Kuli Vakua Efesu
2 Cikuavo naua, Njambi uami yoyesele vutuhu mua tsile omo lia vivulumuna na vipi vienu, 2 muze mu muakele na kuenda laza kuliya na mavu ano, ngue ku cizango ca muangana ali na mpoko ha mpundzi, ni nguetu, sipilitu ize ili na kupanga mu vana va lisino. 3 Eyo, tu vose ntsimbu imo tua yoyele kuliya na masungu etu a ntsitu hakati kavo, mu kupuisamo cizango ca muvila* na visinganieka vietu, kaha tuapuile vana va vutenu ngeci mua vantu vose. 4 Vunoni mu kulinga Njambi uapua cikuma mukua nkeke, kaha omo lia cilemo cendi ca kama ca tu muesele, 5 ua tu yoyesele hamo na Kilistu vutuhu tua tsile omo lia vivulumuna vietu, vunoni Njambi na miovola omo lia ngozi yendi ya kama. 6 Cikuavo naua, Njambi ua tu sanguile hamo nendi naku tu tumbika hamo nendi mu vihela via muilu mu kulikata na Kilistu Yesu, 7 linga mu mavu akezako, aka tu muese vupite vua kuhiana vua ngozi yendi ya kama, kuhitila mu vucili* vuendi omo lia kulikata cetu na Kilistu Yesu.
8 Omo lieyi ngozi ya kama, va miovuele omo lia lutsilielo, kaha evi kati ku ndzili yenu, vunoni muomu vua pua vuana vua Njambi. 9 Houe, kati omo lia vipanga, linga naumo uahi alipambe. 10 Etu tunapu vipanga via mavoko a Njambi kaha ua tu tangele mu kulikata na Kilistu Yesu, linga tu pange vipanga via cili vize via hanguile vualumo Njambi nguendi tu vi pange.
11 Ngeci mukemuo, vulukenu nguenu enu mua semuka ku vakua vifuti, imo ntsimbu vami sanene nguavo “va kuhona kulovoka,” kuli vaze “vava lovuele” vantu. 12 Ha ntsimbu ize, ka muakele na Kilistu, mua hangunukile ku muyati ua Isaleli, muapuile vangendzi ku matavasiano a cikulaheso. Ha ntsimbu yaco ka muakele na lulavelelo, kaha ka muakele na Njambi hano ha mavu. 13 Vunoni hano honi mu kulikata na Kilistu Yesu, enu muakele ku lahako mu neza ha hiehi omo lia maninga a Kilistu. 14 Muomu ikeye ciyulo cetu, uze ua pandakanene vivunga vivali naku vipuisa cimo, kaha ua puzuile civumbe cakele hakati kavo cize ca va hangunuine. 15 Kuhitila mu ntsitu yendi ua manusuile vutozi, ni nguetu, Masiko aze akele mu cifua ca vizilika, linga alingise evi vivunga vivali vi likate nendi mu kupua muntu umolika ua muha, na kuneha ciyulo, 16 kaha ua lingisile evi vivunga vivali vi lihambe na Njambi mu muvila umo kuhitila ha citi ca kayando,* muomu ua tsihile ovu vutozi kuhitila mu muvila uendi. 17 Kaha uezile na kuambulula muzimbu ua cili ua ciyulo kuli yenu muakele ku lahako, na ciyulo kuli vaze vakele ha hiehi. 18 Muomu kuhitila muli ikeye, etu vivunga vivali, tua zituka mu kuheta kuli Tata mu sipilitu imolika.
19 Ngeci mukemuo, kati naua mu vangendzi ni vantu veka, vunoni mu vakuetu vandambo va kulela, na vakua vusoko vua Njambi, 20 kaha va nami tungu ha luvula lua vapostolo na vapolofeto, kaha Kilistu Yesu co ikeye livue lia mu mbango ya luvula. 21 Mu kulikata nendi, mitamba yose ya ndzivo ina litokakana mua cili kaha ili na kukola na kupua tembele ya kulela ya Yehova.* 22 Mu kulikata nendi, nenu naua vali naku mi tunga hamolika, linga mupue cihela ca kukala Njambi kuhitila mu sipilitu.