CILONGESA 32

Vuangana vua Njambi Vuli na ku Sika!

Cifua ci ua Tuhukilamo

Vuangana vua Njambi vua putukile ku sika muilu mu 1914. Mu muaka uaco mukemuo mu a putuka matangua a ku kotokela a ku sika ca vantu. Vati tua tantekeyamo? Tu hilulenu vumo vupolofeto vua mu Mbimbiliya na viuma vili na ku soloka hano ha mavu, kaha na vifua vi vali na ku muesa vantu tunde mu 1914.

1. Vika vua muesa vupolofeto vua mu Mbimbiliya?

Mu Mbimbiliya livulu lia Ndaniele lia muesa ngecize Vuangana vua Njambi, vue ku putukile ku sika ku ntsongo ya imo ntsimbu i va tumbula nguavo, “zintsimbu zitanu na zivali.” (Ndaniele 4:16, 17) Mu nima ya vihita via miaka, Yesu ua lukile naua ntsimbu yaco ngueni: “Zintsimbu zia vakua vifuti.” Kaha ua muesele ngecize ku ntsimbu ize, vintsimbu viaco tele kanda vi ci hue. (Luka 21:24) Ngue mu tu lilongesa, vintsimbu viaco via huile mu 1914.

2. Vika via soloka ha mavu kaha vifua vika ve ku muesa vantu tunde mu 1914?

Yesu va mu hulile ku vandongesi veni nguavo: “Tu leke, muaka uka viuma evi vi keza? kaha na citantekeyeso cika tu ka tantekeya naco ku-iza cove?” (Mateo 24:3) Yesu ua va kumbuluile mu ku va lekesa viuma via vingi vie ku solokele ha ntsimbu ye ku putukile ku sika muilu mu ku pua Muangana ua Vuangana vua Njambi. Vimo vitantekeyeso viaco, via puile vindzita, vindzala na mandunduma. (Tandenu Mateo 24:7.) Mbimbiliya ya polofetele naua ngecize ku “matangua a ku kotokela” vifua vi ve ku muesele vantu vie ku lingisile muono ku pua ua “ku kaluua.” (2 Timoteo 3:1-5) Evi viuma na vifua via vantu, vie ku lisolola ha toma tunde mu 1914.

3. Omo lia vika viuma vi na vihia cikuma ha mavu tunde ha vua putukila ku sika Vuangana vua Njambi muilu?

Yesu mu va mu tumbikile ha Vuangana vua Njambi muilu, ua hitisilemo lika kantsimbu ka kandende, kaha ua lingile ndzita na Satana na vandemone veni. Satana va mu vulile. Mbimbiliya nguayo: “Va mu mbilile ha mavu, na tungelo veni va va mbilile hamo neni.” (Ku-Solola 12:9, 10, 12) Satana ali na vutenu vua kama muomu na tantekeya ngecize va ka mu nongesa. Ngeci ali na ku koka liuayanga na lamba mu mavu ose. Evi, vikevio via lingisa mavu ku vihia ngecize! Vunoni vuangana vua Njambi tangua vu ka tundisako visoti viose evi.

TANTEKEYENU VIKUAVO

Hilulenu vati tua tantekeya ngecize vuangana vua Njambi vua putukile ku sika mu 1914, na vati ku sika cavo ca likuata netu.

4. Vintsimbu vi va tumbula mu Mbimbiliya vie ku sungama ha 1914

Talenu VIDEO.

VIDEO: Vuangana vua Njambi vua Putukile ku Sika mu 1914 (5:02)

Njambi ua tumine cimo cilota ca vupolofeto kuli Muangana Nevukaneza ua ku Mbambilone ya laza. Cilota caco na cifua ca ci lomboluelelemo Ndaniele, ca muesa ngecize ca likuatele na ku sika ca Nevukaneza, kaha na Vuangana vua Njambi naua.—Tandenu Ndaniele 4:17.a

Tandenu Ndaniele 4:20-26, kaha pangesenu cikasa mu ku kumbulula vihula vi na hatako:

(A) Vika ua muene Nevukaneza mu cilota ceni? Talenu vinimbu 20 na 21.
(B) Vika vie ku solokelele muti uaco?

—Talenu cinimbu 23.
(C) Vika vie ku solokele ku ntsongo ya “zintsimbu zitanu na zivali”?—Talenu cinimbu 26.

Ku likata ca kala ha Cilota ca Muti na Vuangana vua Njambi

VUPOLOFETO (Ndaniele 4:20-36)

Ku sika

(A) Muti ua kama

Ku sika va ci vatuisilile ha kati

(B) “Lengenu muti,” “noho zintsimbu zitanu na zivali zia mu pitilako”

Cimbundi va na ci kutu na lilienge lia vutale na lia nkengelezi.

Ku sika va ci hiluisile naua

(C) ‘Vuangana vuove vu ka pua vuove naua’

Omo vupolofeto vuaco vua lipuisamo ha katete . . .

(D) Iya uemanenene muti?—Talenu cinimbu 22.
(E) Vati vuangana vueni va vu vatuisilile?—Tandenu Ndaniele 4:29-33
(F) Vika via solokelele Nevukaneza ku ntsongo ya “zintsimbu zitanu na zivali”?—Tandenu Ndaniele 4:34-36.

KU LIPUISAMO CA KATETE

Ku sika

(D) Nevukaneza, Muangana ua Mbambilone

Muangana Nevukaneza na mana na ku lihalesa.

Ku sika va ci vatuisilile ha kati

(E) Mu nima ya muaka 606 T.K.K.E., Nevukaneza ua zalukile kaha ka hasele ku sika mu miaka 7 mpundu

Nevukaneza na kosa ha mavu kaha ali na ku lia muila ngue kasitu.

Ku sika va ci hiluisile naua

(F) Nevukaneza ua hilukile mu vuhungue na ku putuka ku sika lueka naua

Muangana Nevukaneza na tala muilu kaha na zangumuna mavoko na ku a talekesa muilu.

Omo vupolofeto vuaco vua lipuisilemo lua mu civali . . .

(G) Iya uemanenene muti?—Tandenu 1 Mizimbu 29:23.
(H) Vati vuangana vueni va vu vatuisilile ha kati? Vati tua tantekeya ngecize ambe Yesu muezile hano ha mavu vuangana vuaco kasi tele vua ku vatuisila?—Tandenu Luka 21:24.
(I) Ntsimbu ika kaha ku cihela cika ou vuangana vua putukile ku sika naua?

KU LIPUISAMO CA MU CIVALI

Ku sika

(G) Vamiangana vaIsaleli vaze vemanenene ku sika ca Njambi

Vamiangana vaIsaleli vali ha vituamo via vuangana. Kaha ceke ca muilu ci na va tuila.

Ku sika va ci vatuisilile ha kati

(H) Yelusalema va i nongesele, eci ca vatuisilile ha kati ku sika ca vamiangana va vaIsaleli mu miaka 2.520

Tuhia tuli na ku nongesa Yelusalema ya laza mu muaka ua 607 T.K.K.E., mu nima ya ku hita ca miaka, 2.520.

Ku sika va ci hiluisile naua

(I) Yesu ua putukile ku sika muilu mu ku pua Muangana ua Vuangana vua Njambi

Yesu ali na ku sika mavu ku tundilila muilu tunde mu 1914, T.K.N, kaha ceke ci na mu tuila.

Zintsimbu zitanu na zivali zia ambatele ntsimbu ingahi?

Imo mitamba ya mu Mbimbiliya ye ku tu kuasa ku ivuisisa mitamba ikuavo. Ca ku muenako, livulu lia ku Ku-Solola lia handeka ngualio vintsimbu vitatu na mutamba, via pua matangua 1.260. (Ku-Solola 12:6, 14) Kaha nga tu hilukila eyi ntsimbu luvali, i tu hana vintsimbu vitanu na vivali, ni nguetu, matangua 2.520. Mu Mbimbiliya vintsimbu vimo litangua liemanena muaka. (Ezekiele 4:6) Ngeci mukemuo, vintsimbu vitanu na vivali vi va tumbula mu livulu lia Ndaniele viemanena miaka 2.520.

5. Mavu a na aluluka tunde mu 1914

Talenu VIDEO.

VIDEO: Mavu a na Aluluka Tunde mu 1914 (1:10)

Yesu ua polofetele viuma vie ku solokele ha mavu mu nima yeni ku pua Muangana. Tandenu Luka 21:9-11, kaha simutuilenu ha cihula eci:

Ku tuala hali evi viuma via tandangele Yesu, vika mua livuilaho ni ku limuenaho na meso?

Kapostolo Paulu ua tumbuile vifua vi va ka muesa vantu ku matangua a ku kotokela ka ku sika ca vantu. Tandenu 2 Timoteo 3:1-5, kaha simutuilenu ha cihula eci:

Nenu mua monaho laza vantu va muesa evi vifua ni?

Vikupulo via litokakana: Vikupulo via muesa cifua ca mavu ku matangua a ku kotokela na vilinga via vantu. 1. Umo mukuluntu ua masualele nemana ha mutula, ali na ku tambakana, kaha vantu veni co va nemika mavoko. 2. Vindzivo vi na lundumuka mu nima ya lindunduma. 3. Vindeke via masualale. 4. Civunga ca vantu va na zala tunguua ku kanua kaha va li na ku enda. 5. Vindzivo via ku lifua via laha via mu Nova York vi na suama lituhia mu nima ya vakua ku luisa nguvulu ku takala. 6. Umo yala ali na ku lituva vidroga. 7. Umo yala ali na ku tiavuokela mpueyeni kaha a tonda ku mu pupa. 8. Vuala na vidroga via ku liseza-seza. 9. Vampuevo vavali va na zala vuzalo vua tuhuka vuovuno na viuma via ku lilenga navio kaha vali na ku linona vikupulo. 10. Umo mukua kuimba ali na kuimbila vantu ku cimo cilika. 11. Umo mukua ku koka liuayanga ali na kuasa ngalafa ya tuhia.

6. Ku sika ca Vuangana vua Njambi ca pande ku tu vuisa cizango ca ku lingako mumo

Tandenu Mateo 24:3, 14, kaha simutuilenu ha vihula evi:

Cipanga cika ca seho ca muesa ngecize Vuangana vua Njambi vuli na ku sika mu ntsimbu ino?
Vati nenu mu hasa ku kuasa ku cipanga caco?

Vuangana vua Njambi vuli na ku sika mu ntsimbu ino vene, kaha litangua li vu ka putuka ku sika ano mavu li li mu hiehi. Tandenu VaHevelu 10:24, 25, kaha simutuilenu ha cihula eci:

Vika tua pande ku linga muntu ku muntu omo tu mona litangua lize “li li na ku suena ku hiehi”?

Vikupulo via ku litokakana: 1. Umo ndongesi ua Mbimbiliya ali ku ciuano ca Vakaleho va Yehova. 2. Ndongesi uaco ali na ku ambuluilako vandambo. — Nga mua tantekeyele imo mizimbu ye ku kuasele vakuenu na ku ovola miono yavo, vati mu ne ku linga?

VAMO VE KU HULA NGUAVO: “Omo lia vika Vakaleho va Yehova ve ku handekela mua kama via muaka ua 1914?”

Vati mu kumbulula?

VI MU NA LILONGESA

Vintsimbu vi va tumbula mu Mbimbiliya, vupolofeto kaha na viuma vili na ku soloka ha mavu, via muesa ngecize Vuangana vua Njambi vuli na ku sika mu ntsimbu ino vene. Tue ku muesa ngecize tua tsiliela nguetu Vuangana vua Njambi vuli na ku sika mu ku ambulula na ku kunguluka ntsimbu yose.

Mpupulule

Vika via solokele ku ntsongo ya vintsimbu vitanu na vivali va va tumbula mu livulu lia Ndaniele?
Vika via mi tavesa ngecize Vuangana vua Njambi vua putukile mpundu ku sika mu 1914?
Vati mu hasa ku muesa nguenu mua tsiliela ngecize Vuangana vua Njambi vuli mpundu na ku sika?

Cino cilongesa nji na ci manusula lia:

Lingenu Evi

Puisenumo vinanga vi tondeka mu ku pua mukua ku ambulula muzimbu ua cili.

Vikuavo:

Vikuavo vi mu hasa ku linga

KONKENUHO

Tantekeyenu vi ve ku handeka vakua mizimbu na vakuavo ku tuala ha ku aluluka ca viuma tunde mu 1914.

“O tempo em que a moral foi corrompida drasticamente” (Despertai!, de Abril 2007)

Tantekeyenu vati vupolofeto vua ku Mateo 24:14, ua aluluile muono ua umo yala.

“Nja Lemene Beisebal ku Hiana Viuma Viose!” (Vutala vua Kaniungi No. 3 2017)

Vati tua tantekeya ngecize vupolofeto vua ku Ndaniele kapitulu 4 vua handeka via Vuangana vua Njambi?

“Ntsimbu ika Vuangana vua Njambi vua Putukile ku Sika? (Mutamba 1)” (Vutala vua Kaniungi, 1 ya Outubro ya 2014)

Vukaleho vuka vua muesa ngecize “zintsimbu zitanu na zivali” zi va tumbula ku Ndaniele kapitulu 4 zia huile mu 1914?

“Ntsimbu ika Vuangana vua Njambi vua Putukile ku Sika? (Mutamba 2)” (Vutala vua Kaniungi, 1 ya Novembro ya 2014)

a Talenu vimpande vivali via ku manusuila via mu mutamba Konkenuho mu cilongesa cino.