VUPITE VUA MU LIZI LIA NJAMBI
Tondesesenu Vati Njambi ue ku Muenamo Viuma
Tua tonda kuya Njambi ku mutima mu viose vi tue ku linga. (Visi. 27:11) Linga tu hase ku lingamo, tua tondeka ku linga vihangula vize vi muesa visinganieka via Yehova ambe nga ka kuesi mpundu limo lisiko li tu tuamenena. Vika vi hasa ku tu kuasa ku lingamo?
Puenu na ku lilongesa Mbimbiliya ntsimbu yose. Ntsimbu yose i tue ku tanda Mbimbiliya, tue ku kala na Yehova. Tu hasa ku tantekeya vati Yehova ue ku muenamo viuma mu ku mona vati ua niungile vangamba veni ku laza, na ku hilula malungano a vaze va lingile via cili ni via vipi ku meso a Yehova. Ngeci mukemuo, nga tu tondeka ku linga cimo cihangula, sipilitu santu i hasa ku tu kuasa ku vuluka vilongesa via seho na vitume vi tua lilongesele mu Lizi lia Njambi.—Yoa. 14:26.
Puenu na ku tondesesa. Nga mu heta ha ku linga cimo cihangula, lihulenu nguenu: ‘Vinimbu na mizimbu ika ya mu Mbimbiliya i hasa ku nji kuasa kuivuisisa vati Yehova a hasa ku livua ku tuala ha cihangula caco?’ Vundilenu vukuasi vua Yehova, kaha pangesenu vikuata via ku tondesesa navio via kalako mu lilimi lienu vi mi kuase ku uana vitume via mu Mbimbiliya via litombola na cihangula cenu.—Visa. 25:4.
TALENU VIDEO TUA PANDE KU ‘TUNTA NA LUKAKATELA’—LIENU VIA KULIA VIE KU KUASA KU CIHINDU, KAHA KUMBULULENU VIHULA VI NA HATAKO:
Ntsindiye ika ua lihitile nayo ndumbuetu u tua mono mu video?
Vati mu hasa ku pangesa vikuata via ku tondesesa navio mu ku mi kuasa kulua na ntsindiye?
Vati ku tondesesa na ku lilongesa mu vulika ci hasa ku tu kuasa ku linga vihangula via cili?—VaHe. 5:13, 14