Ngozi

Vati Yesu ua lingile

VIDEO: Yesu a kanguisa Yala ua Kapuputa

1. Talenu VIDEO, ni tandeni Yoano 9:1-7. Kaha munima yaco hilulenu ha vihula vi na hatako:

1. Vika Yesu ua lingile hakatete—Ku kanguisa kapuputa ni ku mu ambuluila muzibu ua cili?—Taleni Yoano 9:35-38.

2. Omo lia vika uze Yala ca mu asiuilile ku halakana ku muzimbu uambuluile Yesu

Vitu Lilongesa Kuli Yesu

2. Muntu a hasa ku livua ku zituka mu ku halakana ku muzimbu uetu nga a nongonona ngecize tua muhaka seho.

Kavenu Lungano lua Yesu

3. Lihakeni mu cihela ca muntu imuna uana. Setekenu ku singanieka vati ali na ku livuilamo.

1. Lihulenu nguenu: ‘Viuma vika halumo ou muntu na lisosomua? Vika vi hasa ku mu kuasa ni ku mu ya ku mutima?’ Ku lingamo ci hasa ku mi kuasa ku muesa ngozi ya ku tundilila ku mutima.

2. Mu halakanenu mu muese ngecize mua haka seho ku visoti viali na ku pinda navio. Nga muntu a mi leka vati ali na ku livua ni a mi leka cimo citanga cali na ku lihita naco. Kati mu katule cimpande ceka.

4. Handekenu na ngozi na kasingimiko. Nga muli na ku vuila mpundu ngozi muntu u muli na ku simutuila nendi kaha muli na vutumbe mpundu vua ku mu kuasa. Evi vi ka lisolola mu handekesi yeni. Kaha handekenu na civuovuo kati mu handeke mezi a hasa ku vundula matoto.

5. Hanenu vukuasi. Tondenu vinjila via ku uanemo vukovelelo vua ku hana vukuasi ku muntu. Ku muesa ngozi ci hasa ku votsikisa muntu linga a muese cizango ca ku simutuila netu.