Itasojikniuan Dios kixtopeuaj tein amo kuali

Satanás kineki maj tikchiuakan tein amo kuali, yejika techtalilia tayejyekolis. Komo tiknejnekij timochiuaskej tiitasojikniuan Dios, moneki tikixtopeuaskej tachiualismej tein Jiova amo nenken kiuelita (Romanos 12:9). Tikitatij seki tachiualismej tein itasojikniuan Dios moneki kixtopeuaskej:

Auilnemilis. «Amo xiauilnentinemikan.» (Romanos 13:9.) Komo aksamej seyetokej uan ayamo monamiktiaj no amo kuali yetok (Hebreos 13:4).

Tauanalis. «Tauananij [...] [amo] yetoskej itech itekiuajyo Dios.» (1 Corintios 6:10, NM.)

Temiktilis uan tamayouilis ika pili. «Amo xitemiktikan.» (Santiago 2:11.)

Tachtekilis. «Uan akin tachtektinemia, yejua ne maj kikaujtiuj ya nitachtekilis.» (Efesios 4:28.)

Xolopijyot. Itanauatil Jiova kijtoua ika xolopijyot amo kuali (1 Timoteo 1:8-10).

Tateuilis uan tel eliuis kualanyot. «Uan no namechilia ke ximosekokaujtiyakan de nochi ne yolchichikkayot uan ne yolkualanilis uan ne tauelot.» (Efesios 4:31.) «Xikyekkauakan ya nochi nejin tajtakolmej kemej nejinkes: Ne [...] [tel eliuis] kualanyot.» (Colosenses 3:8.)

Neauiltilis ika tomin. «Amo iuan ximouikatinemikan [...] komo yejua [...] xijxikuintanemilijtinemi.» (1 Corintios 5:11.)

Maj amo tikintauelitakan tein chijchipaujkej oso maseualmej. «Xiktasojtakan akin namechtauelitaskej, [...] uan ximotatataujtilikan ika por yejuan ne akin [...] namechtajyouiltiskej.» (Mateo 5:43, 44.)

Ika tein Dios techiluia kuali timoojtokaltiskej. Maski iksa semi ouij se kixtopeuas tein amo kuali, ika inepaleuil Jiova uan iTaixpantijkauan, uelis tikixtopeuas tachiualismej tein Dios amo nenken kiuelita (Isaías 48:17; Efesios 6:11; Filipenses 4:13; Hebreos 10:24, 25).