-
Hoa ǁâudīga Eloba ra ǂkhîǂkhî?ǀAmosib kōse ǃgâiaǂgao re—ǃgâi Elobmîs ǃhoaǀhaodi
-
-
Khomai re Efeseǁîn 5:10 sa. Tsî sao ra dîde ǃhoaǃgao re:
Tae-e du ǂâis ǃnâ nî ūhâ sâtsē-e du ga tsēdī ǂgao o?
Mâ sâtsēde sadu ra hâba ra tsēdī-e?
ǁNā tsēde Jehovaba ǂkhî kai î ra?
Aiǁgause, ǂâi tsâ i du hâ, Jehovab ǃnaetsēdi xa tae-e ra ǂâisa? Elobmîs ge Jehovaba gere ǃoaba khoe-i. Hîna ge ǃnaetsēde tsēdī i xa xū-e mî tama hâ. Xawe i ge ǀgam ǃnaetsē ra hîna Jehovaba ǃoaba tama khoen. Xa gere tsēdīhe ra Elobmîs ǃnâ a xoasa. Khomai re Genesis 40:20-22 tsî Mateub 14:6-10 sa. Tsî sao ra dîra ǃhoaǃgao re:
Nē ǀgam ǃnaetsē ra ai, taena ge ī?
Nē Elobmîs ǃâba xu mati du ra ǂâi, Jehovab ǃnaetsēdi xa ra tsâsa?
ǀNîsi du ge ra ǂâi. ‘Jehovaba ǁae i hâ, tita ga ǃnaetsēdi. Tamas ka io Elobmîs ǃnâ hâ tama sâtsēde tsēdī o?’ Khomai re Eksodus 32:1-8 sa. ǁNāpaxū VIDIOBA ǀhuru re. Tsî sao ra dîra ǃhoaǃgao re.
Tae-i ǃaroma du nî ǂan taenab Jehovaba ra ūǃoasa?
Nēsa du mati a dī ǁkhā?
Mati du nî ǂan Jehovab nē ǁâudīb xa ra ǂkhîoǃnâ kaihesa?
Nē ǁâudība Elobmîsa xu i hâ? Nēsa ǂanǂuis ǃaroma mapa i ge tsoatsoahesa ôaǃnâ re.
ǃGôasiba i khoe-i, ǃnan-i tamas ka io. ǃHūb di ǁgauǁgaudi tsî saode ra mā? Jehovaba du ge hoa xūn ǂam-ai ǃgôasiba nî mā. Tsî du ge nî ǂgomǃgâ ǁîb ǃhūbaib di ǃgomsin hoana nî ǃgâiǃgâisa.
Khoesi ǁnaetigu tsî dī du ra xūn tsîna Elobmîs ǀkha ǃgûǀhao i ra? ǃAnuse du ge nî hâ ǀgara.
-
-
Jehovaba ra ǂkhî kai ǁkhoaxa ǁaeba ǁhûi reǀAmosib kōse ǃgâiaǂgao re—ǃgâi Elobmîs ǃhoaǀhaodi
-
-
53ǁÎ ǁKHĀǁKHĀǃÂS
Jehovaba ra ǂkhî kai ǁkhoaxa ǁaeba ǁhûi re
Jehovab ge ‘ǂkhîxa Eloba.’ (1 Timoteub 1:11) Tsî ǁîb ge ra ǂhâba, î du ǂkhîba ūhâ. Tsî ǁkhoaxa ûiba ūhâ. Jehovab ge a ǃgâibahe sîsen-e xu du ga sâ o. ǁKhoaxa ǁaeba ūhâs ǃaroma. Nē ǁkhāǁkhāǃâs ǃnâ du ge nî ǁkhāǁkhāsen. Mati du ǁkhoaxa ǂkhî ǁaeba nî ūhâsa. Jehovaba ra ǂkhîǂkhîba.
1. Tae-e du ǂâis ǃnâ nî ūhâ, ǃgâi ǁaeba du ga ūhâ ǂgao o?
Tae-e du sâ du ra ǁaeb ǃnâ ra dī? ǀNî khoen ge oms ai, sâsa ǁaeba ūhâs xa a ǃgâibahe. Aiǁgause, ǂkhani-e khomais, musik-e ǃgâs, muvina kōs. Tsî internetsa ôaǃnâs tsîna. Tsî ǀnî khoen ge a ǃgâibahe ǀhōsan ǀkha, ǃgâi ǁaeba ūhâsa. Aiǁgausen ge sarigu tsî ǁnās ǃnâ-ū ǁkhoaxa ǁaeba ra ūhâ. Tae-i ǀgui-e du ga dī xawe. Du ge nî kō “mâ xū-i a ǃKhūba ǃgâibasa.” (Efeseǁîn 5:10) Kaise i ge a ǂhâǂhâsa, î du ǁnāsa ǁnâuǃā. ǁKhoaxa ǁaeba ūhâs ǃaroma du ra kō xūn ge. Nētsē Jehovab ǃhui hâ xūna ra aiǃgû kai. Aiǁgause, muvin ǃnâ ra ǁgauhe ǃkhamdi. ǃGamme tama hâ khoen hîna ra ǁgoe-ūgun. Tsî ǃgaidīb tsîna ǃkhōǂgā hâ. (Khomai re Psalmdi 11:5 sa.) Tae-e a hui du ǁkhā, ǃgâi xūna ǁhûisa. ǁKhoaxa ǁaeba ūhâs tawa i ga hā o?
Jehovaba a ǀnam ǀhōsan ǀkha du ga hâǀhao o. On ge ǁîna ǃgâi sîsenǂuiba sadu. Tsî sadu ǁkhoaxasigu ai a ūhâ ǁkhā. ǃKharu go ǁkhāǁkhāǃâs ǃnâ du ge go ǁkhāǁkhāsen “gā-ain ǀkha ga” hâǀhaob “ǁnāb ge nîra gā-ai.” Xawe Eloba ǀnam tama khoen ǀkha du ga hâǀhao o. O du ge nî ‘ǁgaibahe.’—ǂKhoamîdi 13:20.
2. Tae-i ǃaroma i a ǂhâǂhâsa kōsa. Matikō ǁaeba du ǁkhoaxa ǁaeb ai ra ūhâsa?
Sadu ra ǁhûi ǁkhoaxasib ga Jehovaba ǂkhîoǃnâ kai tama i xawe. Du ge nî ǂanbasen. Î du tā ǂgui ǁaeba, ǁkhoaxa ǁaeba ūhâs ai ǂkhôa. ǁNāti i ga io, o du ge ǂhâǂhâsa xūna ǁae-e ūhâba tide. Elobmîs ge ra ǂkhâǃnâ du “î du ǁaeba ǁamaǂuibasen.”—Khomai re Efeseǁîn 5:15, 16 sa.
ǃGAMSE ÔAǃNÂ RE
ǁKhāǁkhāsen re, mati du ǃgâi mîǁguiga nî dīsa, ǁkhoaxasib xa.
3. ǃGâi tama ǁkhoaxasiga xu ǂgōsen
Tae-i ǃaroma du, sadu ǁkhoaxasiga ǃgâise nî ǁhûi? VIDIOBA ǀhuru re. Tsî sao ra dîra ǃhoaǃgao re.
Romes ǃnâ gere dīhe ǃkhamde. Mati a ǀgui nētsē ra kōhe muvin ǀkha?
Danniba tae-e ǁkhoaxasib xa ge ǁkhāǁkhāsen?
Khomai re Romeǁîn 12:9 sa. Tsî sao ra dîsa ǃhoaǃgao re:
Nē xoasa mati sadu ǁkhoaxasiba ra mû, ǀgauba ra tsâǀkhā?
Mâna xūn hînab Jehovaba a ǃhuisana? Khomai re ǂKhoamîdi 6:16, 17 tsî Galateǁîn 5:19-21 sa. Xoara du ga khomai toa o. O sao ra dîsa ǃhoaǃgao re:
ǁNā xoara ǃnâ du go khomai xūna. Nētsē du ra hō ǁkhoaxasib ǃnâ hō-e i ra?
Mati du ǁkhoaxasiba gā-aise nî ǁhûi ǀgaub
Dîsen re:
Tae-e? Nē ǁkhoaxasiba Jehovab ǃhui hâ xūna ǃkhōǂgā hâ?
Mâǁae? Nē ǁkhoaxasiba ǂhâǂhâsa xūn ǁaeba ra ū?
Ham-e? Nē ǁkhoaxasiba Jehovaba ǃoaba tama khoen ǀgūse ra hâ kai te?
Kaise i ge nî ǃgâi tsū xūna xu ǃnūse hâsa. ǁNā-amaga du ge ǁkhoaxasi i ga ǃgâi tama io. O nî ǂgōsen, ǁî-e xu
4. Sadu ǁaeba ǃgâise sîsenū re
VIDIOBA ǀhuru re. Tsî sao ra dîsa ǃhoaǃgao re.
Vidiob ǃnâ du goro mû ǃgâsab ge ǁgai xūna kō tama hâ i. Xawe tae-i ǃgomsibab ge ūhâ i?
Khomai re Efeseǁîn 5:16 sa. Tsî sao ra dîsa ǃhoaǃgao re:
Nē xoasa mati a hui du ǁkhā. Matikō ǁaeba du nî ǁkhoaxasib ai ūhâs ǀkha?
5. ǃGâi ǁkhoaxasiga ǁhûi re
ǀNî ǁkhoaxasigu ge Jehovaba ra ǂkhîoǃnâ kai. Xawe ǂguin ge hâ ǁîba ra ǂkhîǂkhîna. Khomai re Aoǁnâ-aob 8:15 tsî Filipeǁîn 4:8 sa. Tsî sao ra dîsa ǃhoaǃgao re:
Mâ ǁkhoaxasigu xa du a ǃgâibahe?
ǃGâi ǁkhoaxasiga du ge a ūhâ ǁkhā
MATI DU NÎ ǃEREAM KHOE-I GA MÎ O: “ǃKham ǃnâhe ra muvin, ǁgoe-ūgub muvin. Tsî ǃgaidība ra ǁgauna kōs ge tsū tama hâ. ǁNā xūna du ga dī tama io.”
Mati du nî ǃeream?
ǃKHŌǀHAOS
Jehovab ge ra ǂhâba, î du ǃgâi ǁkhoaxasiga ǁhûibasen.
ǁKhāǁkhāsen du go xūna ǂâiǃgâs
Xristeǁîna mâ ǁkhoaxasiga xu nî ǂgōsen?
Tae-i ǃaroma du nî ǂanbasen matikō ǁaeba du ǁkhoaxasigu ai ra sîsenūsa?
Tae-i ǃaroma du Jehovaba ra ǂkhîǂkhî ǁkhoaxasiga ra ǁhûi ǂgao?
ÔAǃNÂ
Ham-e ǃereamsa ūhâ sadu ǁkhoaxasiba ǁhûis diba.
“Jehovab di ǀHûǀguitimî-aona ǀnî movin,ǂkhanin tsî amna ūǃoa tama hâ?” (Internets ai hâ ǁkhāǁkhādi)
Khomai re, mati du ǃgâi mîǁguiga a dī ǁkhāsa ǁkhoaxasib ǃaroma.
“Sadu ǁkhoaxa ǁaeba a ǃgâi?” (ǃKhē xu ǂgō-ommi, Oktoberi 15, 2011)
“Tita ge ǀgorasa dīsa ge dan” di hâ ǃhoaǃâsa khomai re. Tsî khomai re, tae-i ǃaromab ge aoba ǁîb gere kō xūna a dawa ǃkhaisa.
“Elobmîs ge ûiga ra dawa” (ǃKhē xu ǂgō-ommi, Februarib 1, 2010)
Kō re, matis ge ǁgûsa ǃgâi mîǁguiba a dīsa. ǃGaidība gere ǁgau ǁkhoaxasiba kō tama is ǃnâ-ū.
-