¿Moneki tateuitiuij akin kichiuaj kemej Cristo? | ¿Toni kijtoua Biblia?

Tein mochiujtok ompa Ucrania kinextiani ke akin taixyekanaj itech taneltokalis kinyolchikauaj oksekin maj no tateuitij. ¿Tikonita keniuj akin taixyekanaj itech se taneltokalis uan akin ompa pouij, kipaleuiaj ininaltepeuj kampa nemij?

• “Semi tikinueyitaliaj nochin akin kinteuijtokej akin kiixnamikij altepet Ucrania uan tikintasojkamatiliaj porin kipaleuiaj altepet kampa tinemij. Tamechtasojtaj uan timotataujtiaj ika nochi toyolo, uan xikmatikan ke nochipa tamechpaleuiskej” (metropolitano Epifanio I de Kiev, nejin kitematiltij The Jerusalem Post, 16 metsti marzo xiuit 2022).

• “Nejin domingo, akin taixyekana itech tiopan ortodoxa ompa Rusia, kichiuak se misa para soldados rusos uan kinyolchikauak maj tateuitij para kipaleuiskej ininaltepeuj ‘sayoj kemej rusos uelij tateuiaj’. Mochiuak nejin keman Moscú kiteuijtoya Ucrania” (Reuters, 3 metsti abril xiuit 2022).

¿Moneki tateuitiuij akin kichiuaj kemej Cristo? ¿Toni kijtoua Biblia?

Tein yekmelauj kijtoua Biblia

Biblia kijtoua ke akin yekmelauj kichiuaj kemej Cristo amo tateuiaj.

•  “Xikalaki momachete kampa tikixtij, porin nochin akin tateuiskej ika machete, kinmiktiskej ika machete” (Mateo 26:52).

  Komo aksa tapaleuia keman tateuitij oso no youi, ¿yekmelauj kitakamati tein Jesús kijtoj?

• “Namechmaka se yankuik tanauatil: ximotasojtakan se iuan okse; ijkon kemej nejua namechtasojta, namejuan no ximotasojtakan se iuan okse. Ijkon nochin kimatiskej ke namejuan nannomomachtijkauan: komo namotasojtaj se iuan okse” (Juan 13:34, 35).

  Komo aksa tapaleuia keman tateuitij, ¿kinextiskia ke tetasojta kemej Jesús kijtoj ke kichiuaskiaj akin kitojtokaj?

Komo tikonneki tikonmatis okachi, xikonita tamachtilis “El cristianismo y la guerra: ¿son compatibles?”.

Akin kichiuaj kemej Cristo axkan amo no tateuitij

¿Yekmelauj uelis tikneltokaskej ke akin kichiuaj kemej Cristo axkan, amo tateuiaj? Kemaj. Biblia kijtojka ke itech nejin tonalmej, tein moixmatij kemej “tonalmej keman tatamitiya”, itech nochi taltikpak moajsiskej akin amo tateuiskejok”, ijkon kemej Jesús kijtojka (Isaías 2:2, 4, nota).

• Komo tikonneki tikonmatis okachi xikonita tamachtilismej itech amaix La Atalaya tein motokaytia “¿Qué piensa Dios de las guerras?”.

Amo uejkaua Jehová,a “Dios akin teyolseuia”, peuas taixyekanas uan kinmakixtis akin kintajyouiltiaj uan kinkojkokouaj (Filipenses 4:9; Salmo 72:14).

• Komo tikonneki tikonmatis keniuj kichiuas, xikonita video ¿Toni iTekiuajyo Dios?