Itamian amaix

NEMILIS kemej kalyetouanij yejua tein okachi uejkaujya moajsi nikan taltikpak, sayoj ke axkan kipanouaj miak kuejmolmej. Kemej okachi telpochmej kikuij drogas uan auilnemij, namikuanij mokakauaj uan moteuiaj, okachi miakej tetatmej ininselti kiniskaltiaj ininkoneuan uan kalyetouanij kipanouaj okseki uejueyi ouijkayomej, sekin motajtaniaj ox uelis yolpakiskej.

¿Uelisok kalyetouanij kuali mouikaskej kemej tapaleuis maj moyekpiakan uan maj nochin kuali momachilikan? Kemaj, komo kimatij toni uelis kinualkuilis yekmelauj yolpakilis. Nejin akin yeski uelis kimatis. Uejkaujya miakej kalyetouanij kiitanij ke tapaleuia. Nejin amatajkuilol, Keniuj uelis yolpakiskej kalyetouanij, kijtoua toni nejon. No ika tajtoua neskayomej tein kinextiaj keniuj nejon uelis kinpaleuis kalyetouanij maj kiyektalikan miak uejueyi kuejmolmej. ¿Moajsi aksa akin amo kipaleuis nejin tayolmajxitilismej?