Akin monamiktiaj moneki senyetoskej nochipaya

Akin monamiktijkejya uan kuali mouikaj kiueyitaliaj Jehová uan yolpakij (Mr 10:9). Komo se tokniuj kineki nochipa yetos iuan inamik uan yolpakis, moneki kichiuas tein Biblia tayolmajxitia keman kiixpejpenas akoni iuan monamiktis.

Okachi kuali maj amo se kipia novio oso novia keman se “tel piliok”, porin ijkuak, okachi se kineki se motekas iuan aksa uan amo kuali se taixpejpena (1Co 7:36). Komo ayamo tionmonamiktia, xikonkui motiempo para kuali tionmouikas iuan Dios uan tikonnextis okseki kualneskayomej. Nejon mitsonpaleuis xionmochiua se kuali tetakauj oso tesiuatsin.

Achto ke tionmonamiktis iuan aksa, moneki kuali tikonmatis tein kipia ‘iyolijtik’ oso keniuj yekmelauj tamati (1Pe 3:4). Komo tionomeyoloua, xiontajto iuan akin tikonnemilia tionmonamiktis. Keman tionmonamiktisya okachi moneki tikonnemilis tein tikontemakas uan amo tein tikonselis (Flp 2:3, 4). Komo tikonchiua tein Biblia tayolmajxitia axkan ke moseltiok, amo ouij mitsonkisas tikonchiuas keman tionmonamiktisya. Nejon namechpaleuis xiyolpakikan.

SATEPAN KE TIKONITAS VIDEO TEIN MONEKI KICHIUAS AKSA ACHTO KE MONAMIKTIS. TAXELOL 3: MONEKI ACHTO KUALI TAIXEJEKOS, XIKONNANKILI NEJIN NETAJTANILMEJ:

• ¿Keniuj mouikayaj tokniuj siuat uan Shane?

• ¿Toni kiitak tokniuj siuat keman okachi kiixmatik Shane?

• ¿Keniuj kipaleuijkej itatuan tokniuj siuat uan toni kiixtalij kichiuas?