CILONGESA 45

Vi ca Lomboloka ku Litepa ku via Mavu

Cifua ci ua Tuhukilamo

Yesu ua longesele vandongesi veni kati va pue “vakua mavu.” (Yoano 15:19) Eci ca lomboloka kati ku lihaka mu via mavu, ci pue mu pulitika ni ndzita. Vunoni ku handeka vusunga, vintsimbu vimo ce ku pua ca cikalu ku hona ku lihaka mu via mavu. Kaha naua vantu ve ku tu tsopa omo lia ku lingamo. Vati tu hasa ku viana via mavu na ku kakatela kuli Yehova Njambi?

1. Vati Vakua Kilistu va vusunga ve ku muenamo vanguvulu va hano ha mavu?

Vakua Kilistu va singimika vanguvulu. Kaha ve ku linga ngue mua handekele Yesu ngueni: “Hanenu Sezale viuma via Sezale, na Njambi viuma via Njambi”—eci ca lomboloka ku ononoka masiko a cifuti, ngeci mua ku fueta lisimu na akuavo. (Mako 12:17) Mbimbiliya ya longesa ngecize vanguvulu va vantu, ve ku sika lika muomu Yehova ua va tavesa. (Loma 13:1) Ngeci tua nongonona ngecize vanguvulu ka va kele na mpoko ku hiana Njambi. Muomu ikeye lika a hasa ku manusula visoti viose via vantu, ku hitila mu Vuangana vueni vua muilu.

2. Vati tu hasa ku muesa ngecize ka tue ku lihaka mu via mavu?

Ngeci mua Yesu, ka tue ku lihaka mu via pulitika. Tangua limo, vantu va muene cikomoueso ca kama ca lingile Yesu kaha va tondele ku mu puisa muangana, vunoni ka tavele. (Yoano 6:15) Omo lia vika? Muomu mu nima ya ntsimbu ua handekele ngueni: “Vuangana vuange kati vua hano ha mavu.” (Yoano 18:36) Netu vandongesi veni tue ku muesa ngecize ka tue ku lihaka mu via mavu mu vinjila via ku liseza-seza. Ca ku muenako, ka tue ku ya ku ndzita. (Tandenu Mika 4:3.) Cikuavo naua, vutuhu tua singimika vitantekeyeso via cifuti ngeci mua pandela, vunoni ka tue ku vi meneka, muomu ku lingamo capua vene ngue ku vi lemesa. (1 Yoano 5:21) Kaha ka tue ku hakuila ni ku luisa vikota via pulitika cipue vantuamena vavio. Mu vinjila evi na vikuavo tue ku muesa ngecize tue ku hakuila mu vutuntu Vuangana vua Njambi.

TANTEKEYENU VIKUAVO

Hilulenu ha vintsimbu vika ci hasa ku kaluua ku litepa ku via mavu na ku tala ha vati mu hasa ku linga vihangula vi kaya Yehova ku mutima.

Umo yala na viana ku lihaka mu via mavu, kaha kesi na ku tuala mana ku viuma vi vali na ku handeka vamo vakua cikota ca pulitika ku mbunga.

3. Vakua Kilistu va vusunga ka ve ku lihaka mu via mavu

Yesu na vandongesi veni va tu sila lungano. Tandenu Loma 13:1, 5-7 na 1 Petulu 2:13, 14. Kaha, talenu VIDEO na ku simutuila ha vihula vi na hatako.

VIDEO: Vakua Kilistu va Vusunga ka ve ku Lihaka mu via Mavu—Mutamba 1 (4:28)

Omo lia vika tua pande ku singimika vakua nguvulu?
Mu vinjila vika tue ku muesa ngecize tue ku vononoka?

Nga kumo ku cifuti ku na katuka ndzita, vimo vifuti vie ku muesa ngecize ka via lihakele mu ndzita yaco, vunoni ye ku kuasa ize mitamba ivali ye ku lua. Vika via lomboloka mpundu ku hona ku lihaka mu via mavu? Tandenu Yoano 17:16. Kaha, talenu VIDEO na ku simutuila ha cihula ci na hatako.

VIDEO: Vakua Kilistu va Vusunga ka ve ku Lihaka mu via Mavu—Mutamba 2 (3:11)

Vika ca lomboloka ku hona ku lihaka mu via mavu?

Vika tua pande ku linga nga vanguvulu va tu sindiya ku linga viuma vie ku liluisa na masiko a Njambi? Tandenu Vilinga 5:28, 29. Kaha, talenu VIDEO na ku simutuila ha vihula vi na hatako.

VIDEO: Vakua Kilistu va Vusunga ka ve ku Lihaka mu via Mavu—Mutamba 3 (1:18)

Nga masiko a vantu ali na ku liluisa na masiko a Njambi, masiko eya tua pande ku ononokaho?
Mu ku mona cenu ha vintsimbu vika Vakua Kilistu va hasa ku viana ku ononoka nguvulu?

4. Kati mu lihake mu via mavu cipue mu visinganieka ni mu vilinga

Tandenu 1 Yoano 5:21. Kaha, talenu VIDEO na ku simutuila ha vihula via na hatako.

VIDEO: Vusunga va Tondeka ku Simpa—Va Viane ku Lihaka mu via Mavu (2:49)

Mu video, omo lia vika Ayenge ka tavele ku hakuila cikota ca pulitika, ni ku lihaka mu viuma vi ce ku linga cifuti ngeci mua ku meneka pandela?
Mu ku mona cenu vuno ua lingile cihangula ca mana ni?

Viuma vikuavo vika vi hasa ku tu kovelesa mu ceseko ca ku lihaka mu via mavu? Talenu VIDEO, na ku simutuila ha vihula vi na hatako.

VIDEO: Vi nja Lilongesa mu Vutala vua Kaniungi—Ku Viana ku Lihaka mu via mavu (5:16)

Vati tu hasa ku viana ku lihaka mu via mavu ku tuala ha vueho vua mu vifuti?
Vati tu hasa ku viana ku lihaka mu via mavu ambe nga vi hangula via vakua pulitika netu vi na tu kuata?
Ndzili ika vakua mizimbu ni vavusamba va hasa ku kala nayo hali yetu ku tuala ku via ku lihaka mu via mavu?

Vikupulo via ku litokakana: 1. Cimo civunga ca vantu va na niengua oku va na kuata vitantekeyeso na ku caula mu vitapalo. 2. Umo yala ali na ku hakuila cimo civunga ca vueho oku na kuata citi ca pandela. 3. Umo ndongesi ku sikola ali na ku linga nkuminio ya cifuti. 4. Umo lisualale na kuata vuta vua kama. 5. Vantuamena vavali va pulitika vali na ku simutuila. 6. Umo mpuevo ali na ku haka lipapelo lia lihangulo mu cikasa. — Ha vintsimbu vika Mukua Kilistu na pande ku viana ku lihaka mu via mavu mu visinganieka na mu vilinga?

VAMO VE KU HULA NGUAVO: “Omo li vika ka mue ku hakuila vikota via pulitika?”

Vati mu kumbulula?

VI MU NA LILONGESA

Vakua Kilistu ve ku lihakela kapandi ka ku viana ku lihaka mu via pulitika mu visinganieka, mu mezi na mu vilinga.

Mpupulule

Vika tua tondeka ku hana kuli vamiangana va mavu?
Omo lia vika ka tue ku lihakela mu via pulitika?
Ha vintsimbu vika tu hasa ku hita mu ceseko ca ku lihaka mu via mavu?

Cino cilongesa nji na ci manusula lia:

Lingenu Evi

Singaniekenu ha vintsimbu vika mu hasa ku hita mu ceseko ca ku lihaka mu via mavu, kaha na ku hanguila vualumo vati mu ka linga mu visoti vuaco.

Vikuavo:

Vikuavo vi mu hasa ku linga

KONKENUHO

Vika vi hasa ku tondeka ku vi linga mangana kati tu lihake mu via pulitika?

Yehova ka tu Mbilile Kuti (3:14)

Vika a hasa ku linga masoko mu ku livuahesela vualumo vieseko via ku viana ku lihaka mu via mavu?

Litepenu ku via Mavu nga Muli ha Mbunga (4:25)

Omo lia vika ku hakuila cifuti ka ca puile cuma ca kama ca hasa ku linga muntu?

“Kuli Njambi Viuma Viose vi Tava” (5:19)

Hilulenu vati mu hasa ku viana “ku lihaka mu via mavu,” omo lia vipanga.

“Cada um levará a sua própria carga” (A Sentinela, 15 de Março, 2006)