CILONGESA 6

Ku Lombolola vi mua Tandela Cinimbu

Yoano 10:33-36

VITONDEKA: Kati mu tande lika mukanda mu Mbimbiliya na ku ya ha cimpande ci na hatako houe. Kalenu na vusunga ngecize vakua ku halakana va mona ku litombola ci li ha cinimbu na cinanga ci mua tanda.

MUA KU VI PUISILAMO:

Hangulenu mezi a ntsindo. Mu nima ya ku tanda cinimbu, tsindikenu mezi aze a na kuata ku cinanga ci mua tsindika. Mu hasa ku lingamo mu ku pua na ku tsindika ha mezi ni mu ku linga cihula ci kuasa vakua ku halakana va mone mezi a ntsindo.

Nga mu pangesa mezi eka mu ku tsindika cinimbu, kalenu na vusunga ngecize vakua ku mi halakana va kevuisisa vati mezi aco a litombola na cinimbu ca mu Mbimbiliya na cinanga ci mu tsindika.
Tsindikenu mezi. Omo mu tumbula mukanda muesenu vusunga vu mu u tandela, lombololenu vati mezi a ntsindo a hakuila vi muli na ku handeka.

Kati mu fuike Mbimbiliya, nga mu lombolola cinimbu ni vinimbu. Eci ci ka kuasa vakua ku mi halakana va mone ku litombola ca mezi enu na cinimbu ci mua tanda.
Lombololenu mukanda mu njila ya yasi. Kati mu handeke vize ka via likuatele na cimpande ca ntsindo. Kuliya na vize vi va tantekeya laza vakua ku mi halakana, hanguilenu vua lumo vinanga via kama vi ka kuasa vakua ku mi halakana ku ivuisisa vuino.