6-12 DE MAYO

SALMOS 36, 37

Nekuikatil 87 uan netataujtil | Tanemililmej tein moitas (1 min.)

TAMACHTILIS TEIN KIPIA BIBLIA

1. “Amo xikinkualaui akin amo yolkualmej”

(10 mins.)

Akin amo yolkualmej techtajyouiltiaj (Sl 36:1-4; w17.04 11 § 4).

Komo techtelkualantia tein kichiuaj akin “amo yolkualmej”, uelis techijtakos (Sl 37:1, 7, 8; w22.06 10 § 10).

Keman titakuaujtamatij ke Jehová kichiuas tein motenkaujtok, tiyolseuij (Sl 37:10, 11; w03-S 1/12 13 § 20).

Se tokniuj siuat kiixtajtoltijtok itech icelular tein kitematiltiaj uan itech taixkopimej kiita ke miakej kualantokej, se policía kiselia tomin para takajkayauas, tateuianij tatojtoponiaj, se takat yetok kampa kinketsaj carros uan kipia tein ika tateuis, miakej tachtektokej kampa tanamakaj, motakuejmolchiua, uan miakej ajsij kampa panok teisa para kinpaleuiskej akin mokokojkej. Tokniuj semi motekipachoua.

XIONMOTAJTANI: “¿Nochipa nikitstok noticias kampa kinextiaj ke miakej kichiuaj tein amo kuali?”.

2. Maj tiktemokan tamachtilis ika nejmachkayot

(10 mins.)

Sl 36:6. Salmista kijtoj ke Jehová kichiua tein kuali yetok uan ke nejon tamati kemej uejueyi tepemej, ¿toni xa kijtosnekik? (it-2-S 424).

Motanankilil
¿Toni tamachtilis tikonajsik keman tikonixtajtoltij Biblia nejin semana?

Motanankilil

3. Tein moixtajtoltia itech Biblia

(4 mins.) Jn 1:1-18 (th tamachtilis 10).

MAJ OKACHI KUALI TITAMACHTIKAN

4. Xionpeua xikinnojnotsa oksekin

(3 mins.) KAJKALPAN. (lmd tamachtilis 1 punto 5).

5. Oksepa xikinkalpano

(4 mins.) XIONTANOJNOTSA KAMPA YESKI. Xikontajtani ox kineki momachtisya aksa akin achto amo kinekia momachtis iniuan itaixpantijkauan Jehová (lmd tamachtilis 9 punto 4).

6. Tanojnots

(5 mins.) ijwbv 45. Tamachtilis: ¿Toni kijtosneki Salmo 37:4? (th tamachtilis 13).

TONEMILIS KEMEJ ITATOJTOKAKAUAN CRISTO

Nekuikatil 33

7. ¿Tikonmattokya toni tikonchiuas keman panos tein amo kuali?

(15 mins.) Nemachtil iniuan takakinij.

Miakej tokniuan kipolouanij miak taman tein kipiaj uan tajyouianij keman momikilia akin kitasojtaj porin mochiuaj tetsaujmej uan porin miakej kichiuaj tein amo kuali (Sl 9:9, 10). Uan tein melauj, tinochin uelis techpanos tein amo kuali keman yeski. Yejua ika moneki tikmattoskejya toni tikchiuaskej.

Desde achto moneki tikpiaskej seki taman tein techpaleuis keman mochiuas se tetsauit,a sayoj ke, ¿toni no moneki tikchiuaskej?

Xikonnemili toni ueliskia panos. Yekinika, moneki tikonelnamikis ke tetsaujmej ipa mochiuaj. Desde achtook xikonnemili toni uelis tikonchiuas komo kampa tionnemi mochiua se tetsauit. Maj amo mitsonyolkoko tikonkaujteuas nochi tein tikonpia, ijkon niman tikonmatis toni moneki tikonchiuas para tionmopaleuis tejuatsin uan oksekin (Gé 19:16; Sl 36:9). Uan no, keman panosya tetsauit, amo semi tionmotekipachos komo amo tikonpiaok miak taman (Sl 37:19).
Okachi kuali xionmouika iuan Jehová. Okachi xiontakuaujtamati ke Jehová uelis mitsonyekpias uan kinejneki ijkon kichiuas (Sl 37:18). Desde axkanya xikonelnamiki ke Jehová nochipa kinixyekana uan kinpaleuia itekitikauan maski amo teyi kipiaskejok (Sl 37:23, 24; Jer 45:5).

Komo titakuaujtamatij ke Jehová yekmelauj kichiuas tein motenkaujtok, yejuatsin techpaleuis keman ‘tikpanoskej ouijkayomej’ (Sl 37:39).

Taixkopimej tein nesij itech video “¿Tikonmatiya toni tikonchiuas keman panos teisa tein amo tikonchia?”. 1. Se tokniuj kiixtajtoltijtok Biblia. 2. At tein uejkapan motatamota porin mochiujtok se tetsauit. 3. Semi mixtaj porin chikauak kiouiti. 4. Miakej kimamaj tein kipiaj porin taapexonik.

Xikontali VIDEO ¿Tikonmatiya toni tikonchiuas keman panos teisa tein amo tikonchia? Uan xikontajtani tokniuan:

¿Keniuj Jehová techpaleuia keman mochiua se tetsauit?

Motanankilil
¿Toni moneki tikchiuaskej desde axkanya para tikmatiskej keniuj timopaleuiskej?

Motanankilil
¿Keniuj uelis tikinpaleuiskej oksekin akin kipanouaj se tetsauit?

Motanankilil

8. Nemachtil ika Biblia itech nechikol

(30 mins.) bt tamachtilis 9 § 8-16.

Tanemililmej tein ika tamis nechikol (3 mins.) | Nekuikatil 57 uan netataujtil

a Xikonita amaix ¡Despertad! número 5 de 2017, páginas 4-6.