4. Vulenu vilinga via ku vihia

Nga mue ku sipa ni ku pangesa vidroga, citava mu tantekeya ku kaluua ca kala ha ku likela vilinga viaco. Vika vi hasa ku kuasa? Hilulenu vati vilinga viaco vie ku kuata ku muono uenu. Tandenu Mateo 22:37-39, kaha simutuilenu ha vati ku sipa ni ku fuenia vidroga ce ku kuata  . . .

• ku vusamba vua muntu na Yehova.

• ku vavusoko vueni na vantu veka.

Lingenu vutumbe vua ku likela cilinga ca ku vihia.b Talenu VIDEO.

VIDEO: Puenu Vakua ku Lipokuesa (2:47)

Tandenu Filipu 4:13, kaha simutuilenu ha cihula eci:

• Vati ku kala na cizilila ca ku vundila, ku lilongesa Mbimbiliya na ku kunguluka vi hasa ku hana muntu ngolo ya ku vula cilinga ca ku vihia?

5. Vianenu visinganieka na vilinga via mazilo

Tandenu Kolose 3:5, kaha simutuilenu ha vihula evi:

• Vati tua tantekeya ngecize ku tala via vuntselentsele, ku lituma mizimbu ya mazilo na ku linga mututa via pua vilinga via mazilo ku meso a Yehova?

• Mu ku mona cenu, vuno Yehova ua kala na vusunga vua ku lavelela ngecize tu pue va ku lela ni? Omo lia vika?

Tantekeyenu mua ku vulila visinganieka via mazilo. Talenu VIDEO.

VIDEO: Lingenuko Mumo Linga mu Tualeleleho ku Lela (1:51)

Yesu ua tele cimo cisimo ca muesa ngecize tua pande ku lingako mumo, linga tu tualeleleho ku pua va ku lela. Tandenu Mateo 5:29, 30, kaha simutuilenu ha cihula eci:

• Aa mezi a Yesu ka a muesele ngecize tua pande ku livulumuna ku muvila mpundu, vunoni a muesa ngecize tua pande ku lingako mumo ku tuala ha vilinga via ku vihia. Vika a hasa ku linga muntu mu ku liniunga ku vilinga via mazilo?c

Nga muli na ku lihakela kapandi ka ku vula visinganieka via mazilo, tantekeyenu ngecize Yehova ua haka seho ku kapandi kenu. Tandenu Visamo 103:13, 14, kaha simutuilenu ha cihula eci:

• Nga muli na ku lihakela kapandi ka ku vula cimo cilinga ca mazilo, vati eci cinimbu ci hasa ku mi kuasa ku tualelelaho ku lihakela kapandi kaco?

Mua lumo kati mua luvali!

Nga tua uila naua mu cimo cisevuka cetu, ca casi ku singanieka nguetu: ‘Muzeni ka nji hasa naua.’ Aci singaniekenu hali evi: Mukua ku tunta mu vueho vua laha nga nau, ka ca lombolokele ngecize ka hasa naua ku vula, ni na pande ku hilukila ku vuputukilo houe. Na vuno vene, nga mu na uila naua lueka mu cisevuka cenu, kati mu singanieke ngecize ka mu hasa naua ku vula, houe. Ni ngecize kapandi kose ka mua lihakela ka nai mu ngoco houe. Mu ku vula vimo vilinga, mua kala ku sevuka vene. Ngeci mukemuo, kati mu hilukile mu nima! Na vukuasi vua Yehova mu hasa ku vula cilinga ca mazilo.

6. Vulenu citanga ca ku nua mua kama

VIDEO: ‘Cifua ca Muono Uange ca nji Futukile’ (6:32)

• Mu video, vati ku nua ca kuatele ku vilinga via Dmitry?

• Vuno ua hasele ku likela ku nua mu litangua lia ngongo ni?

• Vati ua hasele ku patuka ku ku tenguka ceni?

Tandenu 1 Kolintu 6:10, 11, kaha simutuilenu ha vihula evi:

• Vuno ku penda ca pua vupi vua kama ni?

• Vika via muesa ngecize mukua ku penda a hasa ku aluluka?

Tandenu Mateo 5:30, kaha simutuilenu ha cihula eci:

• Ku teta livoko ca muesa vukama vua viuma vi tu hasa ku linga mangana tuye Yehova ku mutima. Nga mue ku pinda na citanga ca ku nua mua kama, vika mu tava ku linga mangana mu vule citanga caco?a

Tandenu 1 Kolintu 15:33, kaha simutuilenu ha cihula eci:

• Ngolo ika va hasa ku kala nayo vavusamba ku tuala ha ku nua cenu?