Ku Muesa Liano

Vati Paulu ua Lingile

VIDEO: Paulu Ambuluila kuli vakua Atena

1. Talenu VIDEO, ni tandenu Vilinga 17:22, 23. Kaha hilulenu ha vihula vi na hatako:

1. Vati Paulu ua livuile omo ua muene ku lemesa ca makuli ca sulile mu nganda ya mu Atena? Talenu—Vilinga 17:16.

2. Mu cihela ca ku hisa vakua Atena, vati paulu ua muesele liano mu ku pangesa viuma vi va tsilielele vakua Atena ku pua vuhitilo vua ku va ambuluila muzimbu ua cili?

Vi tu Lilongesa kuli Paulu

2. Vantu va hasa ku kala na cizango ca ku tu halakana nga tu hangula mua cili mezi etu na cifua ci tu a handekelamo kaha na ntsimbu i tu a handeka.

Tambuluisenu Paulu

3. Puenu na ku hangula mezi a heta ku mutima. Ca ku muenako, omo mu simutuila na muntu ka tantekeya na vimo viahi ku tuala hali Yesu na Mbimbiliya, muesenu liano omo mu handeka via Mbimbiliya ni via Yesu.

4. Kati mu kale na vuasi vua ku sungamesa muntu. Muecelenu a livue ku zituka mu ku handeka, nga a handeka vimo vie ku liluisa na vize vi ya handeka Mbimbiliya, lisimpitikenu linga kati mu kandule vimpata. (Tia. 1:19) Mu ku mu halakana mua cili mu ka hasa ku nongonona cifua ce ku muenamo viuma.—Visi. 20:5.

5. Tavenu vihandeka via muntu kaha na ku mu sangala. Muntu a hasa ku tsiliela na mutima ueni uose ngecize vilongesa via vulombelo vueni via pua via vusunga. Setekenu ku nongonona ku vika mua litombola, kaha kavundende kavundende, mukuasenu kuivuisisa vi ya longesa Mbimbiliya.