“Mezi aa . . . A ka Kala ha Mutima Uove”

Visemi va pua ngue tuniungi, ngeci va na pande ku lela vuino vana vavo, muomu ve ku hungumuka vuasi kaha va vasi ku va takala. (Visi. 27:23) Vati visemi va hasa ku puisamo a ka kapandi kavo? Va na pande ku uana ntsimbu ya ku kala na vana vavo va simutuile navo, linga va tantekeye vili mu mitima yavo na visinganieka viavo. (Visi. 20:5) Visemi va na pande ku tungisa viuma ka vie ku uema linga va kolese lutsilielo lua vana vavo. (1 Kol. 3:10-15) Linga vakua ndzivo va hase ku puisamo ovu vutumbe vuaco va na pande ku lemesa mu vusoko, talenu video “Mezi aa . . . a ka Kala ha Mutima Uove” mu vose ha ndzivo, kaha simutuilenu ha vihula vi na hatako.

(1) Vika via lingisile vakua ndzivo ya Tomas ku zeya mu lutsilielo? (2) Vika via lingisile ku lemesa ca vakua ndzivo ya muanetu Tomas kua pua liuayanga ha katete? (3) Lihungu lika lia mu Mbimbiliya lia kala na ntsindo mu ku lela vana? (Ndeu. 6:6, 7) (4) Viuma vika vi hasa ku vueza ku ku simutuila ca cili ha ndzivo? (5) Vana va tonda visemi va lihakele kapandi kaka? (6) Vati muanetu Martins na mpueyeni va kuasele vakua ndzivo ya Loma? (Visi. 27:17) (7) Vika na pande ku livanga ku linga mutue ua ndzivo, linga ku lemesa mu vusoko cende vuino? (8) Vika ua lingile muanetu Tomas linga viuma viende vuino ha ndzivo? (9) Omo lia vika ku lemesa mu vusoko ca pande ku kalako ku sua kumo? (Efe. 6:4) (10) Viuma vika tu hasa ku lilongesa ni ku linga mu ku lemesa ca mu vusoko? (11) Vutuhu ua handekele mu civuovuo, vati muanetu Tomas ua muesele ku simpa mu ku kuasa Marku a mone seho ya ku linga via cili? (Yele. 17:9) (12) Vati muanetu Tomas na mpueyeni va kuasele muanavo Rebeka a hilule ha vusamba vueni na Justino? (Mako 12:30; 2 Tim. 2:22) (13) Vati muanetu Tomas na mpueyeni va muesele lutsilielo mu va aluluile cifua ca muono uavo? (Mat. 6:33) (14) Vati eyi video ya muesa ngecize nkala mutue ua ndzivo na pande ku tuamenena vakua ndzivo yeni mu lutsilielo? (1 Tim. 5:8) (15) Kapandi kaka mu na lihakela enu mitue ya vindzivo?

KU MITUE YA VINDZIVO: Ovu vueho va vu muesele ku ciuano ca muhato mu 2011. Mu ntsimbu ize mua muene haka mua pandele ku sungamesa mu ku lemesa cenu mu vusoko ni? Amba ntsimbu ino co? Nga kasi kuli hamo ha mua pande ku pangela, vundilenu na ku pangelaho linga mu kuase vakua ndzivo yenu va uane ku vezika ca ya-ye.—Efe. 5:15-17.