Vizango Vika mua Lihakela mu Muaka ua uha ua Vipanga?

Vizango via mu lutsilielo via pua viose vi tue ku lihakela kapandi ka ku vi puisamo linga tu pangele Yehova na mutima uose na ku mu vuisa ndzolela. Vizango viaco vie ku tu kuasa tu pue Vakua Kilistu va kuhia mu lutsilielo. Kaha linga tu vi puisemo tua pande ku pangesa ntsimbu na ndzili yetu. (1 Tim. 4:15) Omo lia vika tua pande ku hilula ha vizango vietu ntsimbu yose? Muomu muono ue ku aluluka. Halumo ka tu hasa naua ku puisamo cimo cizango ci tua lihakelele, ni halumo tua puisamo laza cimo cizango kaha tu tondeka ku lihakela cikuavo.

Ntsimbu ya cili ya ku hilula ha cizango ya pua ntsimbu kanda tu kovele mu muaka ua uha ua vipanga. Mu hasa ku vi simutuila mu ku lemesa ca mu vusoko kaha na ku litumbikila vizango muntu ku muntu mu vusoko.

Vizango vika vi mua lihakela ku tuala ha viuma vi na hatako, kaha vika mua pande ku linga mangana mu vi puisemo?