Mua ku Kolesela nga mu Hita mu Vuhenge

Tandenu Njenisisi 37:​23-28; 39:​17-23 mu lilongese via muzimbu ua Yosefe mua kolesele mu vuhenge.

Hilulenu muzimbu uose. Omo lia vika vantu va muesele Yosefe vuhenge? (Njen. 37:​3-11; 39:​1, 6-10) Mu ntsimbu ingahi Yosefe ua pandele ku kolesa mu vuhenge vuaco? (Njen. 37:2; 41:46) Vika Yehova ua lingilile Yosefe mu ntsimbu yaco? Kaha vika ka mu lingilile?—Njen. 39:​2, 21; w23.01 17 ¶13.

Tondesesenu muzimbu uose. Mbimbiliya ka ya handekele nguayo Yosefe ua lihakuilile mu va mu vangeyele kuli mpuevo ya Potifale. Vati mikanda i na hatako, i tu kuasa ku hilula omo lia vika Yosefe halumo ua holokele lika? Ni omo lia vika ka tua pandele ku lavelela nguetu, va tu soluele mizimbu yose? (Visi. 20:2; Yoa. 21:25; Vili. 21:37) Vifua vika halumo via kuasele Yosefe mu vuhenge vua hitile?—Mika 7:7; Luka 14:11; Tia. 1:​2, 3.

Vika mua lilongesaho? Lihulenu nguenu:

• ‘Vuhenge vuka nji hasa ku hita omo lia ku pua ndongesi ya Yesu?’ (Luka 21:​12, 16, 17; VaHe. 10:​33, 34)

• ‘Vati nja pande ku liviukisila mu ntsimbu ino, linga nji ka hase ku kolesa mu vuhenge?’ (Visa. 62:​7, 8; 105:​17-19; w19.07 2-7)