Zangamenu na Visoti via Cihindu vie ku Tungumuna

Omo lia vika tua pande ku liviukisila? Visoti via cihindu vi hasa ku tu solokela mu ku tungumuna. Ngeci mukemuo, ntsimbu kanda visoti viaco vi mi solokele, lingenu cose mu ku ononoka ku vimamuna vi tue ku tambula mu lukungulukilo mu ku mi kuasa mu tambule sakesi ya cili. Ku lingamo, mu ka muesa ngecize mua singimika muono na lisiko lia Yehova ku tuala ha maninga.—Vili. 15:28, 29.

Vati mu hasa ku liviukisila?

• Vundilenu kuli Yehova na ku soneka cihangula cenu ha lipapelo li va tava vakua masiko li va tumbula nguavo Instruções e Procuração para Tratamento de Saúde (DPA).a Vakua ku ambulula va ku mbatiza va hasa ku lomba lipapelo liaco kuli muanetu ua tala via mikanda. Kaha visemi va hasa ku tambuila vana vavo lipapelo lia vukaleho

• Nga muli na mivila ivali, lombenu vakuluntu va mi hane lipapelo lia Muzimbu ku Tuala ha Vampuevo Vali na Mivila Ivali (S-401). Lipapelo liaco li ka mi kuasa ku linga vihangula via cili ku tuala ha visoti vi hasa ku mi solokela ntsimbu muli na mivila ivali ni ha ntsimbu ya ku sulumuna

• Nga mu tondeka imo sakesi halumo i ka tondeka ku pangesa maninga ni ku kala mu sipitali, lekenu vua lumo vakuluntu mu cikungulukilo kaha na ku leka vakua sipitali nguenu va ka mi meneka kuli umo Mukaleho ua Yehova

Vati vakuluntu va hasa ku kuasa? Va hasa ku mi kuasa ku soneka DPA yenu. Vunoni vakuluntu ka va ka mi lingila vihangula ku tuala ha sakesi, ni ku handeka visinganieka viavo ku tuala ha viuma vi mua pande ku lihanguila enu vavene. (Loma 14:12; Ngal. 6:5) Nga mu leka vakuluntu nguenu vandotolo va tonda ku mi saka mu cifua cize halumo ci tondeka ku pangesa maninga, vakuluntu va ka sana vuasi-vuasi vamuanetu vakua Ndzango ya Tala via Cihindu linga va mi kuase.

Vati vakua Ndzango ya Tala via Cihindu va hasa ku kuasa? Vamuanetu vaco va va longesa ku kuasa vakua sipitali vevuisise cihangula cetu ku tuala ha maninga. Va hasa ku simutuila na ndotolo ku tuala ha sakesi ka ye ku tondeka ku haka muntu maninga. Nga ci tondeka, va hasa ku mi kuasa ku uana ndotolo uze a singimika cihangula cenu.

TALENU VIDEO MUA KU LINGILA VIHANGULA VIA CILI KU TUALA HA SAKESI YA LIKUATA NA MANINGA, KAHA KUMBULULENU VIHULA VI NA HATAKO:

• Vika mua lilongesa mu video vi mi kuasa ku liviukisila vua lumo nga va ka tonda ku mi haka maninga?

  Your answer