Tein ika peua
KEYEJ MOCHIJCHIUAK
Jiova Dios kinyoleua itekitikauan maj ‘kisentokakan kitemokan’ taajsikamatilis uan kuali taixejekolis kemej yeskia kitemojtoskiaj “teisa patiyoj tein uejkatan toktok” (Prov. 2:1-5). Nejin kinextia ke moneki tejuan timochikauaskej tiktemoskej tanankililmej itech Biblia keman tikpiaskej netajtanilmej uan no maj timochikauakan tikajsiskej tein techpaleuis itech tonemilis. Nejin Nepaleuil tein ika momachtiaj itaixpantijkauan Jiova mochijchiuak kemej mitsonpaleuis keman tikontemos tanankililmej.
Nejin amo kipia nochi tajtolmej tein techpaleuis maj tikajsikan nochi tamachtilis tein kisani itech nochi toamaixuan. Maski ijkon, itech sejse tanemilil tein nikan moajsi, kitojtokaj amaixmej itech náhuatl uan tein kipia tamachtilis tein motelneki.
KENIUJ TIKONTEKITILTIS
Xikontemo kampa kijtoua Tein kipia itech página tein moajsi taixpan, uan xikonnemili kemej itech katiyejua tataman tamachtilis xa uelis tikonajsis tein tikonneki. Xa monekis amo sayoj se tanemilil tikonitas uan ijkon tikonajsis tein tikontemoua. Tanemililmej tein kitojtokaj se taman tamachtilis mitsonpaleuis maj okachi amo ouij xikonajsi tein tikonneki.
Satepan, xikontapo itech página tein kinextia uan ompa xikontemo semej tataman tamachtilis uan tanemilil tein tikonixpejpenak. Kampa ixnestok itokay se tamachtilis oso capítulo, xikonixpejpena tein tikonneki tikonitas. Komo tikonpia amaixmej mochan, itech computadora, oso moajsij kampa kitaliaj amaixmej itech Kali kampa tiMosentiliaj, xikontemo tamachtilis oso capítulo tein moneki. Xikonelnamiki ke maski itech itokay se tamachtilis moitas ke amo ika tajtoua tein tikontemoua, itech nejon tamachtilis tikonajsis seki taman tein kimelaua tanemilil tein tikonneki tikonajsis.
Komo tikontemojtok okachi tikonixmatis se versículo, xikontemo “Kampa momelaua tajkuilolmej”, yeski itech Escrituras Hebreas oso itech Escrituras Griegas Cristianas. Sayoj moajsij versículos tein kipia kani momelaua.
Amo xikonelkaua, amo ijsiujka se kiajsi “teisa patiyoj tein uejkatan toktok” uan moneki maj se kiteltemo. Yejua ika amo xionmosenkaua, ika nejmachkayot xikontemo tanankilil tein tikonneki tikonajsis. Ijkon kemej okachi tikontekitiltis nejin Nepaleuil, okachi amo ouij mitsonkisas uan okachi tionyolpakis keman tikonajsis tamachtilis tein tikonneki tikonmatis. Jiova mitsontatiochiuis uan mitsonpaleuis xikonpia tamatilis uan taajsikamatilis (Prov. 2:6; 4:5).
TONI KIJTOSNEKI:
❐ = tamachtilismej tein sayoj se taman ika tajtoua
▪ = subtítulo oso taxelol
§ = párrafo oso párrafos
cap. = capítulo
pág. oso págs. = página oso páginas
12/2004 = metsti/xiuit
1/2/2010 = tonal/metsti/xiuit