7. Elob Gaosib ge ǃgâi ǂhanuga, khoesi ǂhanugu xa ūhâ

ǂHanugu ge ǁgaraga ra dī. Hînan khoena nî hui tsî ǁkhaubaga. Elob Gaosib tsîn ge ǂhanuga ūhâ hînan. ǁÎb ǃnāka hâ khoena nî saose i ga. Khomai re 1 Korinteǁîn 6:9-11 sa. Tsî sao ra dîde ǃhoaǃgao re:

• Mati du ra ǂâi, ǃhūbaiba mati nî ī. Khoen hoan ga Elob di ǂhanuga sao o?a

• ǁNâuǃāxa-e Jehovab nē Gaosib ǃnāka nî hâse i. Khoen hoana ra ǂgaoǀkhāsa în ǁîb ǁgaraga ǁnâuǀnam? Tsî tae-i ǃaroma?

• Tae-e ra ǁgau, nē ǂhanuga ǁnâuǀnam tama khoen a ǀkharaǀkharasen ǁkhā ǃkhaisa?—11ǁÎ ǁaraǃāsa khomai re.

ǂGui khoen ge ǁgoe-ūgub xa ǃhoa ǂgao tama hâ. Xawes ga Elobmîsa ǁgoe-ūgub xa ǃhoa o. Os ge ǃamku ǀgaub tsî ǃgôasib ǃnâ ǁnās xa ra ǃhoa. Elobmîs ra mî i ge sadu ǃgâib ǃaroma hâ. Tsî ǁnās ge a ǁnâuǃāxa. Jehovab a sida di Kuru-ao amaga. ǁÎb ge a ǂan tae-i sida ǃaroma a ǃgâisa. ǁÎb ge ra mîba da. Tae-e da ga dī o, o da ǁîba nî ǂkhî kaisa. Tsî tae-i nî hui dasa. Î da ǀamosib kōse ûi.

1. Jehovaba ǁgoe-ūguba mati ra mû?

ǁGoe-ūgub ge ǀkhaeb hînab Jehovaba ǃgamme hâ khoena mā hâba. Tsîb ge ra ǂhâba î ra ǃgamme hâ aob tsî taras tsîra ǁnāpaxū ǂkhîba hō. Nē ǀkheab ge ra mā-am. Îra ǃgamme hâ khoe-aogura ǀgôana hō. Tsî ǁîra ūbagu hâ ǀnamma ǃgâi ǀgaub ǃnâ ǁgaugu. ǁNā-amagas ge Elobmîsa ra mî: “Îts ǃgâiaǂgao ǂkhamsis âts di taras” ǀkha. (ǂKhoamîdi 5:​18, 19) Jehovab ge ǂhâba hâ, în ǃgamme hâ khoena amaba ǃhoa-ugu. ǁNā-amagan ge ǃgammeba khôa tide.​—Khomai re Hebreǁîn 13:4 sa.

2. ǁGoe-ūguba a tae?

Elobmîs ge ra mî “ǀai-aon . . . ge Elob Gaosiba ǀumi tide.” (1 Korinteǁîn 6:​9, 10) Elobmîsa gere xoa, Grikegowab xoa-aogu ge por·neiʹa, di hâ mîsa gere sîsenū. ǁGoe-ūguba gu gere ǁguiǃā o. ǁNā mîs ge sao ra xūna ǃoa ra ǁnaeǁgau. (1) ǃGamme tama hâ aorekhoeb tsî tarekhoes ga ǁgoe-ūgu o.a (2) Tarekhoes tsî tarekhoes, tamas ka io aorekhoeb. Tsî aorekhoeb ga ǁgoe-ūgu o. (3) Tsî khoe-i ga xamani-i ǀkha a ǁgoe-ūgu o. ‘Nē ǃnôa xūna xu du ga ūdawasen o.’ O du ge Jehovaba ra ǂkhîǂkhî. Tsî du ge sadu tsîna ǃgâiba ra hō.​—1 Tesalonikaǁîn 4:3.

ǃGAMSE ÔAǃN RE

3. ǃGamme tamase ǁgoe-ūguba xu ǃkhoebē

Josefi ge ge ǂkhā tarekhoes ge ǁîb ǀkha gere ǀai ǂgao o. Khomai re Genesis 39:​1-12 sa. Tsî sao ra dîde ǃhoaǃgao re:

• Josefa tae-i ǃaroma ge ǃkhoebē?—9ǁÎ ǁaraǃāsa khomai re.

• ǂÂi î du ra Josefi ge ǂhanu mîǁguiba a dīsa? Tsî tae-i ǃaroma?

VIDIOB: ǀAiba xu ǂgō re (5:06)

Jehovab ge ra ǂgaoǀkhā du, î du tā ǀai. Khomai re 1 Korinteǁîn 6:​18 sa. Tsî sao ra dîra ǃhoaǃgao re:

• Mâ xūna ǃgamme tamase ǁgoe-ūguba a ǃaroma ǁkhā?

• Mati du ǃgamme tamase ǁgoe-ūguba xu a ǂgōsen ǁkhā?

4. ǁGansi turaga du ge a mâǃoa ǁkhā

VIDIOB: ǃÂitsâga ǃkhamǃoa re Elobmîsa khomais ǀkha (3:02)

• Vidiob ǃnâ hâ ǃgâsaba mati ǂâi tsîb da dī xūn ǁîb ǃgammeba a khôa ǁkhā. ǃKhaisab ge mû o, tae-e ge dī?

ǂGomǂgomsa Xristeǁîn tsîn ge ǁîn ǂâide ǃanuse ūhâs xa a ǃgombahe. Mati du ǁgoe-ūgub xa a ǂâi ǀû ǁkhā? Khomai re Filipeǁîn 4:8 sa. Tsî sao ra dîde ǃhoaǃgao re:

• Taen xa du nî ǂâi?

• Elobmîsa khomais tsî Jehovab ǃoabas ǃnâ hâsa. Mati a hui du ǁkhā î du ǃâitsâga mâǃoa?

5. Jehovab ǂhanuga du ga sao o, o du ge ǃgâise a tsâ ǁkhā

VIDIOB: ǂHanu ǂâiǀgauba ūhâ tama is (9:31)

• Nē ǂkhamkhoeba mati ǃâitsâb ǃnâ ge ǃgûǂgâ?​—Khomai re ǂKhoamîdi 7:​8, 9 sa.

• ǂKhoamîdi 7:​23, 26 ǃoagu î ge ǀaiba ǃgâi tamase a ǀam ǁkhā. ǀAiba xu du ga hâbē o, o du mâ ǃgomsina xu ra ǁkhaubasen?

• ǃAnu ûiba ūhâsa mati a hui du ǁkhā. Î du ǀamosib kōse ǃgâiaǂgao?

ǀNî khoen ge ra ǂâi Elobmîs ra aorekhoena, aoren ǀkha ǁgoes. Tsî tarekhoena, taren ǀkha ǁgoesa ǂkhā, ǃkhais a ǀnamoǃnâ ti. Xawe Jehovab, ǀnammi di Elob ge ra ǂhâba în hoa khoena. ǀAmosib kōse ǃgâiaǂgao. Xawe du ge nēsa hōs ǃaroma ǁîb ǂhanugu ǃoagu nî ûi. Khomai re 1 Korinteǁîn 6:​9-11 sa. Tsî sao ra dîsa ǃhoaǃgao:

• Elob mûǂuiba xu i aorekhoena, aoren ǀkha ǁgoes. Tsî tarena, taren ǀkha ǁgoesa a tsū?

Eloba du ga ǂkhîǂkhî ǂgao o. O du ge ǀkharaǀkharana nî dī. Nē ǀkharaǀkharana ǂhâbasa-e? Khomai re Psalmdi 19:​8, 11 sa. Tsî sao ra dîsa ǃhoaǃgao re:

• ǂÂi î du ra Jehovab ǂhanugu a ǃgâisa? Mati io du ti ra mî?

ǃKHŌǀHAOS

ǁGoe-ūgub ge ǀkhaeb hînab Jehovaba ǃgamme hâ aob tsî taras tsîna mā hâba.

ǁKhāǁkhāsen du go xūna ǂâiǃgâs

• ǃGamme tamase ǁgoe-ūguba taen hoana ǃoa ra ǁnaeǁgau?

• Tae-e nî hui du, î du ǃgamme tamase ǁgoe-ūguba xu ǂgōsen?

• Mati du ǃgâise a tsâ ǁkhā, Jehovab di ǂhanuga du ga sao o?

ÔAǃNÂ

Kō re, tae-i ǃaromab Eloba ǂhâba hâsa. Aorekhoeb tsî tarekhoes hîna ǀguiba ra hâ ǂgao ra nî ǃgammesa.

“Elobmîsa tae-e ǃgamme tamase ǀguiba hâs xa ra mî?” (Internets ai hâ ǁkhāǁkhādi)

Kō re, Elobmîs aorekhoegu hîna aorega ra soregu. Tsî tarekhoedi hîna ra tarekhoede ra soredi a tsū ti ra mîs. ǂÂibasen tama hâsa nē khoena du nî ǃhui ti.

“Aorekhoega aorega sores tsî tarekhoede tarede soresa a tsū?” (Internets ai hâ ǁkhāǁkhādi)

ǁKhāǁkhāsen re, Elob ǁgaragu hîna ǁgoe-ūgus xa hân mati ra ǁkhauba dasa.

“Aorekhoe sorosa ǀgom tsî tarekhoe sorosa tsāsa ama ǁgoe-ūguba?” (Internets ai hâ ǁkhāǁkhādi)

“ǃGôasib ǃnân ge ge hâ-ū te” ti hâ khomai ǃâs ǃnâ kō re. Tae-i ge aorekhoen ǀkha gere ǁgoe khoeba a ǂkhâǃnâsa îb ǀkharaǀkharasen. Îb ǁîb ûiǀgauba Eloba ǂkhîǂkhî.

“Elobmîs ge ûiga ra dawa” (ǃKhē xu ǂgō-ommi, Aprili 1, 2011)

ǃHūbaib ǂhabasen ge khoena. ǃKharagagu ǂâiǀgauga ūhâ, xûi-i xa. ǀNî khoen ge ra ǁhûi xûi-e āsa. ǀNî ǁaegu ain ga, ǁîn ǀhōsan ǀkha ǀhao, o. ǀNîn ge xûi-e ā tama hâ. Tsî ǀnîn ge kaise ra ā, în ǀhoro. Elobmîs mûǂuiba a tae, xûi-i xa?

1. Tsū-e xûi-e āsa?

Elobmîs ge xûi-e āsa ǂkhā tama hâ. ǂGui ǃgâi xūn Jehovab ǃomma xu da ra ǃkhōǃoan. Xas ga Elobmîsa ǃhoa o, os ge “ǂauxûib, khoeb di ǂgaoba ra ǃgâiaǂgao kaib.” Xas tsîna ra ǃhoa. (Psalmdi 104:​14, 15) ǀNî ǂgomǂgomsa ǃoaba-aogu tsî taradi Elobmîs ǃnâ hân. Tsîn ge xûi-e gere ā.​—1 Timoteub 5:23.

2. Mâ ǀapemāsas Elobmîsa xûi-e āsa ra ǁhûi khoena ra mā?

Jehovab ge kaise ās tsî ǀhorob tsîna ra ǂkhā. (Galateǁîn 5:​21) ǁÎb mîs ge ra mî: ‘Tā kaise xûi-ē ra ā-aogu ǁaegu hâ.’ (ǂKhoamîdi 23:​20) Khoen ǀkha du hâ hîna du ga. Xûi-e āsa ǁhûi o. Tamas ka io du ga ǀguri hâ. Xawe du ge tā kaise nî ā. Î du tā ǃgāsase ǂâi tama i. Sadu ǃhoa ǀgaub tsî dī xūn tsîn ge nēs xa a tsâǀkhāhe ǁkhā. Tsî du ge sadu ǂurusiba ǁkhōǁkhōsasib ǃnâ a mâi ǁkhā. ǀNōsa ā ǀgauba du ga ūhâ ǁoa o. O du ge tā xûi-e nî ā.

3. Mati du nau khoen di mîǁguigu xûi-i xa hâga a ǃgôa ǁkhā?

Mâ khoe-i hoa-i ge nî mîǁgui. Xûi-e i nî ās tamas ka io ā tidesa. Xûi-e i nî ǂkharirose ā di ra mî khoena. Du ge tā nî ǀgoraǃgâ. Tsî du ge ǁnān hîna ā ǂgao tama hâna. Tā nî ǁgari în ā. (Romeǁîn 14:​10) Ā tama isa, du ge a ǁhûi ǁkhā. Sadu ās ga nau khoena ǃgomsina ǃaromaba o. (Khomai re Romeǁîn 14:​21 sa.) “A-i khoe-i xare-e ǁî-i ǃgâiba tā ôa, î-i mâ-i hoa-e nau-i diba ôa.” ​—Khomai re 1 Korinteǁîn 10:​23, 24 sa.

ǃGAMSE ÔAǃN RE

4. Mîǁgui re, ā du nî tamas ka io du ā tidesa

Jesuba xûi-i xa tae-e gere ǂâi? Nē ǃereamsa hōs ǃaroma. ǂÂiǃgâ re, ǂguro buruxa dīb Jesub ge dīb xa. Khomai re Johaneb 2:​1-11 sa. Tsî sao ra dîra ǃhoaǃgao re:

• Nē buruxa dība xu du tae-e ra ǁkhāǁkhāsen. Jesub di mûǂuib xûi-i xa hâb tsî ǁnān hîna xûi-e ra ān xa?

• Jesub ge xûi āsa ge ǂkhā tama hâ i. Xristeǁî-e mati khoe-i hîna xûi-e ra ā-e nî hui?

Xawe Xristeǁî-i xûi-e ās ge ǂâibasen tama hâ. ǁÎ-i nî hoaǁae ā ti. Khomai re ǂKhoamîdi 22:3 sa. Tsî sao ra xūna ǂâiǃgâ re, hîna a hui du ǁkhāna. Î du mîǁgui mâǁaegu ai du nî ā ǃkhaisa:

• ǃNari tamas ka io du ga masin-e sîsenū o.

• ǀGamǀkhā du ga o.

• Dokteri xa du ga mîbahe o, î du tā xûi-e ā.

• Kaise ās ǃgomsiba du ga ūhâ o.

• ǂHanub ga mā-am du tama io xûi-e āsa.

• Khoe-i hîna ǃgomsiba xûi-e ās, ǀkha ge ūhâ î-i, ǀkha du ga hâ o. Os tsîna du ge a mîǁgui ǁkhā, î du tā xûi-e ā.

Xûi-e du ǃgammeb, tamas ka io ǀnî hâ ǁâudīb ai nî ā? Nē mîǁguib ǀkha hui dus ǃaroma. Sao ra vidioba kō re. VIDIOBA ǀhuru re.

VIDEO: Xûi-e ta ǁâudīb tawa khoena nî mā? (2:41)

Khomai re Romeǁîn 13:​13 tsî 1 Korinteǁîn 10:​31, 32 sa. Tsî xoara du ga khomai toa o. Nē dîsa ǃhoaǃgao re:

• Nē xoara saosa mati a hui du ǁkhā. Î du ǃgâi mîǁguiba dī hîna Jehovaba nî ǂkhîǂkhîba?

5. Mîǁgui re matikōse du nî āsa

Xûi-e āsa du ga ǁhûi o, sao ra-e ǂâis ǃnâ ūhâ re. Jehovab ge xûi-e āsa ǂkhā tama hâ. Xaweb ge kaise āsa ra ǂkhā. Tae-i ǃaroma? Khomai re Hoseab 4:​11, 18 sa. Tsî sao ra dîsa ǃhoaǃgao re:

• Tae-e a īǁkhā khoe-i ga kaise ā o?

Mati du kaise āsa xu a ǂgōsen ǁkhā? ǃGamǃgamsenxa du ge nî. Tamas ka io du ge matikōse du a ā ǁkhāsa nî ǂan. Khomai re ǂKhoamîdi 11:2 sa. Tsî sao ra dîsa ǃhoaǃgao re:

• Tae-i ǃaroma i a ǃgâi mîǁguisa matikōse du nî āsa?

6. Kaise xûi-e ās di ǃgomsiba dan re

VIDIOB: ‘Ti ûiǀgauba ta ge ge tsau’ (6:32)

• Nē vidiob ǃnâ i ge mati xûi-e Dmitrib ti tanisen ǀgauba tsâǀkhā?

• ǃHaeseb ge ā ǀû ǁkhā i?

• Matib ge ǀû kaise xûi-e āsa?

Khomai re 1 Korinteǁîn 6:​10, 11 sa. Tsî sao ra dîra ǃhoaǃgao re:

• ǀHorosa matikōse a ǁkhōǁkhōsa?

• Tae-e ra ǁgau kaise xûi-e ra ā khoe-i a dī-unusen ǁkhāsa?

Khomai re Mateub 5:​30 sa. Tsî sao ra dîsa ǃhoaǃgao re:

• Sadu ǃomma ǁhāǁnâs ge ra ǂâibasen. ǀNî xūna xu ǂgōsensa. Jehovaba ǂkhîǂkhîs ǃaroma. Tae-e a hui du ǁkhā, xûi-e ās ǃgomsiba du ga ūhâ o?a

Khomai re 1 Korinteǁîn 15:​33 sa. Tsî sao ra dîsa ǃhoaǃgao re:

• Sadu ǀhōsana sadu xûi-e ra ā ǀgaub ai tae sîsenǂuiba ūhâ?

ǃKHŌǀHAOS

Jehovab ge sada xûi-e ge mā î da ǁkhoaxa ǁaeba ūhâ. Xaweb ge kaise ās tsî ǀhoros tsîna ra ǂkhā.

ǁKhāǁkhāsen du go xūna ǂâiǃgâs

• Elobmîs mûǂuiba a tae xûi-i xa?

• Tae-i ǁkhōǁkhōsasiba hâ kaise xûi-e ās ǃnâ?

• Mati du nau khoen di mîǁguiba ǃgôasiba a ǁgau ǁkhā, xûi-e ās tawa i ga hā o?

ÔAǃNÂ

ǂKhamkhoena mati ǃgâi mîǁguiga nî dī xûi-i xa?

Xûi-i ǃgâ-ai ǂâi re (2:​31)

Ôaǃnâ re, dī ǁkhā du a xūna î du ās di ǃgomsiba dan.

“Xûi-e ǁî-i ǃkhais ai ūhâ” (ǃKhē xu ǂgō-ommi, Januarib 1, 2010)

Xristeǁî-e ā ǃnân ra xlan hîna xûi-e ūhâna nî ǂnauǀhao [toast]?

“Khomai-aon dîdi” (ǃKhē xu ǂgō-ommi, Februarib 15, 2007)

“ǀAm i ose ta ge gere ā,” di hâ khomai ǃâs ǃnâ khomai re. Matib ge ǀgui aoba kaise āsa a ǀûsa.

“Elobmîs ge ûiga ra dawa” (ǃKhē xu ǂgō-ommi, Meib 1, 2012)

Jehovaba du a ǀnam amaga du ge ra dītsâ. ǁÎba nî tsûtsû xūna xu ǂgōsensa. ǁAeba xu ǁaeb ǀkha du ge ra dīsā. Xawe ǀnî ǁoren ge kaise a tsū. (1 Korinteǁîn 6:​9, 10) Tsū ǁore-e du ga dī o. ǂÂis ǃnâ ūhâ re, Jehovab ge ǀnam du ǀû tama hâ. ǁÎb ge a māsenxa sado ǀûba tsî huisa.

1. Tae-e du nî dī, îb Jehovaba ǀûba du?

ǁNān hîna Jehovaba ǀnam hân ge. Tsū ǁore-en ga dī o, o ra ǃhausen. ǁÎn ge Jehovab ǁîb khoena mîmâiba hâ. Xū-i ǃnâ ǁkhaeǂgaosa ra hō: “Sadu di ǁoren ga skarlaǃkhaib khami ǀapa xawen ge tsamaros [sneeu] khami nîra ǃuri.” (Jesajab 1:​18) Amabes ǃnâ da ga ǃhausen o. Ob ge Jehovaba nî ǀûba da. Mati da ra ǃhausen? ǃHausen da hâsa da ga ǁgau ǂgao o. O da ge dī, da ra tsū xūna ra ǀû. Tsî Jehovaba ra ǂgan, îb ǀûba da. ǃGarise da ge ra dītsâ ǃgâi tama ǂâi ǀgaugu tsî dī xūna ǀûsa. Hîna a ǁore kai da ǁkhāna. Tsî da ge ra dītsâ Jehovab di. ǃAnu ǂhanugu ǃoagu ûisa.​—Khomai re Jesajab 55:​6, 7 sa.

2. Jehovaba mati ǀhaohâb ǃûi-aoga ra sîsenū, îgu ǁore da ga o hui da?

ǁGai ǁore-e da ga dī o, ob ge Jehovaba ra mî. ‘ǀhaohâb ǃûi-aoga ǂgai re.’ (Khomai re Jakobub 5:​14, 15 sa.) ǀHaohâb ǃûi-aogu ge Jehovab tsî ǁnān. Hîna Jehovaba ra ǃoaban tsîna a ǀnam. ǁÎgu ge ǁkhāǁkhāhe hâ hui dasa. Î da ǁkhawa Jehovab ǀkha ǃgâi ǀhōsagusisa ūhâ.​—Galateǁîn 6:1.

ǀHaohâb ǃûi-aoga mati ra hui da tsū ǁore-e da ga dī o? ǀGam tamas ka io ǃnona ǀhaohâb ǃûi-aogu ge Elobmîsa nî sîsenū. Îgu ǁgau da dī da go xū-i, tae-i ǃaroma a tsūsa. ǁÎgu ge hui da ra xūna nî mā da. Tsî nî ǂkhâǃnâ da, î da ǁoreba xu ǂgōsen. ǁÎgu ge a mîǁgui ǁkhā ǀnî xūna da ǀhaohâb ǃnâ dī ǁoa ǃkhaisa. Sada ǀhōsagusis Jehovab ǀkha ǁkhawa nî ǀgais kōse. ǀHaohâba ǁkhaubas ǃaroma gu ge. ǀHaohâb ǃûi-aoga a mîǁgui ǁkhā. ǃHausen tama hâ ǃgâsa-e ǂnûiǂuisa.

ǃGAMSE ÔAǃN RE

3. Sadu ǁorena ǁguiǁnās ge. Sadu ǀhōsagusisa Jehovab ǀkha ra ǃgâiǃgâi

Dī da ra ǁoren ge Jehovaba ra tsûtsû. ǁNā-amaga da ge nē ǁorena nî mîba bi. Khomai re Psalmdi 32:​1-5 sa. Tsî sao ra dîsa ǃhoaǃgao re:

• Tae-i ǃaroma i ǃgâi sada ǁorena Jehovaba mîbasa, ǁorena sâus xa?

VIDIOB: “Jehovab ge ǁnān hînab a ǀnamna ra ǁnama” (3:01)

• Vidiob ǃnâb Canona ǀhaohâb ǃûi-aogu xa mati ge hui-e îb Jehovaba ǃoa oaǀkhī?

ǀHaohâb ǃûi-aoga da ge hoa xūna nî mîba tsî nî ǂhauǃnâ. ǁÎgu ge hui da gu nî ga hâ. Khomai re Jakobub 5:​16 sa. Tsî sao ra dîsa ǃhoaǃgao re:

• ǀHaohâb ǃûi-aogu ǀkha da ga ǂhauǃnâ o, nēsa mati ǁîga ra supu kaiba sada huisa?

4. ǂNûiǂuihesa mati ǁore-ao-e ra hui

Khoe-i ga tsū ǁore-e dī. Tsî Jehovab ǁgaraga saosa ǂkhā o. O i ge ǀhaohâb ǃnâ a hâ ǁoa. ǁÎ-i ge ra ǂnûiǂuihe tsî da ge ǁî-i. ǀKha ǃhoa tamas ka io a hâǀhao ǁoa. Khomai re 1 Korinteǁîn 5:​6, 11 tsî 2 Johaneb 9-11 sa. Tsî sao ra dîsa ǃhoaǃgao re:

• Pere-i ra kuru-ūhe, khūkhū-i ge mel-e ra khū kai. ǃHausen tama ǃgâsa-i ǀkha da ga hâ ǀhao o. O ǀhaohâba mati nî tsâǀkhāhe?

VIDIOB: ǂGomǂgomsase Jehovab di ǁnamasa ǃkhō ǀgara re (9:28)

• Nē vidiob ǃnâs ǂnûiǂuisa mati Sonjasa ge hui?

ǃGâsa-i ga ǂnûiǂuihe o . . .

• os ǁnāsa, tae-i ǃaroma Jehovab ǀonsa ra ǃanǃanu?

• tsî ǁnāsa tae-i ǃaroma Jehovab ǀnamxaǃnâsib. Tsî ǁnâuǃāxasib tsîna ra ǁgau?

5. Jehovab ge ǃhausen da ga o, o ra ǀûba da

Jesub ge aiǁgausa ge sîsenū ǁgau rasa. Jehovab mati ǃgâsa-i ga ǃhausen o, o ra tsâsa. Khomai re Lukab 15:​1-7 sa. Tsî sao ra dîsa ǃhoaǃgao re:

• Nēsa tae-e Jehovab xa ra ǁkhāǁkhā da?

Khomai re Esegieli 33:​11 sa. Tsî sao ra dîsa ǃhoaǃgao re:

• Ama ǃhausen da hâ ǃkhaisa ǁgaus, ǃaroma da tae-e nî dī?

ǃKHŌǀHAOS

Tsū ǁore-e da ga dī o. Xawe amabes ǃnâ ǃhausen. Tsî ǁnā xū-e dīsa xu ǂgōsen o. Ob ge Jehovaba nî ǀûba da.

ǁKhāǁkhāsen du go xūna ǂâiǃgâs

• Tae-i ǃaroma i a ǃgâi Jehovaba sadu ǁorena mîbasa?

• Tae-e du nî dī sadu ǁorena du ga ǀûbahe ǂgao o?

• Tsū ǁore-e du ga dī o, tae-i ǃaroma du ǀhaohâb ǃûi-aogu huiba nî ǂgan?

ÔAǃNÂ

Kō re, matib ge ǀgui khoeba Jehovab ǀûba ǀnamxasib. Hîna Jesajab 1:​18 ǃnâ ra mîheba a hōǃâ ǀgausa.

Jehovab di ǀûba ǀnamxasib ǃnâ tā ǂgom ǀoro re (5:​02)

ǂNûiǂuihe ra ǃgâsana mati ra huihe?

“ǂNûiǂuis ǁgaragu tae-i ǃaroma a ǀnamxaǃnâ ǃkhais” (ǃKhē xu ǂgō-ommi, Aprili 15, 2015)

ǁKhāǁkhāsen re, mati du ǂnûiǂuis di ǁgaraga. Jehovaba ǃoaba tama khoe-e a ǁguiǃāba ǁkhā ǀgausa.

“Jehovab di ǀHûǀguitimî-aon ǀkha ge ǀguiba gere ǃoaba ǃgâsana du ra ǃharaxū?” (Internets ai hâ ǁkhāǁkhādi)

“Jehovaba ǃoa ta ge nî oa” di hâ khomai ǃâs ǃnâ. Khomai re, tae-i ǃaromab ge khoeb hîna ge. Jehovaba ǃoaba ǀûba a tsâsa. Jehovab ge ǂgae-oa bisa.

“Elobmîs ge ûiga ra dawa” (ǃKhē xu ǂgō-ommi, Aprili 1, 2012)