¿Toni moneki tikchiuaskej uan ijkon tiktojtokaskej Jesús?

9:62

Milajtekitikej amo monekia tachias taikampa komo amo kinekia maj isurco kisa chikotik. Akin tikchiuaj kemej Cristo amo no moneki tikauaskej maj tein onkak nikan taltikpak tein tikaujkej techtapololti (Flp 3:13).

Keman tikixnamikij ouijkayomej, amo ouij peuas tikelnamikiskej tein achto tikpiayaj uan xa tiknemiliskej keniuj tinemiaj achto ke tikixmatiskiaj Jiova. Keman tikchiuaj, miakpa okachi tikitaj tein kuali tein tikpanokej uan amo tein amo kuali. Yejua nejon tein kichiujkej israelitas satepan ke kiskej Egipto (Nú 11:5, 6). Komo semi tiknemiliaj keniuj achto tinemiaj, ueliskia tiknejnekiskej oksepa ijkon tinemiskej. Okachi kuali maj titanemilikan itech tatiochiualismej tein axkan tikpiaj uan tein tikpiaskej keman taixyekantos iTekiuajyo Dios (2Co 4:16-18).