Cimona ce ku Kaniamesa Lutsilielo

9:1-7

Aci singaniekenu vati Yesu ua lizivile, ha ku lihimpula ceni, mua vuile Ise ua muilu a handeka ngueni ua mu lema. Mua vusunga evi via simpisile Yesu vutuhu ue ku hitile mu lamba. Eci cimona ca hanene naua ndzili kuli Petulu, Tiango na Yoano. Cikeco naua ca va hanene vusunga ngecize Yesu ua puile mpundu Mesiya, ngeci va pandele ku mu ononoka. Mu nima ya miaka 32, Petulu kasi ua vulukile eci cimona kaha cimona caco ca kaniamesele lutsilielo lueni mu “lizi lia vupolofeto.”​—2Pet. 1:16-19.

Vutuhu ka tua keleko mu ca solokele eci cimona, vunoni tu li na ku limuena ku lipuisamo caco. Lelo, Yesu a li na ku sika mu ku pua Muangana ua ngolo. Vuovuno a ka “hiana” ni ku vula ndzita ya Alemangendo na ku sokolola njila i tuala mu mavu a aha a vuviuke.​—Ku-So. 6:2.

Vati lutsilielo luenu lua kaniama mu ku mona ku lipuisamo ca vupolofeto vua mu Mbimbiliya?