Vati Tuhasa Kuivuilila Kuli Njambi?

Njambi ue kuhandeka netu kuhitila mu Mbimbiliya. 2 Timoteo 3:​16

Njambi ua vusunga ua tumine vamala kusoneka visinganieka vieni mu mukanda umolika ua kulela. Ou mukanda ua pua Mbimbiliya. Ya kala na mizimbu ya seho ngeci mukemuo Njambi a yongola ngueni nove u itantekeye.

Njambi a ntantekeya viose via seho vina tupande mua fua ikeye cituta, Nzunzi ya mangana a seho. Mu ku halakana ku vi mamuna vieni, ukakala mpundu na mangana. ​—Visimo 1:5.

Njambi atonda muntu uose ha mavu a tande Mbimbiliya. Ngeci mukemuo vana i soneka mu malimi a engi.

Nga u yongola ku ivuilila kuli Njambi, una pande kutanda Mbimbiliya na ku yuvuisisa muacili.

Vantu kuose kuvali valina kuivuilila kuli Njambi. Mateo 28:19

Vakaleho va Yehova va hasa ku ku kuasa linga nove Mbimbiliya iku lumbunuke muacili.

Vakevo ve kulongesa vusunga hali Njambi ku vantu vose ha mavu.

Kave kufuetesa zimbongo mangana va kulongese. Uasa naua kulilongesa via Njambi ku ndzivo ya Vuangana ya Vakaleho va Yehova yakala muhiehi mu ndandanda yove.