Ku Vueza ku Vutongue Vuetu Vua ku Ambulula—Ku Linga Vihula vi Heta ku Mutima

SEHO YA KALAHO: Nga visinganieka ni “zinguli mu mutima ua yala zi na fu ngue mema a ku lova,” kaha vihula via pua ngue ciyenjo ca ku a tekuisa. (Visi. 20:5) Vihula vie ku tu kuasa ku heta ku mitima ya vakua ku tu halakana. Kaha vikumbululo viavo vie ku tu kuasa ku va tantekeya vuino. Yesu ua lingile vihula via ku tuva ku mutima. Vati tu hasa ku mu tambuluisa?

VATI TU HASA KU LINGAMO:

• Hulenu vika a singanieka muntu. Yesu ua lingile vihula ku vandongesi veni mu ku tantekeya vika via kele mu mitima yavo. (Mat. 16:13-16; be 238 ¶3-5) Vihula vika mu hasa ku linga mu tantekeye visinganieka via muntu?

• Hulenu mu ku sungamesa muntu. Linga Yesu a sungamese visinganieka via Petulu, ua lingile vihula kaha na ku mu kumbulula mu njila ya lingisile Petulu ku sungamesa singanieka vieni. (Mat. 17:24-26) Vihula vika mu hasa ku linga mu ku kuasa muntu ku sungamesa visinganieka vieni?

• Sangalenu muntu i muli na ku simutuila neni. Yesu ua sangalele “mukua ku soneka” mua kumbuluile vuino. (Mako 12:34) Vati mu hasa ku sangala muntu na kumbulula vuino cihula?

TALENU MUTAMBA UA KATETE UA VIDEO LINGENU CIPANGA CA LINGILE YESU—LONGESENU, KAHA KUMBULULENU VIHULA VI NA HATAKO:

• Omo lia vika eci cimueso kati lungano lua cili lua ku longesa, vutuhu na handeka muzimbu ua ku sungama?

• Viuma vika vikuavo tua pande ku linga kati ku lombolola lika muzimbu?

TALENU MUTAMBA UA MU CIVALI UA VIDEO, KAHA KUMBULULENU VIHULA VI NA HATAKO:

• Vati muanetu ua lingile vihula via ku heta ku mutima?

• Viuma vika vikuavo tu hasa ku tambuluisa ku ku longesa ceni?