UIKATL 152
Se kali kampa timitsueyichiuasej
(1 Reyes 8:27; 1 Crónicas 29:14)
1. Jehová, nochi ta tijchijchijtok;
tikitaj mochikaualis.
‘Axuelis mitskuis’ Tlaltipaktli
pampa nelpano tiUeyi.
Tijnekij timitsmaktilisej
ni kali tlen tijchijchijkej.
Nikaj timitsueyichiuasej
uan timitsyolpakiltisej.
(PUENTE)
Tlen tijselijtokej,
nochi eli moaxka.
Yeka, nama tijnekij
timitsmaktilisej.
(TLEN MOOMPAUIA)
Tijnekij timitsuikatisej
uan timitstlaskamatisej;
ta tijchijki ma tijpiakaj
ni kali tlauel yejyektsi.
2. San ta timitsueyichiuasej
nochipa ipan ni kali;
ininuaya katli kinekij
itstosej ipan moojui.
Nojua tijpiaj miak tekitl
tlen moneki tijchiuasej.
Ika nochi tochikaualis
timitstekipanojtosej.
(PUENTE)
Kinamiki san ta
timitsueyichiuasej,
pampa nochi tlen onka
eli ta moaxka.
(TLEN MOOMPAUIA)
Tijnekij timitsuikatisej
uan timitstlaskamatisej;
ta tijchijki ma tijpiakaj
ni kali tlauel yejyektsi.