“Singimika Iso na Noko”

Yesu mua kele ha mavu, ua tsindikile cikuma ha lisiko: ‘Singimika iso na noko.’ (Ezu. 20:12; Mat. 15:4) Yesu ua kele na vusunga vua ku tsindika aa mezi, muomu ikeye ua “tamunukile” visemi veni tele a cili kanike. (Luka 2:51) Kaha cipue mua kolele, ua lingile cose mu ku tonda iya a niunga vanaye mu nima ya ku-tsa ceni.—Yoa. 19:26, 27.

Na ku matangua ano, Vakua Kilistu va vakuendze ve ku muesa kasingimiko ku visemi vavo, mu ku handeka navo na kasingamiko. Lisiko lia ku singimika visemi vetu ka lia kele na ntsimbu i lia pande ku lenga. Cipue nga visemi vetu va na kulupa, tua pande ku tualelaho ku va singimika mu ku lilongesa ku mangana avo. (Visimo 23:22) Tue ku singimika naua visemi vetu va vakulupe, mu ku va kuasa via ku muvila na ku vimbongo nga citondeka. (1 Tim. 5:8) Njila ya cili ya ku muesa kasingimiko ku visemi vetu ya pua ku simutuila navo ntsimbu yose, cipue nga tu vanike ni vakuluntu.

TALENU VIDEO YA KU TOKA VATI NJI HASA KU SIMUTUILA NA VISEMI VANGE? KAHA KUMBULULENU VIHULA VI NA HATAKO:

• Omo lia vika ntsimbu imo ci hasa ku kaluua ku handeka na visemi venu?

• Vati mu hasa ku singimika visemi venu omo mu handeka navo?

  

• Omo lia vika ca pua ca seho ku simutuila vuino na visemi venu? (Visi. 15:22)