ǂGui khoen ge ǁgoe-ūgub xa ǃhoa ǂgao tama hâ. Xawes ga Elobmîsa ǁgoe-ūgub xa ǃhoa o. Os ge ǃamku ǀgaub tsî ǃgôasib ǃnâ ǁnās xa ra ǃhoa. Elobmîs ra mî i ge sadu ǃgâib ǃaroma hâ. Tsî ǁnās ge a ǁnâuǃāxa. Jehovab a sida di Kuru-ao amaga. ǁÎb ge a ǂan tae-i sida ǃaroma a ǃgâisa. ǁÎb ge ra mîba da. Tae-e da ga dī o, o da ǁîba nî ǂkhî kaisa. Tsî tae-i nî hui dasa. Î da ǀamosib kōse ûi.

1. Jehovaba ǁgoe-ūguba mati ra mû?

ǁGoe-ūgub ge ǀkhaeb hînab Jehovaba ǃgamme hâ khoena mā hâba. Tsîb ge ra ǂhâba î ra ǃgamme hâ aob tsî taras tsîra ǁnāpaxū ǂkhîba hō. Nē ǀkheab ge ra mā-am. Îra ǃgamme hâ khoe-aogura ǀgôana hō. Tsî ǁîra ūbagu hâ ǀnamma ǃgâi ǀgaub ǃnâ ǁgaugu. ǁNā-amagas ge Elobmîsa ra mî: “Îts ǃgâiaǂgao ǂkhamsis âts di taras” ǀkha. (ǂKhoamîdi 5:​18, 19) Jehovab ge ǂhâba hâ, în ǃgamme hâ khoena amaba ǃhoa-ugu. ǁNā-amagan ge ǃgammeba khôa tide.​—Khomai re Hebreǁîn 13:4 sa.

2. ǁGoe-ūguba a tae?

Elobmîs ge ra mî “ǀai-aon . . . ge Elob Gaosiba ǀumi tide.” (1 Korinteǁîn 6:​9, 10) Elobmîsa gere xoa, Grikegowab xoa-aogu ge por·neiʹa, di hâ mîsa gere sîsenū. ǁGoe-ūguba gu gere ǁguiǃā o. ǁNā mîs ge sao ra xūna ǃoa ra ǁnaeǁgau. (1) ǃGamme tama hâ aorekhoeb tsî tarekhoes ga ǁgoe-ūgu o.a (2) Tarekhoes tsî tarekhoes, tamas ka io aorekhoeb. Tsî aorekhoeb ga ǁgoe-ūgu o. (3) Tsî khoe-i ga xamani-i ǀkha a ǁgoe-ūgu o. ‘Nē ǃnôa xūna xu du ga ūdawasen o.’ O du ge Jehovaba ra ǂkhîǂkhî. Tsî du ge sadu tsîna ǃgâiba ra hō.​—1 Tesalonikaǁîn 4:3.

ǃGAMSE ÔAǃN RE

3. ǃGamme tamase ǁgoe-ūguba xu ǃkhoebē

Josefi ge ge ǂkhā tarekhoes ge ǁîb ǀkha gere ǀai ǂgao o. Khomai re Genesis 39:​1-12 sa. Tsî sao ra dîde ǃhoaǃgao re:

• Josefa tae-i ǃaroma ge ǃkhoebē?—9ǁÎ ǁaraǃāsa khomai re.

• ǂÂi î du ra Josefi ge ǂhanu mîǁguiba a dīsa? Tsî tae-i ǃaroma?

VIDIOB: ǀAiba xu ǂgō re (5:06)

Jehovab ge ra ǂgaoǀkhā du, î du tā ǀai. Khomai re 1 Korinteǁîn 6:​18 sa. Tsî sao ra dîra ǃhoaǃgao re:

• Mâ xūna ǃgamme tamase ǁgoe-ūguba a ǃaroma ǁkhā?

• Mati du ǃgamme tamase ǁgoe-ūguba xu a ǂgōsen ǁkhā?

4. ǁGansi turaga du ge a mâǃoa ǁkhā

VIDIOB: ǃÂitsâga ǃkhamǃoa re Elobmîsa khomais ǀkha (3:02)

• Vidiob ǃnâ hâ ǃgâsaba mati ǂâi tsîb da dī xūn ǁîb ǃgammeba a khôa ǁkhā. ǃKhaisab ge mû o, tae-e ge dī?

ǂGomǂgomsa Xristeǁîn tsîn ge ǁîn ǂâide ǃanuse ūhâs xa a ǃgombahe. Mati du ǁgoe-ūgub xa a ǂâi ǀû ǁkhā? Khomai re Filipeǁîn 4:8 sa. Tsî sao ra dîde ǃhoaǃgao re:

• Taen xa du nî ǂâi?

• Elobmîsa khomais tsî Jehovab ǃoabas ǃnâ hâsa. Mati a hui du ǁkhā î du ǃâitsâga mâǃoa?

5. Jehovab ǂhanuga du ga sao o, o du ge ǃgâise a tsâ ǁkhā

VIDIOB: ǂHanu ǂâiǀgauba ūhâ tama is (9:31)

• Nē ǂkhamkhoeba mati ǃâitsâb ǃnâ ge ǃgûǂgâ?​—Khomai re ǂKhoamîdi 7:​8, 9 sa.

• ǂKhoamîdi 7:​23, 26 ǃoagu î ge ǀaiba ǃgâi tamase a ǀam ǁkhā. ǀAiba xu du ga hâbē o, o du mâ ǃgomsina xu ra ǁkhaubasen?

• ǃAnu ûiba ūhâsa mati a hui du ǁkhā. Î du ǀamosib kōse ǃgâiaǂgao?

ǀNî khoen ge ra ǂâi Elobmîs ra aorekhoena, aoren ǀkha ǁgoes. Tsî tarekhoena, taren ǀkha ǁgoesa ǂkhā, ǃkhais a ǀnamoǃnâ ti. Xawe Jehovab, ǀnammi di Elob ge ra ǂhâba în hoa khoena. ǀAmosib kōse ǃgâiaǂgao. Xawe du ge nēsa hōs ǃaroma ǁîb ǂhanugu ǃoagu nî ûi. Khomai re 1 Korinteǁîn 6:​9-11 sa. Tsî sao ra dîsa ǃhoaǃgao:

• Elob mûǂuiba xu i aorekhoena, aoren ǀkha ǁgoes. Tsî tarena, taren ǀkha ǁgoesa a tsū?

Eloba du ga ǂkhîǂkhî ǂgao o. O du ge ǀkharaǀkharana nî dī. Nē ǀkharaǀkharana ǂhâbasa-e? Khomai re Psalmdi 19:​8, 11 sa. Tsî sao ra dîsa ǃhoaǃgao re:

• ǂÂi î du ra Jehovab ǂhanugu a ǃgâisa? Mati io du ti ra mî?

ǃKHŌǀHAOS

ǁGoe-ūgub ge ǀkhaeb hînab Jehovaba ǃgamme hâ aob tsî taras tsîna mā hâba.

ǁKhāǁkhāsen du go xūna ǂâiǃgâs

• ǃGamme tamase ǁgoe-ūguba taen hoana ǃoa ra ǁnaeǁgau?

• Tae-e nî hui du, î du ǃgamme tamase ǁgoe-ūguba xu ǂgōsen?

• Mati du ǃgâise a tsâ ǁkhā, Jehovab di ǂhanuga du ga sao o?

ÔAǃNÂ

Kō re, tae-i ǃaromab Eloba ǂhâba hâsa. Aorekhoeb tsî tarekhoes hîna ǀguiba ra hâ ǂgao ra nî ǃgammesa.

“Elobmîsa tae-e ǃgamme tamase ǀguiba hâs xa ra mî?” (Internets ai hâ ǁkhāǁkhādi)

Kō re, Elobmîs aorekhoegu hîna aorega ra soregu. Tsî tarekhoedi hîna ra tarekhoede ra soredi a tsū ti ra mîs. ǂÂibasen tama hâsa nē khoena du nî ǃhui ti.

“Aorekhoega aorega sores tsî tarekhoede tarede soresa a tsū?” (Internets ai hâ ǁkhāǁkhādi)

ǁKhāǁkhāsen re, Elob ǁgaragu hîna ǁgoe-ūgus xa hân mati ra ǁkhauba dasa.

“Aorekhoe sorosa ǀgom tsî tarekhoe sorosa tsāsa ama ǁgoe-ūguba?” (Internets ai hâ ǁkhāǁkhādi)

“ǃGôasib ǃnân ge ge hâ-ū te” ti hâ khomai ǃâs ǃnâ kō re. Tae-i ge aorekhoen ǀkha gere ǁgoe khoeba a ǂkhâǃnâsa îb ǀkharaǀkharasen. Îb ǁîb ûiǀgauba Eloba ǂkhîǂkhî.

“Elobmîs ge ûiga ra dawa” (ǃKhē xu ǂgō-ommi, Aprili 1, 2011)

ǀNî ǃhaodi ǃnân ge khoena ra ǂgom. ǃGamme tama khoe-i ge ǂkhîba ūhâ tide. Xawen ge ǀnî ǃgamme hâ khoena ǂkhîba ūhâ tama hâ. Tsî ǃgamme tama hâ khoen ǀnîn tsîn ge ǂkhîba ūhâ. Ama as ge Elobmîs ge ǃgamme tama is. Tsî ǃgammeb tsîna ǀkhaeb ase ra mû.

1. Tae ǃgâi xūna ǃgamme tama isa xu a hā ǁkhā?

Elobmîs ge ra mî: “ǁNā-amaga ǃgameb ǃoa ra māǂui si-i ge ǃgâise ra dī-e, tsî ǃgameb ǃoa māǂui si tama-i ge ǁnās ǃgâ-ai ǃgâise ra dī-e.” (Khomai re 1 Korinteǁîn 7:​32, 33, 38 sa.) Mâ ǀgaugu ǃnâ i ǃgamme tama khoe-e ‘ǃgâise ra dī’? ǃGamme tama Xristeǁî-i ge khoe-e kōǃgâs ǃgomsi-e ūhâ tama hâ. ǁNās ǃaroman ge ǃnāsa ǃnorasasiba ūhâ. Aiǁgause, ǀnîn ge ǁîn di aoǁnâ sîsen-i ǃnâ ǃnāsase a dī ǁkhā. ǁÎn ge ǀnî ǃhūga ǃoa ī. Tsî ǁnāpa ǃgâiǂhôasa sī a aoǁnâ ǁkhā. Hoan ǀgapigan ge ǃnāsa ǁaeba ūhâ. Jehovab ǀkhan ūhâ ǀhōsagusisa ǀgaiǀgais ǃaroma.

2. ǂHanub xa ǂanǃgâsa ǃgammeba, tae-i ǃgâiba ra hā-ū?

ǃGammeb khamib ge ǃgamme tama is tsîna ǃgâi xūna ūhâ. Elobmîs ge ra mî. “ǀGuri hâs xas ge ǀgamse hâsa a ǃgâi.” (Aoǁnâ-aob 4:9) Nēs ge ǃgosase a ama. Xristeǁîn hîna Elobmîs ǁgaraga ǁîn ǃgammeb ǃnâ ra sîsenūn ǃaroma. ǂAnǃgâsase ǃgamme hâ khoen ge mîǁguiba dī hâ. În hoaǁae ǀnamgu tsî ǃgôasiba ǁgaugu. Nēs ǃaroman ge ǃnorasase ra tsâ. ǃGamme tamase ra hâǀhao khoen xa. Tsî ǃgamme hâ khoen di ôan tsîn ge ǃnorasase ra tsâ.

3. Jehovaba ǃgammeb xa mâ mûǂuiba ūhâ?

Jehovab ge ǂguro ǃgammeba a ǃgae o. Ob ge ge mî. ‘Khoeb ge ǁgûb tsî ǁgûs tsîra ǁnāxū tsî nî ǁîb di taras tawa nî ǂgāmâisen.’ (Genesis 2:​24) Jehovab ge ǂhâba hâ aob tsî taras tsîn nî ǀnamgu tsî ǀguiba hâsa. Ûitsama ra as kōse. ǁÎb ge ǃgamme hâ khoen di ǀgui i ga ǀai o. O ǀgui ǀgorasa ra mā-am. Nēti i mâsib ga hâ o. Ob ge Jehovaba ǃgamme khoe-i hîna ǀai tama-e. Aiǂhanuba ra mā î-i ǁhûi. ǁÎ-i ǃgamme khoe-i ǀkha i nî hâ. Tamas ka io ǀgorasa.a (Mateub 19:9) Jehovab ge Xristeǁîna mā-am tama hâ. În ǀguis xa ǃnāsa khoen ǀkha ǃgamme.​—1 Timoteub 3:2.

ǃGAMSE ÔAǃN RE

4. ǃGamme tamase hâsa, ǃgâise sîsenū re

Jesub ge ǃgamme tamase hâsa, ǀkhaeb ase gere mû. (Mateub 19:​11, 12) Khomai re Mateub 4:​23 sa. Tsî sao ra dîsa ǃhoaǃgao:

• Jesuba mati ǃgamme tamab ge hâ i. Xawe ǁîb ǁaeba gere sîsenū. Tsî ǁîb ǁGûba ǃoaba tsî khoena gere hui?

ǃGamme tama hâ Xristeǁîn tsîn ge ǁîn ǁaeba Jesub khami a sîsenū ǁkhā. VIDIOBA ǀhuru re. Tsî sao ra dîsa ǃhoaǃgao re.

VIDIOB: ǂGomǂgomsa ǃgamme tama khoen (3:11)

• Mâ ǀgaugu ǃnân ǃgamme tama hâ, Xristeǁîna ǁîn ûiga a sîsenū ǁkhā?

ǂAn i du go i?

Elobmîs ge matikō kurin ain khoena nî ǃgammesa mî tama hâ. Xawes ge Elobmîsa ra ǂkhâǃnâ. Î-i ‘ǂkhamkhoe-i ǀgaisa’ ǁgoe-ūgus turaba ūhâ ǁaeba aibe ǃkharu. ǁNāti ī ǁaeb ǃnâ i ǂkhamkhoe-e ǃgâi mîǁguiga dīhō tide amaga.​—1 Korinteǁîn 7:36.

5. ǃGamme du nî khoe-e ǃgâise ǁhûi re

ǃGamme du nî khoe-e ǁhûis di mîǁguib ge kaise a ǂhâǂhâsa. Mîǁguiba sadu nî dīse ība. Khomai re Mateub 19:​4-6, 9 sa. Tsî sao ra dîsa ǃhoaǃgao re:

• Tae-i ǃaroma i Xristeǁî-e. ǃHaese i ham-e, nî ǃgammesa mîǁgui tide?

Elobmîs ge a hui du ǁkhā. Mâ ǀgauga ǃoa du ǃgamme ǂgao du ra khoe-i ǃnâ nî ôasa. ǂHâǂhâsa as ge ǃgamme ǂgao du ga o. O du Jehovaba a ǀnam khoe-e nî ǃgammesa.b Khomai re 1 Korinteǁîn 7:​39 tsî 2 Korinteǁîn 6:​14 sa. Tsî sao ra dîra ǃhoaǃgao re:

• Tae-i ǃaroma du Jehovaba ra ǃoaba khoe-i ǀgui-e nî ǃgamme?

• Mati du ra ǂâi? Jehovaba ǁîba ǀnam tama khoe-e du ga ǃgamme o, mati nî tsâ?

6. ǃGammeba Jehovab ra mû khami mû re

Israelǁaes khoen ǁaeb ai gu ge ǀnî khoega. ǁÎgu ǃgamme hâ khoede ǂhâǂhâsa tama ǃaromadi ǃgao gere ǀgora xu. Khomai re Maleaxib 2:​13, 14, 16 sa. Tsî sao ra dîsa ǃhoaǃgao re:

• Jehovaba tae-i ǃaroma ǃgamme khôasa a ǃhûisa?

VIDIOBA ǀhuru re. Tsî sao ra dîsa ǃhoaǃgao re.

VIDIOB: ǃGammeb​—hâhâ ra ǃgaeǀhaos (4:30)

• Jehovaba ǀnam tama khoe-i ǀkha du ga ǃgamme o. Tae-e du a dī ǁkhā ǂkhîba sadu ǃgammeb ǃnâ ūhâs ǃaroma?

7. Jehovab ǁgaragu ǃgammeb xa hâga sîsenū re

VIDIOB: Jehovab ǁgaragu ǃgammeb xa hâga sîsenūsa du ge dīhō ǁkhā (4:14)

Khomai re Hebreǁîn 13:4 sa. Tsî sao ra dîsa ǃhoaǃgao re:

• Jehovab ǃgammeb xa mā hâ. ǁGaragu a ǃgâi di du ra ǂâi? Tsî tae-i ǃaroma?

Jehovab ge ǂhâba hâ, în ǃgamme hâ khoena. ǂHanub xa ǂanǃgâsa ǃgammega ūhâ. Tsî ǀgoran ga o. On ge ǁîn ǀgoras tsîna nî ǂanǃgâ kai. Khomai re Titub 3:1 sa. Tsî sao ra dîsa ǃhoaǃgao re:

• ǃGamme du ga o. O sadu di ǃgammeba ǂhanub xa ǂanǃgâhe i hâ?

ǃKHŌǀHAOS

ǃGamme tamase hâs tsî ǃgammeb tsîn ge Jehovaba xu hâ ǀkhaeba. ǃGamme tama tsî ǃgamme hâ khoen tsîn hoan ge. ǂKhî ǃgâi ûiba a ūhâ ǁkhā. Jehovab ǂâis ǃoagun ga ûi o.

ǁKhāǁkhāsen du go xūna ǂâiǃgâs

• ǃGamme tama khoe-e ǁnā ǁaeba mati ǃgâise a sîsenū ǁkhā?

• Elobmîsa tae-i ǃaroma ra mî, î du Jehovaba ra ǃoaba khoe-i ǀgui-e ǃgamme?

• Elobmîsa tae-i ǃaroma ǀgui du a ǀgora ǁkhā ti ra mî?

ÔAǃNÂ

‘ǃKhūb ǃnâ ǀgui ǃgammesa’ tae-e ra ǂâibasen?

“Khomai-aon dîdi” (ǃKhē xu ǂgō-ommi, Julib 1, 2004)

Nē ǀgam ǃnubu vidiokha kō re. ǃGâi mîǁguiga du ga dī ǂgao o. ǃGamme ǂgao du ra khoe-i ǀkha du ga ǀhōsagu ǁaeb ai.

ǃGammeb ǃaroma aiǂhumisens (11:53)

ǁKhāǁkhāsen re, tae-i ǃaromab ǀgui ǃgâsaba Jehovaba xub ge hō xūna. ǂHâǂhâsase ǂoaǃnâb ge xūn xa ra mûsa.

Sore ta ge hâ i khoes amaba nî ǁkhāǁkhāsen ti ta ge ge ǂâi hâ i (1:​56)

ǃGammeba ra ǀgora, tamas ka io ra hâǀgora ǂgao khoe-e taena nî ǂâiǃgâ?

“‘Elob xa ǁnâi ǃgaeǀhaohe hâ-e’ ǃgôaǃgâ re” (ǃKhē xu ǂgō-ommi, Desemberi 2018)