¿Kuali tikonkui folleto Maj timomachtikan iTajtol Dios mojmostaj?

¿Mojmostaj tikonixtajtoltia texto tein ixyetok itech folleto Maj timomachtikan iTajtol Dios mojmostaj uan tamachtilis tein kimelaua? Komo ayamo ijkon tikonchiua, ¿uelis peuas tikonixtajtoltis mojmostaj? Miakej kiixtajtoltiaj kualkampa, uan itech tanemiliaj keman kichiuaj okseki tekimej (Jos 1:8; Sl 119:97). ¿Keniuj uelis okachi mitsonpaleuis texto tein ixyetok sejse tonal? Xikonixtajtolti tein moajsi achto uan satepan texto itech Biblia, porin nejon mitsonpaleuis okachi xikonajsikamati. Itech xiontanemili se akin Biblia ika tajtoua kampa monextia tamachtilis tein kipia texto tein ixyetok. Satepan, xikonchiua tein mitsonmachtia. Keman tikixpejpenaskej teisa ijkon kemej kijtoua iTajtol Dios, tikauaj maj iTajtol techixyekana uan semi techpaleuia (Sl 119:105).

Itech nochi taltikpak, ompa Betel kualkampa momachtiaj folleto Maj timomachtikan iTajtol Dios mojmostaj. Itech xiujmej tein panouanij, kitalianij videos kampa nesij nejon taueyichiualis kualkampa itech JW Broadcasting^® kampa kijtoua OKSEKI TAMAN TEIN IKA TIMOMACHTIAJ. ¿Katiyejua yankuixtok tikonitak? Xa semi mitsonpaleuij keman tikonkakik. Maj tikitakan keniuj uelis techpaleuis tein kipanok Lot.

SATEPAN KE MOITAS VIDEO MAJ AMO TIKTASOJTAKAN TEIN ONKAK NIKAN TALTIKPAK (1JN 2:15), XIKONNANKILI NEJIN NETAJTANILMEJ:

• ¿Katiyejua texto ika tajtoj tokniuj?

• ¿Keniuj tein kipanok Lot techmachtia ke semi amo kuali yeskia komo tiktasojtaj taltikpak uan tein onkak itech taltikpak? (Gé 13:12; 14:12; 19:3, 12, 13, 24-26.)

• ¿Keniuj tiknextiaj ke tiktasojtaj Jiova uan amo taltikpak uan tein onkak itech taltikpak?