¡MAJ TITACHIXTOKAN!
Seis millones akin momikilijkej ika COVID | ¿Toni techiluia Biblia?
Organización Mundial de la Salud kinextiani ke hasta itech tonal 23 de mayo de 2022, 6,27 millones momikilianij ika COVID-19. Sayoj ke seko kampa kitematiltiaj tein mochiua, itech 5 de mayo de 2022 kitematiltijkej ke Organización Mundial de la Salud kiixejekoua ke xa okachi miakej momikilianij ika nejin ueyi kokolis, ke itech xiuit 2020 uan 2021 “ueyi kokolis COVID-19 kichiuak maj momikilianij […] kemej 14,9 millones”. ¿Teisa kijtoua Biblia ika nejin tein semi tetayokoltij tein mochiua?
Biblia kijtojka ke onkaskia kokolismej tein temauaj
Jesús kijtojka ke onkaskia kokolismej tein temauaj oso “tetsaujkakokolismej” itech tonalmej tein Biblia kitokaytia kemej “itamian tonalmej” (Lucas 21:11; 2 Timoteo 3:1, Traducción del Nuevo Mundo).
Tein Jesús kijtoj mochiujtok axkan tonalmej. Xikonita tamachtilis: “¿Cuál es la señal de ‘los últimos días’ o ‘los tiempos finales’?” kampa momelaua okachi.
Biblia kijtoua tein techyolseuia
“Dios akin nochipa teyolseuia [...] techyolseuia itech nochi tataman ouijkayomej tein tikpiaj” (2 Corintios 1:3, 4, Traducción del Nuevo Mundo).
Miakej akin momikilianij ininkalyetouanij, semi kinyolseuiani tein kijtoua Biblia. Xikonita tein kimelaua nejin tamachtilismej “Keniuj uelis tikonxikos tayokol: Tein uelis tikonchiuas” uan “Tein okachi kinpaleuia akin kipanouaj se ueyi tayokol”.
Biblia kijtoua ke amo uejkaua tamis nejin
“Maj techixyekanaki moTaixyekanalis. Maj mochiua tein tikneki nikan taltikpak, ijkon kemej ne iluikak” (Mateo 6:10, Traducción del Nuevo Mundo).
Amo uejkaua iTekiuajyo Dios oso “iTaixyekanalis” kitamis kokolismej uan “nion se taltikpaknenkej kijtos: “Nimokokoua” (Marcos 1:14, 15, Traducción del Nuevo Mundo; Isaías 33:24). Xikonita video ¿Toni iTekiuajyo Dios? uan ijkon tikonmatis toni itaixyekanalis Dios uan toni kichiuas.
Timitsonyoleuaj xionmomachti tein kijtoua Biblia. Ijkon, tejuatsin uan mochankauan uelis namechpaleuis tein Biblia tayolmajxitia uan nankimatiskej toni tein kualtsin amo uejkaua mochiuati.