¿Toni niktayekanaltia?

Jacob moteuij iuan se ángel porin kinekia kiselis se taman tein semi kipia ipatiuj. Kinekia kiselis itatiochiualis Jiova (Gé 32:24-31; Os 12:3, 4). ¿Uan tejuan? ¿Yekmelauj tiknekij timochikauaskej tiktakamatiskej Jiova uan tikpiaskej itatiochiualis? ¿Toni tikchiuaskej komo moneki tikixpejpenaskej ox tiyaskej nechikol oso titekitiskej okachi horas? Komo tikmakaj Jiova totiempo, tochikaualis uan tein tikpiaj, yejuatsin semi techtatiochiuis uan amo teyi techpolos (Mal 3:10). Techyekanas, techyekpias uan techmakas tein moneki (Mt 6:33, TNM; Heb 13:5).

SATEPAN KE MOITAS VIDEO AMO XIKELKAUA TEIN TIKIXTALIJTOK TIKCHIUAS ITECH ITEKIYO DIOS, XIKONNANKILI NEJIN NETAJTANILMEJ:

• 

  ¿Toni kipanok tokniuj?

• 

  ¿Toni uelis techpanos totekipan?

• 

  ¿Keyej Timoteo monekia kisentokas kiixtalis okachi kitekitilis Jiova maski kipiaya chikauak itakuaujtamatilis? (1Ti 4:16.)

• 

  ¿Keniuj tiknextiaj katiyejua tekit tikitaj ke okachi kipia ipatiuj?