• Jehovab ǀhō kai ǁkhā du ge a
    ǀAmosib kōse ǃgâiaǂgao re—ǃgâi Elobmîs ǃhoaǀhaodi

    • 5. Jehovab ǁîb ǀhōsana xu ra ǂgao xūn

      Xūn ge hâ, sadu ǀhōsana xu du ra ǃâubasena.

      • Taena xūn hîna du ra ǂhâbana, sadu ǀhōsa-i nî dība du-e?

      Khomai re 1 Johaneb 5:3 sa. Tsî ǃnāka hâ dîsa ǃhoaǃgao re:

      • Jehovaba ra ǂhâba, în ǁîb ǀhōsana ǁnâuǀnam bi?

      Jehovaba ǁnâuǀnams ǃgao du ge sadu tanisen ǀgauba nî ǀkharaǀkhara. Khomai re Jesajab 48:​17, 18 sa. Tsî ǃnāka hâ dîsa ǃhoaǃgao re:

      • Jehovaba tae-i ǃaroma, ǁîb ǀhōsana ra ǂgan, în ǀkharaǀkharasen?

      Aob ge khoeba ǀgapa-e ra mā.

      ǃGâi ǀhōsa i ge a mîba du ǁkhā, tae-i a tsūsa. Tsî mati du nî huisen ǀgaub tsîna. Jehovab tsîn ge ǁnāsa ǁîb ǀhōsan ǀkha ra dī

  • ǁĀǁnâs ge a ǃgâi mîǁgui
    ǀAmosib kōse ǃgâiaǂgao re—ǃgâi Elobmîs ǃhoaǀhaodi

    • ǁĀǁnâhe du nîs aiǃâ i ge a ǂhâǂhâsa. Jehovab xa ǁkhāǁkhāsen tsî du ǀgaisa ǂgomsa nî omkhâisa. (Khomai re Hebreǁîn 11:6 sa.) Sadu ǂans tsî ǂgoms ra ǀgai khamib ge sadu ǀnammi. Hîna du Jehovaba ūba hâb tsîna nî ǀgai. Tsî du ge nî aoǁnâ ǂgao tsî ǁîb ǂhâba hâ khami nî ûi ǂgao. (2 Timoteub 4:2; 1 Johaneb 5:3) Khoe-i ga “anu hâ khami” Jehovab ǃoa-ai a tanisen o, “ǃgâiba bi a khami.” O i ge a mîǁgui ǁkhā māǁnâsen tsî ǁāǁnâ kaisensa.—Koloseǁîn 1:9, 10.a

  • ǃGôaǃgâ re, Jehovab tsî Jesub ge dība du xū-e
    ǀAmosib kōse ǃgâiaǂgao re—ǃgâi Elobmîs ǃhoaǀhaodi

    • ǂÂi re, khoe-i hîna ra hui du i xa. Āǁō ǂgao du ra hîna. ǀUru î du nî. ǁNā khoe-i ge dība du-e? Tamas ka io, du ǀgauga nî ôa, ǁî-e gangansa?

      Jehovaba du ge sadu ûib ǃaroma nî gangan. Khomai re 1 Johaneb 4:8-10 sa. Tsî sao ra dîra ǃhoaǃgao re:

      • Jesub ǁōba tae-i ǃaroma a ǀō-aisa ǀkhae?

      • Mati du ra tsâ. Jehovab tsî Jesub ge dība du xū-i ǃaroma?

      Mati du ǃgôaǃgâsiba a ǁgau ǁkhā. Jehovab tsî Jesub ge dība du xū-i ǃaroma? Khomai re 2 Korinteǁîn 5:15 tsî 1 Johaneb 4:11; 5:3 sa. ǁNā xoara du ga khomai toa o. Sao ra dîsa ǃhoaǃgao re:

      • ǁNā xoara ǃoagu, tae-e du a dī ǁkhā. Î du ǃgôaǃgâsiba ǁgau?

  • Mati du Jehovaba ǀnamma a ǁgau ǁkhā?
    ǀAmosib kōse ǃgâiaǂgao re—ǃgâi Elobmîs ǃhoaǀhaodi
    • 34ǁÎ ǁkhāǁkhāǃâs. Kai ǃās ǃnâ hâ khoeb ge ǀhomma ǃoa kōkhâi tsî ra ǂâi.

      34ǁÎ ǁKHĀǁKHĀS

      Mati du Jehovaba ǀnamma a ǁgau ǁkhā?

      Elobmîsa du ge ǁkhāǁkhāsen tsoatsoasa xu, du Elob ǀgūse ra tsâ? Sadu ǀhōsagusisa ǁîb ǀkha ǀgaiǀgais ǀkha du ra aiǃgû ǂgao? Nēs ga ama o, o ǂan re. Jehovab ge sudu ǁîba ūba hâ ǀnammi ra kai ǃkhaisab ga mû o. ǁÎb tsîna sado nî ǀnam tsoatsoa. Tsî nî kōǃgâ du. Mati du a ǁgau bi ǁkhā. ǀNam bi du a ǃkhaisa?

      1. Mati du Jehovaba ra ǁgau, ǀnam bi du a ǃkhaisa?

      Nēsa du ge ǁîba ǁnâuǀnams ǃnâ-ū a dī ǁkhā. (Khomai re 1 Johaneb 5:3 sa.) ǁÎb ge khoe-e ǁgari tama hâ. ǁÎba ǁnâuǀnams ǃaroma. Xaweb ge mâ khoe-i, hoa-e ǃēsa ra mā. Î-i aitsama ǁhûi ǁîba ǁnâuǀnamsa. Tamas ka io ǁnâuǀnam tama isa. Tae-i ǃaroma? Jehovab ge ǂhâba hâ “ǂgaob ǀkha” du nî ǁnâuǀnam bisa. (Romeǁîn 6:​17) Nēs ge ra ǂâibasen, ǁîb ǂhâba hâsa. Î du ǁnâuǀnam bi, ǂgao du ra amaga. Tsî ǁîba du a ǀnam amaga. 3ǁÎ tsî 4ǁî ǃâkha, nē ǂkhanis ǃnâ hâkha ge. ǁNāti a kurusa î-i sado hui. Î du Jehovaba ǀnamma ǁgau. ǁÎba ra ǂkhîǂkhî xūna dī. Tsî ǁîba ra ǂkhîoǃnâ kai xūna ǃhuis ǃnâ-ū.

      2. Tae-i ǃaroma i a ǃgom, sadu ǀnamma Jehovaba ǁgausa?

      “ǂHanu-ai-i ge ǂgui” ǃgomsina ra hōǃâ. (Psalmdi 34:​19) ǀOasa kurusa du ge ūhâ tama hâ. Mari ǃgomsigu, ǂhanuoǃnâsib. Tsî ǀnî hâ ǃgomsigu tsîna du ge ūhâ. ǃGoma du ga hōǃâ o. O i ge a ǃgomba du ǁkhā. Jehovab ra ǂgan du xūna dīsa. Jehovaba ǁnâuǀnam tama is ge a supu ǁkhā. Xawe du ga ǂgomǂgomsase. Jehovab ra ǂgaoǀkhā du xūna dī o. O du ge ra ǁgau hoa xūn. ǂAm-ai du ǁîba a ǀnam ǃkhaisa. Tsî du ge ǁîb ǃoa-ai du ǂgomǂgomsa ǃkhais tsîna ra ǁgau. Nēsa du ga dī o. Ob ge ǁîb tsîna. Sadu ǃoa-ai nî ǂgomǂgomsa. ǁÎb ge tātsē ǁnāxū du tide.​—Khomai re Psalmdi 4:3 sa.

      ǃGAMSE ÔAǃN RE

      Ôaǃnâ re, tae-i ǃaromas sadu ǁnâuǀnamxasiba. Jehovaba a ǂhâǂhâsabasa. Tsî ǁkhāǁkhāsen re, tae-i a hui du ǁkhāsa. Î du ǂgomǂgomsase ǁîb ǃoa-ai hâ.

      3. Sado ǃkhōǂgā hâ xū-i

      Jobi ǂkhanis ǃnâ du ge ra khomai. Satanni ge Jobi tsî hoa khoen hîna. Jehovaba ra ǃoabana ǂgā-amsa. Khomai re Job 1:​1, 6–​2:​10 sa. Tsî sao ra dîra ǃhoaǃgao re:

      • Satanni ǃoagub Joba. Tae-i ǃaroma Jehovaba gere ǁnâuǀnam?​—Khomai re Job 1:​9-11 sa.

      • Satanna tae-e hoa khoen xa ge mî. Sadu tsîna ǃkhōǂgā hâse?​—Khomai re Job 2:4 sa.

      Khomai re Job 27:5 sa. Tsî sao ra dîsa ǃhoaǃgao re:

      • Joba mati ge ǁgau Jehovabab a ama ǀnamsa?

      Satanni ge Jehovaba ra mâǃoa. Satanni ge Jobi ǂgomǂgomsasiba ra ǃgôaǁnâ. Hîna ǀhapidi xa ǀoa hâba. Tsî nētsē Jehovaba ra ǃoaba khoes.

      Jobi ge ǁîb ǀnamma Jehovaba ge ǁgau ǂgomǂgomsase ǁîb ǃoa-ai hâs ǃnâ-ū

      Sadu ǀnamma du ge Jehovab ǃoa-ai ra ǁgau ǂgomǂgomsase ǁîb ǃoa-ai hâs ǃnâ-ū

      4. Jehovab ǂgaoba ǃgâiaǂgao kai re

      Khomai re ǂKhoamîdi 27:​11 sa. Tsî sao ra dîra ǃhoaǃgao re:

      • Matib Jehovaba ra tsâ? Gā-ai tsî du ga ǁîba ǁnâuǀnam o. Tsî tae-i ǃaroma?

      5. Jehovab ǃoa-ai du ge a ǂgomǂgomsa ǁkhā

      Jehovaba du ūba hâ ǀnammi ge ra ǁgari du. Î du nau khoena ǁîb xa mîba. ǁÎb ǃoa-ai du ūhâ ǂgomǂgomsasib ge nî hui du. Supu tama i ga i, xawes tsîna. VIDIOBA ǀhuru re. Tsî sao ra dîra ǃhoaǃgao re.

      VIDIOB: Sadu ǂgomsa mâǃoahe du ga xawe ǁkhauba re (5:09)

      • ǃGombahe du a khoena Jehovab xa mîbasa?

      • Tae-e vidiob ǃnâ Graysona ge hui. Îb ǁîb ǃaob tsâsiba dan?

      Supu i ge a Jehovab ǃoa-ai ǂgomǂgomsase hâsa. ǁÎb a ǀnam xūna du ga ǀnam o. Tsî ǁîb ǃhui hâ xūna du ga ǃhui o. Khomai re Psalmdi 97:​10 sa. Tsî sao ra dîde ǃhoaǃgao re:

      • ǁKhāǁkhāsen du go xūna xu. Mâna xūn hînab Jehovaba a ǀnamna? Tsî mâna xūn hînab Jehovaba ǃhui hâna?

      • Mati du nî ǁkhāǁkhāsen ǃgâi xūna ǀnam, tsî tsū xūna ǃhuisa?

      6. ǃGâise du ge nî tsâ Jehovaba du ga ǁnâuǀnam o

      Jehovaba ǁnâuǀnams ge hoaǁae a ǃgâi. Khomai re Jesajab 48:​17, 18 sa. Tsî sao ra dîra ǃhoaǃgao re:

      • ǂGom ǁkhā du a Jehovab hoaǁae. Sado a ǃgâiba xūna a ǂansa? Tsî tae-i ǃaroma?

      • Sadu Elobmîs ǁkhāǁkhās tsî ama Elob Jehovab xa ǂansa. Mati nēsis kōse go hui du?

      MATI DU NÎ ǃEREAM KHOE-I GA MÎ O: “Tita ra dī xūn ge Eloba tsâǀkhā tama hâ.”

      • Mâ xoasa du a sîsenū ǁkhā, î du ǁgau. Sadu ra dī xūn, Jehovaba ra ǂkhî tamas ka io ra tsūaǂgao kaisa?

      ǃKHŌǀHAOS

      Sadu ǀnamma du ge Jehovaba a ǁgau ǁkhā. ǁÎba ǁnâuǀnams ǃnâ-ū. Tsî ǂgomǂgomsase ǁîb ǃoa-ai hâsa. ǃGomsina du ga hōǃâ xawe.

      ǁKhāǁkhāsen du go xūna ǂâiǃgâs

      • Tae-e du Jobi aiǁgausa xu go ǁkhāǁkhāsen?

      • Mati du Jehovaba a ǁgau ǁkhā. ǀNam bi du a ǃkhaisa?

      • Tae-e nî hui du ǂgomǂgomsase Jehovab ǃoa-ai hâsa?

      Sadu nî dī xū-i
      .

      ÔAǃNÂ

      ǂAnǂui re, mati du Jehovab tsî ǀhaohâb. ǃOa-ai ǂgomǂgomsase a hâ ǁkhāsa.

      “ǂGomǂgomxa khoe-i ǀkhats ge a ǂgomǂgomxa” (16:49)

      Satanni khoena ra ǂgā-am xūn xa. ǃNāsase ǁkhāǁkhāsen re.

      “Jobi ge ǁîb ǂgomǂgomxasiba ge ǃkhōǀgara” (Elobmîs​—Haisi-amsa a tae? 6ǁî ǃâb)

      Kō re, matin ǂkhamǀgôan tsîna ǁîn ǀnamma. Jehovaba a ǁgau ǁkhā ǀgausa.

      Jehovaba ǂkhîǂkhî re (8:​16)

      ǂKhamkhoe-i hîna nau ǂkhamkhoena xu ǁgâiba ra hō-e. Mati ǂgomǂgomsase Elob ǃoa-ai a hâ ǁkhā?

      ǁGâiǀāba xu ǂgōsen! (3:​59)