Vi ca Lomboloka ku Litepa ku via Mavu

Yesu ua longesele vandongesi veni kati va pue “vakua mavu.” (Yoano 15:19) Eci ca lomboloka kati ku lihaka mu via mavu, ci pue mu pulitika ni ndzita. Vunoni ku handeka vusunga, vintsimbu vimo ce ku pua ca cikalu ku hona ku lihaka mu via mavu. Kaha naua vantu ve ku tu tsopa omo lia ku lingamo. Vati tu hasa ku viana via mavu na ku kakatela kuli Yehova Njambi?

1. Vati Vakua Kilistu va vusunga ve ku muenamo vanguvulu va hano ha mavu?

Vakua Kilistu va singimika vanguvulu. Kaha ve ku linga ngue mua handekele Yesu ngueni: “Hanenu Sezale viuma via Sezale, na Njambi viuma via Njambi”—eci ca lomboloka ku ononoka masiko a cifuti, ngeci mua ku fueta lisimu na akuavo. (Mako 12:17) Mbimbiliya ya longesa ngecize vanguvulu va vantu, ve ku sika lika muomu Yehova ua va tavesa. (Loma 13:1) Ngeci tua nongonona ngecize vanguvulu ka va kele na mpoko ku hiana Njambi. Muomu ikeye lika a hasa ku manusula visoti viose via vantu, ku hitila mu Vuangana vueni vua muilu.

2. Vati tu hasa ku muesa ngecize ka tue ku lihaka mu via mavu?

Ngeci mua Yesu, ka tue ku lihaka mu via pulitika. Tangua limo, vantu va muene cikomoueso ca kama ca lingile Yesu kaha va tondele ku mu puisa muangana, vunoni ka tavele. (Yoano 6:15) Omo lia vika? Muomu mu nima ya ntsimbu ua handekele ngueni: “Vuangana vuange kati vua hano ha mavu.” (Yoano 18:36) Netu vandongesi veni tue ku muesa ngecize ka tue ku lihaka mu via mavu mu vinjila via ku liseza-seza. Ca ku muenako, ka tue ku ya ku ndzita. (Tandenu Mika 4:3.) Cikuavo naua, vutuhu tua singimika vitantekeyeso via cifuti ngeci mua pandela, vunoni ka tue ku vi meneka, muomu ku lingamo capua vene ngue ku vi lemesa. (1 Yoano 5:21) Kaha ka tue ku hakuila ni ku luisa vikota via pulitika cipue vantuamena vavio. Mu vinjila evi na vikuavo tue ku muesa ngecize tue ku hakuila mu vutuntu Vuangana vua Njambi.

TANTEKEYENU VIKUAVO

3. Vakua Kilistu va vusunga ka ve ku lihaka mu via mavu

Yesu na vandongesi veni va tu sila lungano. Tandenu Loma 13:1, 5-7 na 1 Petulu 2:13, 14. Kaha, talenu VIDEO na ku simutuila ha vihula vi na hatako.

VIDEO: Vakua Kilistu va Vusunga ka ve ku Lihaka mu via Mavu—Mutamba 1 (4:28)

• Omo lia vika tua pande ku singimika vakua nguvulu?

• Mu vinjila vika tue ku muesa ngecize tue ku vononoka?

Nga kumo ku cifuti ku na katuka ndzita, vimo vifuti vie ku muesa ngecize ka via lihakele mu ndzita yaco, vunoni ye ku kuasa ize mitamba ivali ye ku lua. Vika via lomboloka mpundu ku hona ku lihaka mu via mavu? Tandenu Yoano 17:16. Kaha, talenu VIDEO na ku simutuila ha cihula ci na hatako.

VIDEO: Vakua Kilistu va Vusunga ka ve ku Lihaka mu via Mavu—Mutamba 2 (3:11)

• Vika ca lomboloka ku hona ku lihaka mu via mavu?

Vika tua pande ku linga nga vanguvulu va tu sindiya ku linga viuma vie ku liluisa na masiko a Njambi? Tandenu Vilinga 5:28, 29. Kaha, talenu VIDEO na ku simutuila ha vihula vi na hatako.

VIDEO: Vakua Kilistu va Vusunga ka ve ku Lihaka mu via Mavu—Mutamba 3 (1:18)

• Nga masiko a vantu ali na ku liluisa na masiko a Njambi, masiko eya tua pande ku ononokaho?

• Mu ku mona cenu ha vintsimbu vika Vakua Kilistu va hasa ku viana ku ononoka nguvulu?

4. Kati mu lihake mu via mavu cipue mu visinganieka ni mu vilinga

Tandenu 1 Yoano 5:21. Kaha, talenu VIDEO na ku simutuila ha vihula via na hatako.

VIDEO: Vusunga va Tondeka ku Simpa—Va Viane ku Lihaka mu via Mavu (2:49)

• Mu video, omo lia vika Ayenge ka tavele ku hakuila cikota ca pulitika, ni ku lihaka mu viuma vi ce ku linga cifuti ngeci mua ku meneka pandela?

• Mu ku mona cenu vuno ua lingile cihangula ca mana ni?

Viuma vikuavo vika vi hasa ku tu kovelesa mu ceseko ca ku lihaka mu via mavu? Talenu VIDEO, na ku simutuila ha vihula vi na hatako.

VIDEO: Vi nja Lilongesa mu Vutala vua Kaniungi—Ku Viana ku Lihaka mu via mavu (5:16)

• Vati tu hasa ku viana ku lihaka mu via mavu ku tuala ha vueho vua mu vifuti?

• Vati tu hasa ku viana ku lihaka mu via mavu ambe nga vi hangula via vakua pulitika netu vi na tu kuata?

• Ndzili ika vakua mizimbu ni vavusamba va hasa ku kala nayo hali yetu ku tuala ku via ku lihaka mu via mavu?

VI MU NA LILONGESA

Vakua Kilistu ve ku lihakela kapandi ka ku viana ku lihaka mu via pulitika mu visinganieka, mu mezi na mu vilinga.

Mpupulule

• Vika tua tondeka ku hana kuli vamiangana va mavu?

• Omo lia vika ka tue ku lihakela mu via pulitika?

• Ha vintsimbu vika tu hasa ku hita mu ceseko ca ku lihaka mu via mavu?

KONKENUHO

Vika vi hasa ku tondeka ku vi linga mangana kati tu lihake mu via pulitika?

Yehova ka tu Mbilile Kuti (3:14)

Vika a hasa ku linga masoko mu ku livuahesela vualumo vieseko via ku viana ku lihaka mu via mavu?

Litepenu ku via Mavu nga Muli ha Mbunga (4:25)

Omo lia vika ku hakuila cifuti ka ca puile cuma ca kama ca hasa ku linga muntu?

“Kuli Njambi Viuma Viose vi Tava” (5:19)

Hilulenu vati mu hasa ku viana “ku lihaka mu via mavu,” omo lia vipanga.

“Cada um levará a sua própria carga” (A Sentinela, 15 de Março, 2006)

Vakua Kilistu vose, tangua va ka hita mu ku va luisa ni ku va yandesa. Vuno evi via pande ku tu vuisa liova ni?

1. Omo lia vika tua lavelela ku tu luisa?

Mbimbiliya ya handeka ha toma nguayo: “Vose va hianga ku linga via ku lemesa Njambi muli Kilistu Yesu va ka mona lamba.” (2 Timoteo 3:12) Yesu va mu luisile, muomu ka lihakele mu via mavu a Satana. Kaha mu ku linga netu ka tue ku lihaka mu via mavu, ka ce ku tu komouesa nga vanguvulu ni amo malombelo eka, a tu luisa.—Yoano 15:18, 19.

2. Vati tua pande ku liviukisila via ku tu luisa?

Tua pande ku kaniamesa lukulahelo luetu muli Yehova vuovuno. Mu ku lihakela kapandi ka ku vundila, na ku tanda Lizi lieni matangua ose. Kaha na ku kunguluka ku viuano viose. Ku linga evi, ci ka mi hana ngolo i mua tondeka mu ku kolesa mu nkala ku luisa ci mu ka hita, cipue vene nga ci ka tundilila ku vavusoko. Kapostolo Paulu, uze u va kele na ku luisa ku sua kumo, ua sonekele ngueni: “[Yehova] ikeye mukuasi uange; Ka nji kevua vuoma: Muntu a ka nji linga vikandzo”?—VaHevelu 13:6.

Tu hasa naua ku kaniamesa ku simpa cetu, mu ku ambulula ku sua kumo. Ku ambulula, ce ku tu longesa ku kulahela muli Yehova na ku vula nkala liova li tue ku vuila vantu. (Visimo 29:25) Ku lihakela kapandi ka ku ambulula na ku simpa mu ntsimbu ino, ci ka mi kuasa ku tualelelaho ku lingamo cipue nga nguvulu i ka vindika vipanga vietu.—1 Tesalonika 2:2.

3. Vati ku kolesa mu ku tu luisa ce ku tu kuasa?

Mua vusunga, na umo ua lema ku mu luisa uahi, vunoni mu tue ku kolesa nga va tu luisa, lutsilielo luetu lue ku kaniama. Tue ku suena mu hiehi na Yehova, muomu tue ku mona vukuasi vueni mu tue ku ivua ngecize ka tu hasa ku tualelelaho ku ndzili yetu lika. (Tandenu Tiango 1:2-4.) Ku tu mona tu yanda, ce ku vuisa Yehova ku mutima ku vavala, vunoni ue ku ivua ndzolela mue ku tu mona tu kolesa. Mbimbiliya nguayo: “Nga mu linga via cili, kaha mu vi yandela, cikeco kavumbi ku meso a Njambi.” (1 Petulu 2:20) Cilunguiso ca ka hana Yehova ku vose va kolesa na ku ntsongo, ca pua muono ka ue ku hua, mu mavu ka mu ka kala vakua ku luisa ku lemesa ca vusunga.—Mateo 24:13.

TANTEKEYENU VIKUAVO

4. Mu hasa ku kolesa nga vavusoko venu va mi luisa

Yesu ua muesele ha toma ngecize vavusoko vuetu, halumo ka va ka tu kuasa mu cihangula cetu ca ku lemesa Yehova. Tandenu Mateo 10:34-36, kaha simutuilenu ha cihula eci:

• Vika va hasa ku linga vantu, nga umo kavusoko kavo a hangula ku pangela Yehova?

VIDEO: Yehova ua tu Tambula (5:13)

• Nga umo kavusoko ni kavusamba, a seteka ku mi lingisa mu likele ku pangela Yehova, vati mu ka linga?

Tandenu Visamo 27:10 na Mako 10:29, 30. Kaha mu nima ya ku tanda nkala mukanda, simutuilenu ha cihula eci:

• Vati eci cikulaheso ci hasa ku mi kuasa, nga va mi luisa ku vavusoko ni ku vavusamba?

5. Tualelelenuho ku pangela Yehova cipue nga va mi luisa

VIDEO: Ve ku Simpa Vutuhu ve ku va Luisa (6:27)

• Vika via mi kaniamesa ku tuala ha malungano a va tumbula mu video eyi?

Tandenu Vilinga 5:27-29 na VaHevelu 10:24, 25. Mu nima ya ku tanda nkala mukanda, simutuilenu ha cihula eci:

• Vika ca puila ca seho ya kama, ku tualelelaho ku lemesa Yehova, cipue nga nguvulu i vindika cipanga cetu ca ku ambulula na ku kunguluka?

6. Yehova a ka mi kuasa ku kolesa

VIDEO: Yehova Njambi a ka Nji Kaniamesa (3:40)

• Vika via kuasele Vakaleho va va tumbula mu video ku kolesa?

Tandenu Loma 8:35, 37-39 na Filipu 4:13. Mu nima ya ku tanda nkala mukanda, simutuilenu ha cihula eci:

• Vati ou mukanda ua mi hana vusunga ngecize mu hasa ku kolesa mu nkala ceseho?

Tandenu Mateo 5:10-12, kaha simutuilenu ha cihula eci:

• Omo lia vika mua pande ku ivua ndzolela ambe nga va mi luisa?

VI MU NA LILONGESA

Yehova ua haka seho ya kama, ku kapandi ka tue ku lihakela mu ku mu pangela vutuhu ve ku tu luisa. Na vukuasi vueni tu hasa ku kolesa!

Mpupulule

• Omo lia vika Vakua Kilistu va pande ku lavelela ku va luisa?

• Vika mu hasa ku linga vuovuno mu ku liviukisila ku luisa ci keza ku lutue?

• Vika vi hasa ku mi kuasa ku kala na vusunga ngecize mu hasa ku tualelelaho ku pangela Yehova mu nkala ceseko?

KONKENUHO

Talenu vati umo muanetu ua lombolola vukuasi vua mu hele Yehova, linga a kolese mu va mu tualele mu kamenga omo lia ku viana ku lihaka mu via mavu.

Ua Kolesele Vutuhu va mu Luisile (2:34)

Talenu vika via kuasele vamo va yala na mpuevo ku tualelelaho ku pangela Yehova na lukakatela, vutuhu va va luisile mu miaka ya ingi.

Ku pangela Yehova mu Ntsimbu ya ku Aluluka ca Viuma (7:11)

Talenu vati mu hasa ku simpa nga va mi luisa.

“Tu Liviukisilenu Vuovuno Ntsimbu Kanda va Putuke ku tu Luisa” (Vutala vua Kaniungi, Julho ya 2019)

Vati tua pande ku muenamo ku luisa ca vavusoko? Kaha vati tu hasa ku pinda na visoti vi ce ku koka?

“Vusunga ka Vue ku Neha Ciyulo, Vunoni Mpoko ya Mukuale” (Vutala vua Kaniungi, Outubro ya 2017)