Tein tel kuali kisak itech tanojnotsalis

Techmaka miak pakilis tamechmatiltiskej ke itech nejin xiuit keman tikelnamikkej imikilis Cristo mosentilijkej 2,790,658 taltikpakneminij, nejin kinextia ke mosentilijkej 4,5% okachi ke xiuit tein tiualpanokej. Itech miak altepemej kampa taixyekana sucursal okachi mosentilijkej nejin xiuit. Nejin kinextia ke akin kitekitiliaj Jiova ijkon kemej oksekin taltikpakneminij kitasojkamatij maj Jesús kitemakani inemilis kemej se taxtauil (1 Juan 2:2).