-
Xristeǁîna mâ mûǂuiba xûi-i ǃoagu nî ūhâ?ǀAmosib kōse ǃgâiaǂgao re—ǃgâi Elobmîs ǃhoaǀhaodi
-
-
Xristeǁîna mâ mûǂuiba xûi-i ǃoagu nî ūhâ?
ǃHūbaib ǂhabasen ge khoena. ǃKharagagu ǂâiǀgauga ūhâ, xûi-i xa. ǀNî khoen ge ra ǁhûi xûi-e āsa. ǀNî ǁaegu ain ga, ǁîn ǀhōsan ǀkha ǀhao, o. ǀNîn ge xûi-e ā tama hâ. Tsî ǀnîn ge kaise ra ā, în ǀhoro. Elobmîs mûǂuiba a tae, xûi-i xa?
1. Tsū-e xûi-e āsa?
Elobmîs ge xûi-e āsa ǂkhā tama hâ. ǂGui ǃgâi xūn Jehovab ǃomma xu da ra ǃkhōǃoan. Xas ga Elobmîsa ǃhoa o, os ge “ǂauxûib, khoeb di ǂgaoba ra ǃgâiaǂgao kaib.” Xas tsîna ra ǃhoa. (Psalmdi 104:14, 15) ǀNî ǂgomǂgomsa ǃoaba-aogu tsî taradi Elobmîs ǃnâ hân. Tsîn ge xûi-e gere ā.—1 Timoteub 5:23.
2. Mâ ǀapemāsas Elobmîsa xûi-e āsa ra ǁhûi khoena ra mā?
Jehovab ge kaise ās tsî ǀhorob tsîna ra ǂkhā. (Galateǁîn 5:21) ǁÎb mîs ge ra mî: ‘Tā kaise xûi-ē ra ā-aogu ǁaegu hâ.’ (ǂKhoamîdi 23:20) Khoen ǀkha du hâ hîna du ga. Xûi-e āsa ǁhûi o. Tamas ka io du ga ǀguri hâ. Xawe du ge tā kaise nî ā. Î du tā ǃgāsase ǂâi tama i. Sadu ǃhoa ǀgaub tsî dī xūn tsîn ge nēs xa a tsâǀkhāhe ǁkhā. Tsî du ge sadu ǂurusiba ǁkhōǁkhōsasib ǃnâ a mâi ǁkhā. ǀNōsa ā ǀgauba du ga ūhâ ǁoa o. O du ge tā xûi-e nî ā.
3. Mati du nau khoen di mîǁguigu xûi-i xa hâga a ǃgôa ǁkhā?
Mâ khoe-i hoa-i ge nî mîǁgui. Xûi-e i nî ās tamas ka io ā tidesa. Xûi-e i nî ǂkharirose ā di ra mî khoena. Du ge tā nî ǀgoraǃgâ. Tsî du ge ǁnān hîna ā ǂgao tama hâna. Tā nî ǁgari în ā. (Romeǁîn 14:10) Ā tama isa, du ge a ǁhûi ǁkhā. Sadu ās ga nau khoena ǃgomsina ǃaromaba o. (Khomai re Romeǁîn 14:21 sa.) “A-i khoe-i xare-e ǁî-i ǃgâiba tā ôa, î-i mâ-i hoa-e nau-i diba ôa.” —Khomai re 1 Korinteǁîn 10:23, 24 sa.
ǃGAMSE ÔAǃNÂ RE
ǂÂiǃgâ re, Elobmîs ǁgaragu hîna a hui du ǁkhāga. Î du mîǁguiba dī xûi-e ās xa. Tsî du ga xûi-e āsa ǁhûi o. O du matikōse nî āsa. Tsî ôaǃnâ re, tae-e du a dī ǁkhāsa. Xûi-e ās ǀkha du ga ǃgomsiba ūhâ o.
4. Mîǁgui re, ā du nî tamas ka io du ā tidesa
Jesuba xûi-i xa tae-e gere ǂâi? Nē ǃereamsa hōs ǃaroma. ǂÂiǃgâ re, ǂguro buruxa dīb Jesub ge dīb xa. Khomai re Johaneb 2:1-11 sa. Tsî sao ra dîra ǃhoaǃgao re:
Nē buruxa dība xu du tae-e ra ǁkhāǁkhāsen. Jesub di mûǂuib xûi-i xa hâb tsî ǁnān hîna xûi-e ra ān xa?
Jesub ge xûi āsa ge ǂkhā tama hâ i. Xristeǁî-e mati khoe-i hîna xûi-e ra ā-e nî hui?
Xawe Xristeǁî-i xûi-e ās ge ǂâibasen tama hâ. ǁÎ-i nî hoaǁae ā ti. Khomai re ǂKhoamîdi 22:3 sa. Tsî sao ra xūna ǂâiǃgâ re, hîna a hui du ǁkhāna. Î du mîǁgui mâǁaegu ai du nî ā ǃkhaisa:
ǃNari tamas ka io du ga masin-e sîsenū o.
ǀGamǀkhā du ga o.
Dokteri xa du ga mîbahe o, î du tā xûi-e ā.
Kaise ās ǃgomsiba du ga ūhâ o.
ǂHanub ga mā-am du tama io xûi-e āsa.
Khoe-i hîna ǃgomsiba xûi-e ās, ǀkha ge ūhâ î-i, ǀkha du ga hâ o. Os tsîna du ge a mîǁgui ǁkhā, î du tā xûi-e ā.
Xûi-e du ǃgammeb, tamas ka io ǀnî hâ ǁâudīb ai nî ā? Nē mîǁguib ǀkha hui dus ǃaroma. Sao ra vidioba kō re. VIDIOBA ǀhuru re.
Khomai re Romeǁîn 13:13 tsî 1 Korinteǁîn 10:31, 32 sa. Tsî xoara du ga khomai toa o. Nē dîsa ǃhoaǃgao re:
Nē xoara saosa mati a hui du ǁkhā. Î du ǃgâi mîǁguiba dī hîna Jehovaba nî ǂkhîǂkhîba?
Mâ Xristeǁî-i hoa-i ge nî mîǁgui. Xûi-e i nî ā tamas ka io ā tidesa. ǀNî ǁaegu ai i ga mîǁgui āsa. Xawe i ge ǁkhapa ǀnî ǁaegu ai a mîǁgui ǁkhā ā tama isa
5. Mîǁgui re matikōse du nî āsa
Xûi-e āsa du ga ǁhûi o, sao ra-e ǂâis ǃnâ ūhâ re. Jehovab ge xûi-e āsa ǂkhā tama hâ. Xaweb ge kaise āsa ra ǂkhā. Tae-i ǃaroma? Khomai re Hoseab 4:11, 18 sa. Tsî sao ra dîsa ǃhoaǃgao re:
Tae-e a īǁkhā khoe-i ga kaise ā o?
Mati du kaise āsa xu a ǂgōsen ǁkhā? ǃGamǃgamsenxa du ge nî. Tamas ka io du ge matikōse du a ā ǁkhāsa nî ǂan. Khomai re ǂKhoamîdi 11:2 sa. Tsî sao ra dîsa ǃhoaǃgao re:
Tae-i ǃaroma i a ǃgâi mîǁguisa matikōse du nî āsa?
6. Kaise xûi-e ās di ǃgomsiba dan re
Mû re, tae-i ge ǀgui aoba a huisa îb kaise ā ǀû. VIDIOBA ǀhuru re. Tsî sao ra dîde ǃhoaǃgao re.
Nē vidiob ǃnâ i ge mati xûi-e Dmitrib ti tanisen ǀgauba tsâǀkhā?
ǃHaeseb ge ā ǀû ǁkhā i?
Matib ge ǀû kaise xûi-e āsa?
Khomai re 1 Korinteǁîn 6:10, 11 sa. Tsî sao ra dîra ǃhoaǃgao re:
ǀHorosa matikōse a ǁkhōǁkhōsa?
Tae-e ra ǁgau kaise xûi-e ra ā khoe-i a dī-unusen ǁkhāsa?
Khomai re Mateub 5:30 sa. Tsî sao ra dîsa ǃhoaǃgao re:
Sadu ǃomma ǁhāǁnâs ge ra ǂâibasen. ǀNî xūna xu ǂgōsensa. Jehovaba ǂkhîǂkhîs ǃaroma. Tae-e a hui du ǁkhā, xûi-e ās ǃgomsiba du ga ūhâ o?a
Khomai re 1 Korinteǁîn 15:33 sa. Tsî sao ra dîsa ǃhoaǃgao re:
Sadu ǀhōsana sadu xûi-e ra ā ǀgaub ai tae sîsenǂuiba ūhâ?
KHOE-I GE ǀNÎSI A DÎ DU ǁKHĀ: “Xûi-e āsa tsū-e?”
Mati du nî ǃeream?
ǃKHŌǀHAOS
Jehovab ge sada xûi-e ge mā î da ǁkhoaxa ǁaeba ūhâ. Xaweb ge kaise ās tsî ǀhoros tsîna ra ǂkhā.
ǁKhāǁkhāsen du go xūna ǂâiǃgâs
Elobmîs mûǂuiba a tae xûi-i xa?
Tae-i ǁkhōǁkhōsasiba hâ kaise xûi-e ās ǃnâ?
Mati du nau khoen di mîǁguiba ǃgôasiba a ǁgau ǁkhā, xûi-e ās tawa i ga hā o?
ÔAǃNÂ
ǂKhamkhoena mati ǃgâi mîǁguiga nî dī xûi-i xa?
Ôaǃnâ re, dī ǁkhā du a xūna î du ās di ǃgomsiba dan.
“Xûi-e ǁî-i ǃkhais ai ūhâ” (ǃKhē xu ǂgō-ommi, Januarib 1, 2010)
Xristeǁî-e ā ǃnân ra xlan hîna xûi-e ūhâna nî ǂnauǀhao [toast]?
“ǀAm i ose ta ge gere ā,” di hâ khomai ǃâs ǃnâ khomai re. Matib ge ǀgui aoba kaise āsa a ǀûsa.
a ǁNān hîna kaise xûi-e ra ān ge ǀnî ǁaegu ai. Dokterga xu huiba ǂhâ hâ în ā ǀû. ǂGui dokteran ge ra mî ǁnān hîna xûi-e ās ǀkha ǃgomsiba ūhân ge tā nî ā ti.
-
-
Sada saran tsî ī da a ǀgaub tsîna tae-i ǃaroma a ǂhâǂhâsaǀAmosib kōse ǃgâiaǂgao re—ǃgâi Elobmîs ǃhoaǀhaodi
-
-
52ǁÎ ǁKHĀǁKHĀǃÂS
Sada saran tsî ī da a ǀgaub tsîna tae-i ǃaroma a ǂhâǂhâsa
Sado a ǃgâiba sarana du ge ūhâ tsî ra ana. Xawe Elobmîs ra mî xūna du ga sao o. O du ge sadu tae-i xa ǃgâibahesa ǂgurose mâi tide. Xawe Jehovaba ǂkhîǂkhîsa ǂgurose nî mâi. Hā re, î da Elobmîs ra mî xūna ǃhoaǃgao.
1. Mâ Elobmîs mîmāsa sadu sara anas ǀkha, a hui du ǁkhā?
ǃAmkuse ra mûsen, sarana du ge nî ana. ‘Anusa sarana’ î du “eloǃaoǃgâsiba” ǁnās ǀkha ǁgau. (1 Timoteub 2:9, 10) Sao ra Elobmîs ǁgaragu xa ǂâi re: (1) Sadu sara anas ge nî ‘anusa’ i. ǀHaohâb ǀhaodi tawas tsîna. Jehovab di ǃoaba-aon ge ǃkharagaǃnâgu sara ana ǁkhoaba ūhâ. Xawe ǁîn di sara anas tsî ǀûnan ra dī ǀgaub ge Eloba ǃgôasiba ra ǁgau. (2) ‘ǃAmku’ sara anas ge ra ǂâibasen. Sadu sarana ra ana ǀgaub ge tā ǁgoe-ūgub turaba nî omkhâi. Tamas ka io sado nî ǀgapiǀgapi. (3) ‘ǂUru ǁnâuǃāba’ du ge a ǁgau ǁkhā. ǀAsase ra ǂgâxa sara ana ǀgauga sao tamase. (4) Sadu ra mûsen ǀgaub ge “eloǃaoǃgâsiba” nî ǁgau. Tsî ǁnās ge ama Eloba du ra ǃoaba ǃkhais tsîna nî ǁgau.—1 Korinteǁîn 10:31.
2. Tae-i ǃaroma du sara anas tawa i ga hā o, ǃgâsan xa nî ǂâi?
ǂGao du ra sarana du ge a ana ǁkhā ǃnorasase. Xawe ǂâi re, tae-i sîsenǂuibas ǁnāsa khoen ai a ūhâ ǁkhāsa. Khoena du ge sadu ana ǀgaub ǀkha. Tsūse tsâ kai ǂgao tama hâ. Xawe du ge ‘ǀgūkhoe-e ǃgâiǃgâiba tsî omkhâibas ǃoa’ nēsa nî dī.—Khomai re Romeǁîn 15:1, 2 sa.
3. Matin khoena sadu sara ana. ǀGaub xa ǂgaehe ǁkhā, în Jehovab xa ǁkhāǁkhāsen?
Dītsâ du ge nî mâ ǃkhai i hoa i tawa ǃamkuse mûsensa. Xawe ǀō-aisase ǀhaodi tsî aoǁnâ du ga ǁaeb ai. Hoaǁae ǃamkuse ana re. ǃGâi i ge tide, în khoena sida ana hâ xūn ai ǁîn ǂâisa ǂnûi. Tsî ǃgâiǂhôasa dana-e mā ǂgao tide. Ama as ge sida ra mûsen ǀgaub ge. ǃGâiǂhôasa a îsa kai ǁkhā. ‘În khoena Elob sada ǃGâiǃōdī-aob di ǁkhāǁkhāsa hoa xūn ǃnâ ana.’—Titub 2:10.
ǃGAMSE ÔAǃNÂ RE
ǂÂi re, matib sida sara ana ǀgauba. ǂHâǂhâsa ǃkhaisa Xristeǁîn ase.
Sadu sara ana ǀgaub ge a ǁgau ǁkhā. Khoena du ra ǃgôasa. Jehovab ge a ǂan tae-i khoe-i di ǂgaob ǃnâ hâsa. Xawes ge sadu sara ana ǀgauba ǁîb tsîna ǃgôasiba nî ǁgau
4. ǃAmkuse ra mûsen sarana du ga ana o. O du ge Jehovaba ǃgôasiba ra ǁgau
Tae-i ǃaromas sadu sara ana ǀgauba a ǂhâǂhâsa? Khomai re Psalmdi 47:2 sa. Tsî sao ra dîra ǃhoaǃgao re:
Jehovaba du ra ǂnûǁkhaeba, ǃkhais ǃaroma du mati nî ana?
ǁNâuǃāxa-e ǀhaodi tsî aoǁnâ sîsenni ǃnâ du ra. Mûsen ǀgaub xa du nî ǂâisa? Tsî tae-i ǃaroma?
5. Mati du ǃgâi mîǁguiga nî dī, sara anas tawa i ga hā o?
Sadu saran ga ǂgui mari-e ǂgan. Tamas ka io ǂgui mari-e ǂgan tama i. Xawen ge nî ǃanu tsî ǃamkuse nî mûsen. Ī du ra ǃkhai i hoa i tawa. Khomai re 1 Korinteǁîn 10:24 tsî 1 Timoteub 2:9, 10 sa. Tae-i ǃaroma du sao ra sara ana ǀgauba xu nî ǂgōsensa . . .
ǃkhaera tsî ǃanu tama saran.
ǂae ra saran hîna sao ra khoe-e ǃgâi tama ǂâina ra mān.
Xristeǁî da ase da ge. Moseb ǂhanub ǃnāka hâ tama hâ. Xaweb ge Moseb di ǂhanuba. Jehovaba xu ra hā. Khomai re Deuteronomium 22:5 sa. Tsî sao ra dîsa ǃhoaǃgao re:
Tae-i ǃaroma gu aorekhoega, tarekhoedi sarana ana tide? Tsî tae-i ǃaromadi tarekhoede, aorekhoegu di sarana ana tide?
Khomai re 1 Korinteǁîn 10:32, 33 tsî 1 Johaneb 2:15, 16 sa. Tsî sao ra dîde ǃhoaǃgao re:
Tae-i ǃaroma du nî ǁae. Sadu ra ǀhaohâsib tsî ǀhaohâb ǃnâ mûsen ǀgaub xa?
Sadu ra hâ ǀkhāb ai, mâ sarana ǃnāsase ra anahe?
ǂÂi î du ra, ǁnā ana ǀgaugu Xristeǁîn ǃaroma ǃgâi tidesa? Tsî tae-i ǃaroma?
ǃKharagaǃnâgu ǀgaugu ǃnâ da ge sida sarana ra ana. Tsî noxoba Jehovaba ra ǂkhîǂkhî
MATI DU NÎ ǃEREAM KHOE-I GA MÎ O: “Tita ge ana ǂgao ta ra xū-e nî ana.”
Mati du nî mî? Tsî tae-i ǃaroma?
ǃKHŌǀHAOS
Sadu sara ana ǀgaub ga ǃgâise mûsen o. O du ge Jehovab tsî khoen tsîna ǃgôasiba ra ǁgau.
ǁKhāǁkhāsen du go xūna ǂâiǃgâs
Sadu sara ana ǀgauba tae-i ǃaroma Jehovaba a ǂhâǂhâsaba?
Mâ ǁgaragu Elobmîs diga du a sao ǁkhā. Sado a hui ǁkhāga mûsen du ra ǀgaub ǃnâ?
Sadu sara ana ǀgaub ra mûsen ǀgauba. Mati ama ǃoabasa ra tsâǀkhā?
ÔAǃNÂ
Kō re, khoen tae-e ra ǂâisa sadu sara ana ǀgauban ga mû o.
ǁKhāǁkhāsen re, tae-i ǃaroma i a ǂhâhâsa. Tattoosen [khōb ai xoa-aisen] du nîs aiǃâ nēsa ǂâiǃgâsa.
“Elobmîsa tae-e ra mî tattoon xa?”(Internets ai hâ ǁkhāǁkhādi)
Elobmîs ǁgaragu hîna sadu mîǁguiba a hui ǁkhā gu xa ǂâi re.
“Sadu sara ana ǀgauba Eloba ǃgôasiba ra ǁgau?” (ǃKhē xu ǂgō-ommi, Septemberi 2016)
Tae mûǂuibas ge ǀgui khoesa. Omkhâi ǀnî hâ khoen ra mûsen ǀgaub xa?
“Sara ana ǀgaugu ge tita gere ǃnôa kai” (ǂKhaikari hâb, Desemberi 22, 2003)
-