Ku ambuluila ku hiehi na Monrovia, ku Liberia

Vimueso via mu ku Ambulula

●○○ VUNGENDZI VUA KATETE

Cihula: Vuno Mbimbiliya kasi ya kala na seho lelo lino ni?

Mukanda ua mu Mbimbiliya: 2Tim. 3:16

Cihula ca vungendzi vukuavo: Muzimbu uka ua kala mu Mbimbiliya?

○●○ VUNGENDZI VUA KU HILUKILA VUA KATETE

Cihula: Muzimbu uka ua kala mu Mbimbiliya?

Mukanda ua mu Mbimbiliya: Mat. 6:10

Cihula ca vungendzi vukuavo: Vika vu ka linga Vuangana vua Njambi?

○○● VUNGENDZI VUA KU HILUKILA VUA MU CIVALI

Cihula: Vika vu ka linga Vuangana vua Njambi?

Mukanda ua mu Mbimbiliya: Ndan. 2:44

Cihula ca vungendzi vukuavo: Vati mavu a ka aluluka omo vu ka soloka?

Ku putuka mu ngonde ino, ciuano ca mu kati ka simano ka ci ca kala naua na vimueso via mu ku ambulula vitatu via ku liseza. Vunoni, Mukanda ua Viuano via Muono Uetu na Vipanga Vietu u ka kala na vimueso via mu ku ambulula vi ka pua cihula, mukanda ua mu Mbimbiliya, na cihula ca vungendzi vukuavo. Ku ka kala lika video imo ya cimueso mu simano. Vakua ku ambulula va hasa ku lihanguila nkala mukanda ku Mikanda i tue ku Longesa nayo linga va pangese mu vungendzi vua katete ni vungendzi vua ku hilukila. Mu ku vuezako, mukanda ua viuano u ka kala na vimueso via ku simutuila via ku likava. Eci ku simutuila ci ka tu kuasa ku tuala mana ku vutumbe vuetu vua ku longesa “vaze vose va na va tumbuilile muono ka ue ku hua ua ya-ye.”— Vili. 13:48.

Vimpande via Vandongesi: Vandongesi va na pande ku pangesa ku simutuila ca ha vimueso, kuvanga lika nga kuli mizimbu ya mua ku lingila cimpande ni cimueso caco.