Vi mu Hasa ku Lilongesa mu Vulika ni mu Vusoko

Ku lemesa Yehova ka ca puile lika mu vivunga via kama, ngeci mua ku viuano via mu simano, via limbo ni via muhato, houe. Tue ku lemesa naua Yehova mu vulika ni mu vusoko. Talenu vimo viuma vi mu hasa ku lilongesa mu vulika ni mu vusoko.

• Ku liviukisila viuano. Mu ku lingamo mu hasa naua ku vuezako, ku lilongesa miaso ni ku likuasa umo na mukuavo ku liviukisila vikumbululo.

• Ku tanda umo muzimbu ua mu Mbimbiliya. Mu nima yaco mu hasa ku sona-sona cimo cikupulo ca muzimbu u na tanda, ni ku soneka vimo vi mu na lilongesaho.

• Ku hilula cimo civundilo ci va tumbula mu Mbimbiliya na ku simutuila vati ci hasa ku mi kuasa ku vueza ku vucili vua vivundilo vienu.

• Ku tala imo video ya mu lukungulukilo na ku simutuila ni ku soneka vika mua lilongesaho.

• Ku liviukila ku ambulula na ku hitulukamo. Umo ha kati kenu a hasa ku pua mukua ku ambululula kaha mukuavo co, a pua muntu ya na uana mu lihia.

• Talenu viuma via ku tanga na ku hilula ni ku simutuila vika viuma viaco via mi longesa hali Yehova.a