Maj tikiniluikan keyej tikinkalpanotij

Keman tiajsij ichan aksa, yejua xa motajtania tiakonimej uan keyej ompa tiyetokej. Kemej amo kinekij kiomeyolotiskej, seki tanojnotsanij niman kiiluiaj keyej kikalpanouaj. Satepan keman kitajpalouaj taltikpaknenkej, kijtouaj se taman kemej nejin: “Nikinyoleujtok oksekin maj kiselikan se nemachtil ika Biblia tein amo moixtaua” oso “Titakalpanojtokej porin miakej akin nemij nikauin kintekipachoua se kuejmol: miakej kitapanauiliaj inintanauatil tekiuanij”, uan ompa kichiuiliaj se netajtanil. Satepan ke taltikpaknenkej kimati keyej tikalpanouaj, xa okachi kinekis kisentokas kikakis tanauatil tein tikuikaj.