MUTAMBA 3
Vati Muono ua Puile mu Citungu?
Yehova ua hele Andama na Eva viuma via vingi via cili. Njenisisi 1:28
Yehova ua tungile Eva, mpuevo ua katete, kaha ua muhele kuli Andama mu kupua mpuevo yeni.—Njenisisi 2:21, 22.
Yehova ua vatangele na mivila na visinganieka via ku tantuluka, na kapenga kahi.
Kaha limbo liavo lia puile citungu ca Endene—cihela ca ku viuka muakama muakele vindonga, miti ya vusuka ya cili na tusitu.
Yehova ua handekele navo, na kuva mamuna. Nga vamu halakanene nga vayoyele miaka yose mu citungu ha mavu.
Njambi ua va sikile ngueni kati valie ku vusuka vua umo muti ua kele mu citungu. Njenisisi 2:16, 17
Yehova ua lekesele va Andama na Eva vusuka vua umo muti mu citungu kaha ua va sikile ngueni nga mu ka liako, mu katsa.
Kua kele umo kangelo ua alulukilile Njambi. Ou kangelo uaco ikeye Satana Ndiavu.
Satana ka yonguele linga Andama na Eva vononoke kuli Njambi. Kaha mukemuo ua likuasesele linoka mu kuonga Eva ngueni nga ua lile ku vusuka vua uze muti, kali katsa, vunoni a ka pua ngue Njambi. Satana ua vongele.—Njenisisi 3:1-5.