¿Toni kinpaleuis akin namikyejkej maj kuali mouikakan?

Abrahán uan Sara motasojtayaj uan mopoujkaitayaj (Gé 12:11-13; 1Pe 3:6). Sayoj ke, nejon amo kijtosnekia ke nochipa kuali yetoskiaj, porin kipanokej kuejmolmej. ¿Keniuj akin namikyejkej uelis kinpaleuis tein kichiujkej Abrahán uan Sara?

Semi moneki maj kuali monojnotsakan. Komo monamik amo kuali mitsonnojnotsa porin kualantok oso teisa kitekipachoua, amo niman xionkualani uan kuali xikonnojnotsa (Gé 16:5, 6). Xikonxelokan tiempo nansenyetoskej. Ximonextilikan ke nanmotasojtaj ika tein nankijtouaj uan nankichiuaj. Uan tein okachi moneki, ximochikauakan kuali nanmouikaskej iuan Jiova. Namechpaleuis komo nanmosenmachtiaj, nanmotataujtiaj uan nankisentekitiliaj (Ec 4:12). Komo akin namikyejkej motasojtaj, kiueyitaliaj Jiova, akin kiixtalij nenamiktilis.

SATEPAN KE MOITAS VIDEO ¿TONI KINPALEUIS AKIN NAMIKYEJKEJ MAJ KUALI MOUIKAKAN?, XIKONNANKILI NEJIN NETAJTANILMEJ:

• ¿Keniuj Shaan uan Kiara kinextijkej ke amo kuali mouikayajok?

• ¿Keyej semi moneki maj akin namikyejkej moiluikan tein kinemiliaj?

• ¿Keniuj Shaan uan Kiara kinpaleuij tein kichiujkej Abrahán uan Sara?

• ¿Toni kichiujkej Shaan uan Kiara tein kinpaleuij maj kuali mouikakan?

• ¿Keyej akin namikyejkej moneki amo kinemiliskej ke amo keman kipiaskej kuejmolmej?