• Mati du ǃgâi mîǁguiga nî dī?
    ǀAmosib kōse ǃgâiaǂgao re—ǃgâi Elobmîs ǃhoaǀhaodi

    • 5. Nau khoen ǃgâiǂâisa ǃgôa re

      ǃKharagagu khoen ge ǃkharagagu mîǁguiga nî dī. Mati du ǃgôasiba nau khoen di ǃgâiǂâisa a ǁgau ǁkhā? ǀGam aiǁgaura ǃoa kō re:

      ǂGuro aiǁgaus: ǃGâsas hîna make-up-e ra sîsenūs ge. ǀNî hâ ǀhaohâba ǃoa ra doe. ǃNāsa ǃgâsadi nē xūna sîsenū tamaba. ǂHanihe di ra amaga.

      Khomai re Romeǁîn 15:1 tsî 1 Korinteǁîn 10:​23, 24 sa. Tsî sao ra dîra ǃhoaǃgao re:

      • Nē ǀgam xoara ǃoagu ǃgâsa tae-e nî mîmâi? Khoe-i ǀkha du ga hâ o. Sadu ǃgâiǂâis ra mā-am xū-e. ǁÎ-i ǃgâiǂâis xa mā-amhe tama-e, tae-e du nî dī?

      ǀGamǁî aiǁgaus: ǃGâsab ge a ǂan xûi-e āsas Elobmîsa ǂkhā tamasa. Xaweb ge ra ǁhûi xûi-e ā tama isa. ǂÛǀhao-e ǃoab ge ra ǁkhauhe. Tsîb ge ra mû ǃgâsagu xûi-e ra āsa.

      Khomai re Aoǁnâ-aob 7:​16 tsî Romeǁîn 14:​1, 10 sa. Tsî sao ra dîra ǃhoaǃgao re:

      • Nē xoara ǃoagu ǃgâsaba tae-e nî mîǁgui? Tae-e du nî dī, sadu ǃgâiǂâis mā-am tama xū-e ra dī khoe-i ǀkha du ga hâ o?

      Mâ xūna ǃgâi mîǁguiga dīs ǀkha ra hui?

      ǀGore ra khoes.

      1. Jehovaba ǂgan re, îb sadu mîǁguigu ǀkha hui du.​—Jakobub 1:5.

      ǁKhā khoes ge Elobmîs, Elobmîs ai ǃgaoǃgaosa ǂkhanin tsî komputers ai ôaǃnâsa ra dī.

      2. Ôaǃnâsa dī re Elobmîs tsî Elobmîs ai a ǃgaoǃgaosa ǂkhanin ǃnâ. Sisenū ǁkhā du a ǁgaraga hōs ǃaroma. Tamas ka io du ge gagasise a ǀgaisa ǃgâsa-i ǀkhas tsîna a ǃhoa ǁkhā.

      ǁkhā khoes ge ra ǂâi.

      3. ǀAmǂoas xa ǂâi re, sadu mîǁguib sadu ǃgâiǂâis. Tsî nau khoen ǃgâiǂâis ai nî ūhâb xa.