JONÁS

1 Jehová kiluij Jonás* ikoneuj Amitái: 2 “Xiouj ueyi xolal Nínive. Xikiniluiti akin ompa nemij ke nikinixpoloti porin kichiujtokej miak taman tein amo kuali”.

3 Sayoj ke Jonás kicholuij* Jehová uan kinemilij yas Tarsis. Yejua ika temok Jope uan kiajsito se barco tein yaya Tarsis. Jonás kiixtauak ipasaje uan tejkok* itech barco. Yajki Tarsis para amo kichiuas tein kinauatijka Jehová.

4 Uan Jehová kichiuak maj tel taejeka itech mar. At peuak motelajkotatamota uan yaya kipojpostekitia barco. 5 Kemej takamej akin tekitiaj itech barco semi momoujtijkej, sejse takat peuak kitsajtsilia idios maj kipaleui. Uan peujkej kipantamotaj aijtik nochi tein kiuikayaj para maj amo kietilianiok barco. Sayoj ke Jonás temoka taijtik den barco, ompa motekak uan kochtiajki.* 6 Akin taixyekanaya itech barco kiitato uan kiluij: “¿Keyej nikan tikochtok? ¡Ximeua, xiktsajtsili modios maj techpaleui! Xa akin yekmelauj Dios techiknelis uan amo timikiskej”.

7 Takamej moiluijkej: “Maj tikitakan akoni itajtakol maj mochiujto nejin tetsauit”. Yejua ika kitatamotkej tetsitsin* para kimatiskej akoni, uan nesik ke katka Jonás. 8 Yejuan kiluijkej Jonás: “Timitstataujtiaj xitechilui ox tejua motajtakol maj mochiujto nejin tetsauit. ¿Itech toni titekiti? ¿De kani tiuitse? ¿Akonimej mochankauan?”.

9 Jonás kinnankilij: “Nihebreo* uan nikueyichiua Jehová, Dios akin nemi iluikak, akin kichijchiuak mar uan taltikpak”.

10 Nejon takamej okachi momoujtijkej, yejua ika kitajtanijkej:* “¿Keyej tikchiuak nejon?”. (Jonás kiniluijkaya nejon takamej ke kicholuijtoya* Jehová). 11 Kemej at okachi moajkotatamotaya kiluijkej: “¿Toni moneki timitschiuiliskej para maj at amo moajkotatamotaok?”. 12 Yejua kinnankilij: “Xinechpantamotakan aijtik, ijkon at amo moajkotatamotasok; porin nikmati ke notajtakol maj mochiujto nejin tetsauit tein namechtajyouiltijtok”. 13 Kemej takamej amo kinekiaj kipantamotaskej, peuak mochikauaj kiuikaskej barco atenoj. Sayoj ke kemej at okachi moajkotatamotaya amo uelik kiuikakej.

14 Yejua ika kiluijkej Jehová: “¡Timitstataujtiaj Jehová, amo xikaua maj timikikan sayoj porin nejin takat amo mitstakamatik! Jehová, nochi nejin mochiujtok porin tejua ijkon tikneki. Amo xitechtajtakolti komo tikmiktiaj nejin takat akin amo teyi kichiuak”. 15 Satepan kipantamotkej Jonás uan at amo moajkotatamotakok. 16 Nejon kichiuak maj takamej semi kimojkatokanij Jehová. Yejua ika kimaktilijkej Jehová se tapialtsin uan motenkaujkej kiueyichiuaskej.

17 Satepan, Jehová kichiuak maj se pescado* tein semi ueyi kitolouani Jonás, uan Jonás yetoya iijtik nejon ueyi pescado eyi tonal.

2 Keman Jonás yetoya iijtik ueyi pescado* kitataujtij iDios Jehová. 2 Yejua kijtoj:

“Keman semi nitajyouijtoya, nimitstataujtij Jehová uan tejua tinechnankilij.

Keman yaya nimikitia* nimitstsajtsilij xinechpaleui

uan tejua tinechkakik.

At tein tikchiuak maj semi moajkotatamota nechuiuikaya.

 4 Uan nikijtoj: ‘¡Uejka tinechtitanik!

Amo uelis oksepa nikitas templo kampa timitsueyichiuaj’.

Nimokuaijilpij* ika xiuit tein onkak aijtik.

 6 Nipankalakik hasta tatsintan, hasta kampa peuaj tepemej.*

Nikmachilij kemej yeskia nitoktoyaya uan amo keman nikisaskiaok.

Sayoj ke noDios Jehová, kemej yeskia tinechkixtij de miketekoch.

 7 Keman yaya nimikitia, nimitselnamikik Jehová.

Uan desde templo kampa tinemi, tikakik nonetataujtil.

 8 Akin kinueyichiuaj tatadiosmej* tein amo tapaleuiaj kikauaj Dios akin nochipa kintasojta.

 9 Sayoj ke kemej nejua nimotasojkamati, nimitsinmaktilis tapialmej.

Nikchiuas nochi tein nimotenkauak.

Jehová, tejua tinechmakixtia”.

10 Satepan, Jehová kinauatij ueyi pescado* maj kijsota Jonás atenoj.

3 Satepan Jehová oksepa kiluij Jonás: 2 “Xiouj ueyi xolal Nínive uan xikinmatilti akin ompa nemij tein nimitsiluiti”.

3 Jonás kitakamatik Jehová uan yajki Nínive. Nejin xolal semi ueyi katka uan para se kitamipanauis se nejnemia eyi tonal. 4 Keman Jonás ajsik Nínive, nejnemik se tonal uan kijtojtiaya nejin: “Poliui 40 tonalmej para maj Dios kiixpolo Nínive”.

10 Keman Dios kiitak nochi tein kichiujkej uan ke amo kichiuayajok tein amo kuali, kipatak tein kiixtalijka kichiuas uan amo kintatsakuiltijok.

4 Sayoj ke Jonás nion tepitsin kiuelitak nejon uan semi kualanik. 2 Yejua ika kitataujtij Jehová uan kiluij: “Jehová, ipa nikmatiaya keman nietoya nochan ke ijkon tikchiuaskia. Yejua ika keman yekinika tinechualtitanik, nicholojteuak Tarsis, porin nikmatia ke tejua tiyolkuali uan titeiknelia, amo niman tikualani* uan nochipa titetasojta uan amo tikneki titetatsakuiltis. 3 Yejua ika Jehová, nimitstataujtia xikaua maj nimiki porin amo nikneki niyoltosok”.

4 Jehová kitajtanij:* “¿Timoluia ke kinamiki xitelkualanto?”.

5 Satepan Jonás motalito kampa ueliskia kiuejkaitas ueyi xolal Nínive, kampa ualkisa tonaltsin. Kichijchiuak se kaltsin ika kuopajsol para amo tonaltatas uan ompa motalij para kiitas ox kintatsakuiltiskiaj akin nemiaj Nínive. 6 Kemej Jehová Dios kiitak ke Jonás tajyouijtoya, kichiuak maj moskalti se ayoj para maj imaxiujyo kipaleuiani maj amo kuatata. Uan Jonás semi kiuelitak maj moskaltiani nejon ayoj.

7 Sayoj ke mostika kualkan, Dios kichiuak maj se ijkochin* kiuatsa nejon ayoj. 8 Keman tanesik, Dios no kichiuak maj peua tonalejeka desde kampa ualkisa tonaltsin. Kemej tel tonaya, Jonás semi kuatataya uan hasta ixtayouaya. Uan kisentokaya kitajtaniaya Dios maj miki. Kijtouaya: “Amo nikneki niyoltosok, okachi kuali maj nimiki”.

9 Dios kitajtanij Jonás: “¿Timoluia ke kinamiki xitelkualanto porin uakik in ayoj?”.

Yejua kinankilij: “Kemaj, kinamiki maj nitelkualanto, hasta nikneki nimikis porin nitelkualantok”. 10 Sayoj ke Jehová kiluij: “Timoyolkokoj keman tikitak ke uakik in ayoj.* Uan amo tejua tiktokak nion tikchiuak maj moskalti, ta se youak iselti moskaltij uan mostika youak uakik. 11 Yejua ika, ¿amo no kinamiki maj nikinikneli akin nemij itech ueyi xolal Nínive uan inintapialuan? Ompa nemij panoua 120 mil uan yejuan nion kimatij toni kuali uan toni amo kuali”.