gaosiba. Khoesi ǂhanugu xa a ǃgâisa.

      Jesub Xristub ge ǃhūbaiba ǁîb ǀhomsi tronsa xu ra ǂgaeǂgui. ǁÎb ǀkha ra ǂgaeǂgui khoen ge ǁîb ǃnâb ai ǃnôa. Jehovab ǂkhaisib ge ǁîn ǃnâb ai ra ǃnâ.

      4. ǀGaisa ǂhanub ge ǃhūbaib hoaba nî ǂgaeǂgui

      Jesub ge kai ǀgaiba ūhâ ǂgaeǂguis ǃaroma. Ū da hâ ǂhanugu hoagu xa. Khomai re Mateub 28:18 sa. Tsî sao ra dîsa ǃhoaǃgao re:

      • Tae ǃkharagagusiba hâ Jesub ǂgaeǂguis ǀgaib. Tsî khoesi ǂhanugu ǂgaeǂguis ǀgaib ǁaegu?

      Khoesi ǂhanugu ge ra ǃkhōǃkhunihe. Tsî nē ǂhanugu ge ǀgui ǃhūb ǃnâ ǀgui a ǂgaeǂgui ǁkhā. Nēsa du Elob Gaosib xa a mî ǁkhā? Khomai re Danieli 7:14 sa. Tsî sao ra dîra ǃhoaǃgao re:

      • Tae-i ǃaroma i a ǃgâi Elob Gaosib ‘hîkākāhe tidesa’?

      • Tae-i ǃaroma i a ǃgâi. Elob Gaosib nî hoa ǃhūbaiba ǂgaeǂguisa?

      5. Khoesi ǂhanugu ge nî ǃkhōǃkhunihe

      Tae-i ǃaromab Elob Gaosiba khoesi ǂhanuga nî ǃkhōǃkhuni? VIDIOBA ǀhuru re. Tsî sao ra dîsa ǃhoaǃgao re.

      VIDIOB: Elob Gaosiba a tae?—ǃnubuǃnubusa ǃâb (1:41)

      • Khoesi ǂgaeǂgui-aogu, ǂgaeǂguis ǀamǂoasa a tae?

      Khomai re Aoǁnâ-aob 8:9 sa. Tsî sao ra dîsa ǃhoaǃgao re:

      • ǂÂi î du ra, Elob Gaosib khoesi ǂgaeǂgui-aoga nî ǃkhōǃkhuni di? Tsî tae-i ǃaroma?

      6. Elob Gaosib ge ǁnâuǃā du ra ǂgaeǂgui-aona ūhâ

      Sada Gaob Jesub ge khoe-i amagab ge. “Sada ǂkhabusasigu ǀkha ǀkhomǀkhomsi-e ūhâ.” (Hebreǁîn 4:15) ǂGomǂgomsa 144 000 aogu tsî taradi. Hîna Jesub ǀkha nî ǂgaeǂguise în ge Jesub xa. “Mâ ǃhaoǃnā-i tsî gowa-i tsî ǁae-i” tsîna xu ǁhûi-e hâ.—ǂHaiǂhais 5:9.

      • ǁKhaeǂgaohe du ra ǂansa. Jesub tsî ǁîb ǀkha nî ǂgaeǂgui khoen. Tsîn a ǂansa mati i ra tsâsa khoe-i ase ûisa? Tsî tae-i ǃaroma?

      ǃKharagagu khaoǃhūgu ūhâ tsî ǃkharagagu ǁaeb ai ge ûi hâ i ǂkhauhesa taradi tsî aogu.

      Jehovab ge ǃkharagagu khaoǃhūga ūhâ. Aogu tsî taradi tsîna ge ǁhûi. În Jesub ǀkha ǂgaeǂgui

      7. Elob Gaosib ge ǃgâi ǂhanuga, khoesi ǂhanugu xa ūhâ

      ǂHanugu ge ǁgaraga ra dī. Hînan khoena nî hui tsî ǁkhaubaga. Elob Gaosib tsîn ge ǂhanuga ūhâ hînan. ǁÎb ǃnāka hâ khoena nî saose i ga. Khomai re 1 Korinteǁîn 6:9-11 sa. Tsî sao ra dîde ǃhoaǃgao re:

      • Mati du ra ǂâi, ǃhūbaiba mati nî ī. Khoen hoan ga Elob di ǂhanuga sao o?a

      • ǁNâuǃāxa-e Jehovab nē Gaosib ǃnāka nî hâse i. Khoen hoana ra ǂgaoǀkhāsa în ǁîb ǁgaraga ǁnâuǀnam? Tsî tae-i ǃaroma?

      • Tae-e ra ǁgau, nē ǂhanuga ǁnâuǀnam tama khoen a ǀkharaǀkharasen ǁkhā ǃkhaisa?—11ǁÎ ǁaraǃāsa khomai re.

      ǀAwaǃnammi ge audosa ra mâ kai daob ai. ǃKharagagu kurina ūhâ khoen ge daoba ra ǃgâu.

      ǂHanugu ge ǁgaraga ra dī. ǁÎn ǁanina ra ǁkhauba tsî ǃgâiba hō kaina. Elob Gaosib ge kaise ǃgâi ǂhanuga ūhâ. ǁÎb ǁanina ra ǁkhauba tsî ǃgâiba māga

      KHOE-I GE ǀNÎSI A DÎ DU ǁKHĀ: “Elob Gaosiba a tae?”

      • Mati du nî ǃeream?

      ǃKHŌǀHAOS

      Elob Gaosib ge ama Gaosiba. Hîna ǀhomma xu hoa ǃhūbaiba nî ǂgaeǂguiba.

      ǁKhāǁkhāsen du go xūna ǂâiǃgâs

      • Elob Gaosib ǂgaeǂgui-aona a ham?

      • Elob Gaosiba mati khoesi gaosigu xa a ǃgâi?

      • Jehovaba tae-e ǁîb Gaosib ǁanina xu ra ǃâubasen?

      Sadu nî dī xū-i

      ÔAǃNÂ

      Kō re, tae-eb ge Jesuba. Elob Gaosib mapa hâs xa ǁkhāǁkhāsa.

      “Elob Gaosiba sadu ǂgaob ǃnâ hâ?” (Internets ai hâ ǁkhāǁkhādi)

      Tae-i ǃaroman Jehovab di ǃoaba-aona. Elob Gaosib ǃoa-ai a ǂgomǂgomsa, khoesi gaosigu xa?

      ǂGomǂgomsa Elob di Gaosib ǃoa-ai (1:43)

      Ôaǃnâ re, Elobmîs tae-e 144 000 khoen xa ra mîsa. Hîna Jehovab xa ra ǁhûihena. În Jesub ǀkha ǂgaeǂgui.

      “Hamna ǀhomma ǃoa ra ī?” (Internets ai hâ ǁkhāǁkhādi)

      Tae-e tronkhes ǃna hâ khoesa ge hui, is mûǂan Elob Gaosib ǀguib ǂhanu-ai ǃhūbaiba a hā-ū ǁkhāsa?

      “ǂHanuoǃnâsib ai ta ge ǃereamsa ge hō” (ǂKhaikari hâb, Novemberi 2011)

      a Nē ǂhanugu ge 3ǁî ǃâb ǃnâ nî ǃhoaǃgaohe.

  • ǀKhāna ǁhûi tama i sa tae-e ra ǂâibasen?
    ǀAmosib kōse ǃgâiaǂgao re—ǃgâi Elobmîs ǃhoaǀhaodi
    • 45ǁÎ ǁkhāǁkhāǃâs. ǂKham ǃgâsas ge ǃgôasib ǃnâ ǂgōse mâ, xawe ǃhūb mîǁguiga mî tama. Tsî ǁîs ǃomma ǀūs ai ǁgui tama hâ, nau ǀgôan khami.

      45ǁÎ ǁKHĀǁKHĀS

      ǀKhāna ǁhûi tama i sa tae-e ra ǂâibasen?

      Jesub ge ge ǁkhāǁkhā. ǁÎb di saosaben ‘ǃhūbaiba xu hâ tama’ hâ di. (Johaneb 15:​19) Nēs ge ǀkhā-e ǁhûi tama i sa ǃkhōǂgā hâ. Nēs ge ra ǂâibasen ǃhūbaib di ǂgīǂgōsi (poletikan) xūn. Tsî toron tsîn ǃnâ du ǀkhā-e ǁhûi tidesa. Ama as ge hoaǁae i ge supu tama hâ ǀkhā-e ǁhûi tama i sa. Khoen ge âiǂui du ǁkhā, ǂgīǂgōsi xūn ǃnâ du. ǀKhā-e ǁhûi tama ǃkhais ǃaroma. Mati du ǂgīǂgōsi xūn ǃnâ ǁhao tama i. Tsî Jehovab ǃoa-ai ǂgomǂgomsase a hâ ǁkhā?

      1. Matin ama Xristeǁîna khoesi ǂhanuga ra mû?

      Xristeǁîn ge khoesi ǂhanuga ra ǃgôa. Tsî Jesub ge mî khami ra dī. “Kaesara ǁnâi mā Kaesari di-e.” ǁNā-amaga du ge ǃhūb ǁanǃnâ du hâb di ǂhanuga nî ǁnâuǀnam. Aiǁgause, du ge ǁgui-aisa marina nî matare. (Markub 12:​17) Elobmîs ge ra ǁkhāǁkhā. Khoesi ǂhanugu Jehovab xa gu ǂnûiǂgāhe hâ. Tsî mā-am-e hâ amaga ǀgui ra ǂgaeǂguisa. (Romeǁîn 13:1) Mûǂan du ge ra khoesi ǂhanugu. ǀOro ǂgaeǂgui ǀgaiba ūhâsa Jehovab xa. Sadu ge Jehova Elob tsî ǁîb di ǀhomsi Gaosib ai nî ǂgomaiǂnûi. Khoesi ǃgomsiga ūbēs ǃaroma.

      2. Mati du ǁgau ǁkhā ǀkhā-e du ǁhûi tama hâ ǃkhaisa?

      Jesub khami du ge sadu tsîna. ǂGīǂgōsi xūna ǂkhâǃnâ tama hâ. Khoen ge Jesub di buruxa sîsenga mû o. On ge ǁîba gaob ase gere ǁgaumâi ǂgao ǃhūbaib ai. Ob ge ǁîba ge mā-am tama hâ i. (Johaneb 6:​15) Tae-i ǃaroma? ǁNās khaoǃgâb ge nēti ge mî, “ti gaosib ge nē ǃhūbaiba xu hâ tama hâ.” (Johaneb 18:​36) Jesub di ǁkhāǁkhāsabe da ase da ge. ǀKhā-e ǁhûi tama i sa, ǂgui ǀgaugu ǃnâ ra ǁgau. Aiǁgause, du ge toro-i ǃnâ ǃkham tama hâ. (Khomai re Mixab 4:3 sa.) Aiǁgause, du ge sadu ǃhūb ǃkhauba ǃgôasiba ra ǁgau. Xawe du ge ǁîba ǀgoreǀî tama hâ. Tsî Eloba du nî mā, ǀgoreǀîsa ǃkhau-e mā tama hâ. (1 Johaneb 5:​21) Tsî du ge ǂgīǂgōsi ǃnan-i. Tsî ǁî-i ǁani-i tsîna ǁhûiba tide. Tsî ǁîna mâǃoa tide. Nē ǀgaugu tsî ǀnîgu ǃnâ du ge ra ǁgau. ǀOasase du a ǂgomǂgomsa ǃkhaisa. Elob di Gaosib ǃoa-ai.

      ǃGAMSE ÔAǃN RE

      Ôaǃnâ re, mâsigu hîna ǀkhā-e ǁhûi tamase hâsa. A ǃgom kai ǁkhāga. Tsî kō re, mati du mîǁguiga a dī ǁkhāsa. Hîna Jehovaba ra ǂkhîǂkhî ga.

      Aob ge ǀkhā-e ǁhûi tama hâ. ǁÎb ge mâǃoa ra ǃnans ǂgui khoen ǀkha ra ǃhoa, xawe nēs ǃnâ ǃâ tama hâ.

      3. Ama Xristeǁîn ge ǀkhā-e ǁhûi tama hâ

      Jesub tsî ǁîb di saosaben ge ǃgâi aiǁgausa ge ǁgau du. Khomai re Romeǁîn 13:​1, 5-7 tsî 1 Petrub 2:​13, 14 sa. ǁNāpaxū, VIDIOBA ǀhuru re. Tsî sao ra dîra ǃhoaǃgao re.

      VIDIOB: Ama Xristeǁîn ge ǀkhā-e ǁhûi tama hâ​—1Ro ǃâb (4:28)

      • Tae-i ǃaroma du khoesi ǂhanuga ǃgôasiba nî ūhâba?

      • Mâ ǀgaugu ǃnâ du ra ǁgau. Khoesi ǂhanuga du ǃnāka ra hâbasa?

      Torob ǁaeb ǃnâ gu ge ǀnî ǃhūga ra mî. ǀKhānagu ǁhûi tama hâ di. Xawen ge hoa ǀkhāgu hîna ra ǃkhamga ra ǂkhâǃnâ. Tae-e i ra amabes ǃnâ ǂâibasen ǀkhā-e ǁhûi tama i sa? Khomai re Johaneb 17:​16 sa. ǁNāpaxū, VIDIOBA ǀhuru re. Tsî sao ra dîsa ǃhaoǃgao re.

      VIDIOB: Ama Xristeǁîn ge ǀkhā-e ǁhûi tama hâ​—2ǁÎ ǃâb (3:11)

      • ǀKhā-e ǁhûi tama i sa tae-e ra ǂâibasen?

      Xawe tae-e du nî dī, khoesi ǂhanub ga. Elob Gaosiba ra mâǃoa xū-e, dī kai du ǂgao o? Khomai re ǃNaeǃkhaidi 5:​28, 29 sa. ǁNāpaxū, VIDIOBA ǀhuru re. Tsî sao ra dîra ǃhoaǃgao re.

      VIDIOB: Ama Xristeǁîn ge ǀkhā-e ǁhûi tama hâ​—3ǁÎ ǃâb (1:18)

      • Khoesi ǂhanugu tsî Elob ǂhanub ga ǃkharagagu xūna mî o, ham-i ǂhanuba du nî ǁnâuǀnam?

      • ǂÂi ǁkhā du a, mâ mâsigu ǃnâ i. Xristeǁî-e khoesi ǂhanuga ǁnâuǀnam tidesa?

      4. Tā ǀkhā-e ǁhûi re, ǂâis tsî dīb ǃnâ

      Khomai re 1 Johaneb 5:​21 sa. ǁNāpaxū, VIDIOBA ǀhuru re. Tsî sao ra dîra ǃhoaǃgao re.

      VIDIOB: Ama Xristeǁîn ǁkhoaǂgaosiba ǂhâba hâ ǃaromas​—ǀkhāna tā ǁhûi (2:49)

      • Vidiob ǃnâb Ayengeba tae-i ǃaroma ǂgīǂgōsi ǁaxasiga ge ǂkhâǃnâ tama hâ i? Tsî ǃhūb di ǁâudīgu ǃnâ ge ǃâ tama hâ i, aiǁgause ǃkhauba ǀgoreǀîs?

      • ǂÂi i du ra ǁîb ge ǃgâi mîǁguiba a dīsa?

      Mâ mâsiga ǀkhā-e ǁhûi tama is ǃnâ nî ǃâitsâ du? VIDIOBA ǀhuru re. Tsî sao ra dîde ǃhoaǃgao re.

      VIDIOB: ǁKhāǁkhāǃâdi, ǃKhē xu ǂgō-omma xu​—ǀGorasa ǃhūbaib ǃnâ ǀkhā-e ǁhûi tamase mâ ǀgara re (5:16)

      • Mati du ǀkhā-e ǁhûi tamase hâ ǁkhā. ǃKharagagu ǃhūgu khoen ra ǀhuru ǃnâ sportna du ga kō o?

      • Mati du ǀkhā-e ǁhûi tamase a hâ ǁkhā. ǂGīǂgōsi ǃnandi ra dī xūn ga tsâǀkhā du xawe?

      • Matin ǂhôan hîna du ra kōn. Tsî hâ ū du ra khoena, ǀkhā-e du ǁhûi tama ǃkhais xa a tsâ kai du ǁkhā?

      ǀHaoǀhaosa ai-īsigu: 1. ǁAixa hâ khoen ge ǂkhaniga ǃkhō hâ tsî māǃoas ǃnâ ra ǁhao. 2. Aob ge ǃkhauba ǃkhōhâ tsî ra ǃau sports ǀhurun tawa. 3. ǂKham axab ge ǂgōse mâ tsî ǃhūb di mîǁguiga ra mî. 4. Soldab ge ǃapuba ǃkhō hâ. 5. ǀGam khoera hîna ǃkharagagu ǂkhīǂgōsi ǃnâns tira ge ra ǂnôagu. 6. Khoes ge ǁîs di ǁhûis di ǂkhaniba boksis ǃnâ ra aoǂgā.

      Mâ mâsigu ǃnâ i Xristeǁî-e ǁî-i ǂâis tsî dīgu ǃnâ ǀkhā-e ǁhûi tide?

      KHOE-I GE ǀNÎSI A DÎ DU ǁKHĀ: “Tae-i ǃaroma du ǃkhauba tawede. Tamas ka io ǃhūb amsa ǁnae tama hâba?”

      • Mati du nî ǃeream?

      ǃKHŌǀHAOS

      Xristeǁîn ge ǃgarise ra dītsâ. În tā ǂgīǂgōsi ǁaxasigu ǃnâ ǀkhāna ǁhûi. ǁÎn di ǂâidi, mîdi tsî dīn ra xūn ǃnâ-ū.

      ǁKhāǁkhāsen du go xūna ǂâiǃgâs

      • Tae-e du khoesi ǂhanuga nî mā?

      • Tae-i ǃaroma du ǂgīǂgōsi xūn ǃnâ ǀkhā-e ǁhûi tide?

      • Mâ mâsiga a ǃâitsâ du ǁkhā. ǀKhā-e du ǁhûi tama hâ amaga?

      Sadu nî dī xū-i

      ÔAǃNÂ

      Tae-e du nî dī, ǀkhā-e du ga ǁhûi ǂgao tama io?

      Jehovab ge tātsē ǁnāxūǃnâ da tama hâ (3:​14)

      Omaride tae-e ǁaeb aiǃâ a mîmâi ǁkhā. În aiǂhomîsen ǃâitsâhen nî ǁaeb ǃaroma?

      ǀHûhâsib ǁaxasigu tawa tā ǀkhā-e ǁhûi (4:​25)

      Tae-i ǃaromas sadu ǃhūba ǁkhaubasa. ǂHâǂhâsa xu tama hâ, khoe-i a dī ǁkhā-e?

      “Hoa xūn ge Elob ǀkha a īǁkhā” (5:​19)

      Ôaǃnâ re, mati du ‘ǃhūbaiba xu hâ tama’ hâsa. Sadu sîsenni xa du ga mîǁguiba dī ǁaeb ai.

      “Mâ-i hoa-i ge ǁî-i di ǃgommi ǂûba nî tani xui-ao” (ǃKhē xu ǂgō-ommi, Maarti 15, 2006)