Ku Simutuila ca mu Internete​—Vianenu ku Uila mu Ngandzo

SEHO YA KALAHO: Ngeci mua viaplikativu viose, ku simutuila mu internete ca kala na vusonde kaha na vukuasi. Vakua Kilistu vamo ka ve ku pangesa viaplikativu via ku simutuila navio mu internete. Vamoco ve ku vi pangesa mu ku simutuila na vavusoko na vavusamba. Vunoni, Ndiavu ue ku tonda tu pangese viapliakativu viaco mua ku pihia, mu njila ize i hasa ku pihisa lizina lietu kaha na vusamba vuetu na Yehova. Tua pande ku pangesa vitume via mu Lizi lia Njambi vi tu kuase ku nongonona vusonde vua kalaho na ku vu viana, ngue mua lingile Yesu.—Luka 4:4, 8, 12.

VINGANDZO VI TUA PANDE KU VIANA:

• Ku hianesamo mu ku pangesa viaplikativu viaco. Ku pangesa viaplikativu via ku simutuila mu internete vi ola via vingi-vingi, ci hasa ku tu tanganesa ku linga vize vi tua pande mu ku lemesa Yehova

  Vitume via Mbimbiliya: Efe. 5:15, 16; Filp. 1:10

• Ku tala viuma ka via pandele. Ku tala vikupulo vi katula masungu, vi hasa ku lingisa muntu ku tala via vuntselentsele, ku tenguka ni ku linga vupangala. Ku tanda mizimbu ya vaze ve ku alulukila vusunga ci hasa ku zeyesa lutsilielo lua muntu

  Vitume via Mbimbiliya: Mat. 5:28; Filp. 4:8

• Ku hakamo mizimbu na vikupulo via ku pihia. Mu ku linga mutima ue ku onga, muntu a hasa ku uila mu ngandzo ya ku haka imo mizimbu ni vikupulo via ku pihia mu viaplikativu via ku simutuila mu internete. Vunoni, ku lingamo ci hasa ku pihisa lizina lia muntu ni ku zeyesa lutsilielo lueni

  Vitume via Mbimbiliya: Loma 14:13; Efe. 4:29

TALENU VIDEO ZANGAMENU OMO MU PANGESA INTERNETE, KAHA HITULUKENU HA VATI TU HASA KU VIANA VIUMA VI NA HATAKO: