Jesub ge “ǁnâuǀnamxasiba ge ǁkhāǁkhāsen”

Jesub ge Jehovaba hoaǁae gere ǁnâuǀnam. (Jhn. 8:29) Xawe tae-i ǃaromas Elobmîsa Jesub ge “tsâb âb ǃnâ-ū ǁnâuǀnamxasiba ge ǁkhāǁkhāsen” ti ra mî?—Heb. 5:8.

Jesub ge ǃhūbaib-aib ge hâ io, ǀhommi ǃnâb ge hōǃâ tsâ tama hâ i mâsigu ǃnâ ge hâ i. Aiǁgause, ǁîb ǁgûra ge Jehovaba ge ǀnam i xawe ra ge ǀoasa kurusa ge ūhâ tama hâ i. (Luk. 2:51) ǃGâi tama xūna gere dī ǂgomdi ǂgaeǂgui-aogu tsî ǂhanub ǂgaeǂgui-aogu xab ge ǁgaise ge hâ-ūhe. (Mat. 26:59; Mrk. 15:15) Tsîb ge kaise tsûsa ǀgaub ǃnâ ge ǁō. Elobmîs ge ra mî: “ǁÎb ge aitsama ǃgamǃgamsen tsî ǁōb kōse ge ǁnâuǀnamxa.”—Fil. 2:8.

ǃHūbaib-aib ge hâ i ob ge Jesuba ǀasa ǀgaugu ǃnâ ǁnâuǀnamxasiba ge ǁkhāǁkhāsen. ǁNā-amagab ge ge ǂhanu Gaob tsî ǀGapi pristeri kai, sida mâsiga ǃamkuse ra ǁnâuǃāba. (Heb. 4:15; 5:9) Jesub ge hōǃâb ge xūn ǃnâ-ū ǁnâuǀnamxasiba a ǁkhāǁkhāsens khaoǃgâb ge ǁîba Jehovaba ǃnāsase ge ǀō-aisaba i tsîb ge ǁîba ǃnāsase ge sîsenūhe ǁkhā i. Sida tsîn ge Jehovab xa kaise ǀō-aisa khoe-i ase mûhe tsî ǁîb ra mā da sîsenni hoa-i ǃaroma ǂhanu ǁkhā, ǃgomsin ga hâ xawe da ga Jehovaba a ǁnâuǀnamo.—Jak. 1:4.