CILONGESA 19

Ku Heta ku Mutima

Visimo 3:1

VITONDEKA: Kuasenu vakua ku mi halakana va mone seho ya muzimbu na ku pangesa vize vi va lilongesa.

Kuasenu vakua ku mi halakana va lihilule muntu ku muntu. Katulenu vihula vi kuasa vakua ku halakana ku singanieka na ku lihilula vavene.
Sambeyenu vutumbe vuavo vua cili. Kuasenu vakua ku mi halakana va hilule omo lia vika ve ku panga via cili. Sambeyenu vutumbe vuavo vua kama vua pua—ku lema Yehova, vakuavo vantu, na vilongesa via Mbimbiliya. Hilulenu navo va mone vukama vua mana a mu Mbimbiliya. Mu cihela ca ku va vuisa ntsoni ni ku livua mulonga va kaniamesenu ku ntsongo ya cimpande cenu va lihakele kapandi ka ku linga via cili.
Va lingisenu ku singanieka hali Yehova. Tsindikenu vilongesa via Mbimbiliya, vitume viayo, na masiko eni viose via muesa cilemo ceni kuli yetu. Sambeyenu vakua ku mi halakana va singanieke ha vati Yehova ue ku livua linga va mu ye ku mutima.

Kati mu suve ngecize Yehova ikeye ue ku koka vantu. Pangesenu Lizi lieni mu ku sambeya cizango ca vakua ku halakana.