KU YOYA CETU VAKUA KILISTU
Yehova Ohiela Vaze va li na Cimbembesi ca ku Vavala
Tu vose, vintsimbu vimo tue ku ivua vusiua. Nga tu ivua vusiua ka ca lombolokele ngecize ka tua tsilielele muli Yehova. Muomu ambe vene Yehova vintsimbu vimo neni ua vuile vusiua. (Njen. 6:5, 6) Vunoni vika tua pande ku linga nga tuli na ku ivua vusiua vua kama?
Vundilenu Yehova a mi kuase. Yehova ua haka seho ku cifua ci tue ku livuilamo. A tantekeya nga tuli mu ndzolela ni mu vusiua. Ue ku ivuisisa visinganieka vietu na cifua ci tue ku livuilamo. (Visa. 7:9b) Cikuavo naua, Yehova ua tu haka seho kaha ue ku tu kuasa ku lua na vusiua ni vene vuvezi vua litima.—Visa. 34:18.
Niungenu visinganieka vienu. Vusiua ka vue ku tu punda lika ndzolela, vunoni vue ku kuata naua ku vusamba vuetu na Yehova. Ngeci mukemuo, tua pande ku niunga mutima uetu, ni nguetu, visinganieka vietu.—Visi. 4:23.
TALENU VIDEO VATI VAMUANETU VALI NA KU LIKUUA CIYULO VUTUHU VE KU VAVALA LITIMA, KAHA KUMBULULENU VIHULA VI NA HATAKO:
Vika ua lingile ndumbuetu Nikki via mu kuasele ku lua na litima?
Omo lia vika ndumbuetu Nikki ua muene ngueni ua tondekele ku mu saka?—Mat. 9:12
Vati ndumbuetu Nikki ua kulahelele mu vukuasi vua Yehova?